આઈપીએલ 2023 : પંજાબ કિંગ્સનો સતત બીજો વિજય, રાજસ્થાન રોયલ્સને હરાવ્યું

પંજાબ કિંગ્સે રાજસ્થાન રોયલ્સ સામે 5 રને વિજય મેળવ્યો. રાજસ્થાન 20 ઓવરમાં 7 વિકેટે 172 રન બનાવ્યા. પંજાબે સતત બીજો વિજય મેળવ્યો છે. જ્યારે રાજસ્થાનનો પ્રથમ પરાજય થયો છે.

અર્શદીપ સિંહની 19મી ઓવરમાં 18 રન ફટકાર્યા. રાજસ્થાનને જીત માટે 6 બોલમાં 16 રનની જરૂર.

દેવદત્ત પડ્ડીકલ 21 રને એલિસની ઓવરમાં બોલ્ડ થયો. એલિસે ચોથી વિકેટ ઝડપી. રાજસ્થાને 124 રને છઠ્ઠી વિકેટ ગુમાવી

રિયાન પરાગ 20 રને એલિસનો શિકાર બન્યો. રાજસ્થાને 121 રને પાંચમી વિકેટ ગુમાવી

સંજુ સેમસનના 25 બોલમાં 5 ફોર, 1 સિક્સર સાથે 42 રન. રાજસ્થાને 91 રને ચોથી વિકેટ ગુમાવી.

રાજસ્થાન રોયલ્સે 11.5 ઓવરમાં 100 રન પુરા કર્યા

જોશ બટલરે 11 બોલમાં 1 ફોર, 1 સિક્સર સાથે 19 રન બનાવ્યા. તે જોશ એલિસનો શિકાર બન્યો. રાજસ્થાને 6 ઓવરમાં 57 રને ત્રીજી વિકેટ ગુમાવી

રાજસ્થાન રોયલ્સે 5.1 ઓવરમાં 50 રન પુરા કર્યા

આર અશ્વિનને ઓપનિંગમાં મુકવાનો નિર્ણય ફ્લોપ સાબિત રહ્યો હતો. તે 4 બોલમાં શૂન્ય રન બનાવી અર્શદીપ સિંહનો શિકાર બન્યો હતો. રાજસ્થાન રોયલ્સે 26 રને બીજી વિકેટ ગુમાવી.

યશસ્વી જયસ્વાલ 11 રન બનાવી અર્શદીપ સિંહનો શિકાર બન્યો. રાજસ્થાને 13 રને પ્રથમ વિકેટ ગુમાવી.

રાજસ્થાન રોયલ્સના ઓપનર તરીકે યશસ્વી જયસ્વાલ અને સરપ્રાઇઝ તરીકે આર અશ્વિન મેદાનમાં ઉતર્યા. જયસ્વાલે પ્રથમ બોલે જ સિક્સર ફટકારી ખાતું ખોલ્યું. પ્રથમ ઓવરમાં 7 રન બનાવ્યા

રાજસ્થાન રોયલ્સ તરફથી હોલ્ડરે 2 વિકેટ, જ્યારે અશ્વિન અને ચહલે 1-1 વિકેટ ઝડપી.

પંજાબ કિંગ્સે રાજસ્થાન રોયલ્સ સામે 20 ઓવરમાં 4 વિકેટે 197 રન બનાવ્યા. રાજસ્થાનને જીતવા માટે 198 રનનો પડકાર આપ્યો છે. શિખર ધવન 56 બોલમાં 9 ફોર, 3 સિક્સર સાથે 86 રન બનાવી અણનમ રહ્યો. સેમ કરન 1 રને અણનમ રહ્યો

શાહરુખ ખાન 10 બોલમાં 11 રન બનાવી હોલ્ડરની ઓવરમાં આઉટ થયો.

અશ્વિને પંજાબ કિંગ્સને ત્રીજી સફળતા અપાવી. સિકંદર રઝાને 1 રને બોલ્ડ કર્યો. પંજાબનો સ્કોર 16.1 ઓવરમાં 3 વિકેટે 159 રન. નવા પ્લેયર તરીકે શાહરુખ ખાન ક્રિઝ પર.

