IPL 2023 Final GT vs CSK, આઈપીએલ 2023 ફાઇનલ : અમદાવાદમાં વરસાદના કારણે મેચ મોકૂફ, હવે સોમવારે રમાશે

ગુજરાત ટાઇટન્સ વિ. ચેન્નઇ સુપર કિંગ્સ વચ્ચે આઈપીએલ 2023નો ફાઇનલ મુકાબલો વરસાદના કારણે આજે મોકૂફ રાખવાની ફરજ પડી છે. હવે આવતીકાલે સોમવારે (29 મે)રિઝર્વ ડે ના દિવસે ફાઇનલ મેચ રમાશે. વરસાદના કારણે ટોસ પણ થઇ શક્યો ન હતો. એવી પણ જાહેરાત કરવામાં આવી છે કે અમદાવાદના નરેન્દ્ર મોદી સ્ટેડિયમમાં આજની મેચની ટિકિટ સોમવારે માન્ય રહેશે. મેચ સાંજે 7.30થી શરુ થશે.

Express photo: Devendra Pandey

IPL 2023 Final GT vs CSK : અમદાવાદના નરેન્દ્ર મોદી સ્ટેડિયમમાં રમાનાર ફાઇનલ મેચ પર વરસાદના કારણે સંકટના વાદળો સર્જાયા છે. વરસાદના કારણે હજુ સુધી ટોસ થઇ શક્યો નથી (સ્ટોરી વાંચવા માટે અહીં ક્લિક કરો)

Express photo: Devendra Pandey

અમદાવાદમાં વીજળીના કડાકા-ભડાકા સાથે વરસાદ વરસી રહ્યો છે. જેના કારણે મેચ પર સંકટના વાદળો સર્જાયા છે. બોપલ-ઘુમા વિસ્તારમાં કરા પડ્યા હતા. મોટેરામાં પણ વરસાદ વરસ્યો છે. જેના કારણે પિચ પર કવર ઢાંકવામાં આવ્યા છે. ઉત્તર પશ્ચિમ રાજસ્થાન અને તેને અડીને આવેલા વિસ્તારોમાં સાઈક્લોનિક સર્ક્યુલેશન સિસ્ટમ સર્જાઈ છે. આ સક્રિય સિસ્ટમની અસર નબળી પડતાં 30 મે પછી વાતાવરણ નોર્મલ થશે.

(Express photo by Nirmal Harindran )

ચેન્નઇ સુપર કિંગ્સના અંબાતી રાયડુએ આઈપીએલ 2023ની ફાઇનલ પહેલા નિવૃત્તિની જાહેરાત કરી છે. રાયડુ ટ્વિટ કરીને કહ્યું કે 2 શાનદાર ટીમ મુંબઈ ઇન્ડિયન્સ અને સીએસકે, 204 મેચ, 14 સિઝન, 11 પ્લેઓફ, 8 ફાઇનલ, 5 ટ્રોફી. આશા છે કે આજે રાત્રે છઠ્ઠી ટ્રોફી. આ ઘણી લાંબી સફર છે. મેં નિર્ણય કર્યો છે કે આજ રાતની ફાઇનલ આઈપીએલમાં મારી અંતિમ મેચ રહેશે. મને આ મહાન ટૂર્નામેન્ટમાં રમવાની ઘણી મજા આવી. તમારા બધાનો આભાર. કોઇ યૂ-ટર્ન લેવાનો નથી.

આઈપીએલ 2023ની ફાઇનલ મેચમાં ગુજરાત ટાઇટન્સ સામે ટોસ માટે મેદાનમા ઉતરતા જ ચેન્નઇ સુપર કિંગ્સનો કેપ્ટન એમએસ ધોની ઇતિહાસ રચી દેશે. આ તેના આઈપીએલ કારકિર્દીની 250મી મેચ રહેશે. આ સિદ્ધિ મેળવનાર પ્રથમ ખેલાડી બનશે.

આઈપીએલ-2023ની ફાઇનલ અમદાવાદના નરેન્દ્ર મોદી સ્ટેડિયમમાં રમાવાની છે. 28 મે ના રોજ અમદાવાદમાં વરસાદની આગાહી છે. જો વરસાદના કારણે આજે મેચ નહીં રમાય તો ફાઇનલ માટે રિઝર્વ ડે રાખવામાં આવ્યો છે. 28 મે ના રોજ મેચ પુરી ના થાય તો 30 મે ના રોજ મેચ રમાશે. રિઝર્વ ડે ના દિવસે 3 કલાક અને 20 મિનિટ સિવાય વધારાના 2 કલાક આપવામાં આવશે. સુપર ઓવરમાં પણ વિજેતાનો નિર્ણય થઇ શકે છે. જો વરસાદના કારણે બન્ને દિવસ મેચ ના રમાય તો પોઇન્ટ ટેબલમાં ટોચના સ્થાને રહેનાર ટીમ ચેમ્પિયન બની જશે. એટલે કે ગુજરાત ટાઇટન્સની ટીમ ચેમ્પિયન બની જાય.

ગુજરાતની ટીમ ડિફેન્ડિંગ ચેમ્પિયન છે જ્યારે સીએસકે 4 વખત ચેમ્પિયન રહી ચુકી છે

ચેન્નઈ સુપર કિંગ્સ અને ગુજરાત ટાઈટન્સ વચ્ચે આઈપીએલમાં કુલ 4 મેચ રમાઇ છે. જેમાંથી 3 માં ગુજરાતનો વિજય થયો છે અને એક મેચમાં ચેન્નઈએ જીત મેળવી છે. સીએસકેને આ એક જીત આ સિઝનની ક્વોલિફાયર 1 માં મળી હતી. તે પહેલા ચેન્નઈ ગુજરાત સામે ત્રણેય મેચ હાર્યું હ

ગુજરાત ટાઇટન્સ વિ. ચેન્નઇ સુપર કિંગ્સ વચ્ચે આઈપીએલ 2023નો ફાઇનલ મુકાબલો અમદાવાદના નરેન્દ્ર મોદી સ્ટેડિયમમાં રમાશે