જિતેશ શર્મા 16 બોલમાં 2 ફોર, 1 સિક્સર સાથે 27 રન બનાવી ચહલની ઓવરમાં કેચ આઉટ થયો. પંજાબ કિંગ્સે 158 રને બીજી વિકેટ ગુમાવી.

શિખર ધવને તેની IPL કારકિર્દીમાં 50મી વખત અડધી સદી ફટકારી છે. ડેવિડ વોર્નર અને વિરાટ કોહલી પછી આવી સિદ્ધિ મેળવનાર તે માત્ર ત્રીજો ખેલાડી બન્યો.

શિખર ધવને 36 બોલમાં 6 ફોર અને 1 સિક્સર સાથે અડધી સદી ફટકારી. પંજાબ કિંગ્સના 14 ઓવરમાં 1 વિકેટે 140 રન

પંજાબ કિંગ્સે 11.3 ઓવરમાં 100 રન પુરા કર્યા

પંજાબ કિંગ્સ માટે ખરાબ સમાચાર છે. ભાનુકા રાજપક્ષે ઇજાગ્રસ્ત થઇને મેદાનમાંથી બહાર ચાલ્યો ગયો છે. શિખર ધવને અશ્વિનના બોલ પર શોટ રમ્યો હતો જે રાજપક્ષેના હાથ પર લાગ્યો હતો. જેના કારણે મેદાનની બહાર જવું પડ્યું હતું. નવા બેટ્સમેન તરીકે જિનેશ શર્મા ક્રિઝ પર આવ્યો. પંજાબના 10.4 ઓવરમાં 1 વિકેટે 94 રન.

પ્રભસિમરન સિંહ 34 બોલમાં 7 ફોર, 3 સિક્સર સાથે 60 રન બનાવી હોલ્ડરનો શિકાર બન્યો. પંજાબ કિંગ્સે 90 રને પ્રથમ વિકેટ ગુમાવી

પ્રભસિમરન સિંહે 28 બોલમાં 7 ફોર, 2 સિક્સરની મદદથી અડધી સદી ફટકારી. પંજાબનો સ્કોર 8 ઓવરમાં વિના વિકેટે 77

પંજાબ કિંગ્સે 4.2 ઓવરમાં 50 રન પુરા કર્યા

આસિફની ચોથી ઓવરમાં 19 રન ફટકાર્યા. પ્રભસિમરન સિંહે 3 ફોર અને એક સિક્સર ફટકારી

શિખર ધવન અને પ્રભસિમરન સિંહ પંજાબ કિંગ્સ તરફથી ઓપનિંગમાં ઉતર્યા. પ્રથમ ઓવરમાં 7 રન બનાવ્યા

રાજસ્થાન રોયલ્સ – જોશ બટલર, યશસ્વી જયસ્વાલ, દેવદત્ત પડ્ડીકલ, સંજૂ સેમસન (કેપ્ટન), રિયાન પરાગ, શિમરોન હેટમાયર, જેસોન હોલ્ડર, આર અશ્વિન, ચહલ, ટ્રેન્ટ બોલ્ટ, કે આસિફ.

પંજાબ કિંગ્સ – શિખર ધવન (કેપ્ટન), પ્રભસિમરન સિંહ , ભાનુકા રાજપક્ષે, જીતેશ શર્મા, શાહરૂખ ખાન, સેમ કરણ, સિકંદર રઝા, નાથન એલિસ, હરપ્રીત બ્રાર, રાહુલ ચાહર, અર્શદીપ સિંહ.

પંજાબ કિંગ્સ સામે રાજસ્થાન રોયલ્સના કેપ્ટન સંજુ સેમસને ટોસ જીતીને પ્રથમ ફિલ્ડિંગ કરવાનો નિર્ણય કર્યો

આજે રાજસ્થાન રોયલ્સ અને પંજાબ કિંગ્સ વચ્ચે મુકાબલો. આ ગુવાહાટીના બરસાપારા સ્ટેડિયમમાં રમાશે. નોર્થ ઇસ્ટમાં આ આઈપીએલની પ્રથમ મેચ છે. રાજસ્થાનની ટીમ અહીં બે ઘરેલું મેચ રમશે