IPL 2024 : શું શુભમન ગિલને કેપ્ટન બનાવીને ગુજરાત ટાઇટન્સે ભૂલ કરી? એબી ડી વિલિયર્સ આ નિર્ણયથી ખુશ નથી

Gujarat Titans Captain Shubman Gill : ભારતીય ઓપનર શુભમન ગિલ આઈપીએલ 2024માં ગુજરાત ટાઈટન્સની કેપ્ટનશિપ કરવાનો છે. ગુજરાત ટાઇટન્સે આ નિર્ણય ટીમના પૂર્વ કેપ્ટન હાર્દિક પંડ્યા મુંબઇ ઇન્ડિયન્સ ગયા બાદ લીધો છે. લેજન્ડરી બેટ્સમેન એબી ડી વિલિયર્સ આ નિર્ણય સાથે સહમત નથી. તેને લાગે છે કે ગુજરાત ટાઇટન્સનો અનુભવી બેટ્સમેન કેન વિલિયમ્સન એક સારો વિકલ્પ છે.

એબી ડી વિલિયર્સ વિલિયમ્સનને કેપ્ટન તરીકે જોવા માંગતો હતો

એબી ડી વિલિયર્સે પોતાના યુટ્યુબ પર કહ્યું કે જે ક્ષણે મેં રિટેઇન કરાયેલા ખેલાડીઓની યાદીમાં કેન વિલિયમ્સનનું નામ જોયું મને લાગ્યું કે આ શાનદાર તક છે તે કોઇ અનુભવી ખેલાડીને કેપ્ટનશિપ આપવામાં આવે છે. સાથે જ ગિલને એક સારી સિઝન સાથે ટીમ ઇન્ડિયામાં સ્થાન નિશ્ચિત કરવાની તક આપવી જોઇએ.

આરસીબી તરફથી રમી ચુકેલા આ ખેલાડીએ વધુમાં કહ્યું કે ગુજરાતે ગિલને કેપ્ટન બનાવી દીધો છે. બની શકે કે આ નિર્ણય સાચો સાબિત થાય. હું એમ નથી કહી રહ્યો કે આ ખોટું છે પણ મને લાગે છે કે શુભમનને એક સિઝનમાં વિલિયમ્સનની કેપ્ટન્સી હેઠળ શીખવાની તક આપવી જોઈતી હતી.

આ પણ વાંચો - હાર્દિક પંડ્યાના મુંબઈ ઈન્ડિયન્સમાં જોડાવાથી હરાજી પર કેવી પડશે અસર, જાણો કઇ ફ્રેન્ચાઈઝી પાસે બચ્યા છે કેટલા રૂપિયા

ગિલને આગામી સિઝનમાં કેપ્ટનશિપ મળવી જોઈતી હતી

ડી વિલિયર્સે પોતાની યૂટ્યૂબ ચેનલ પર કહ્યું કે રિટેન્શન લિસ્ટમાં તેનું નામ જોઈને હું ખૂબ જ ખુશ છું. ગત સિઝનમાં આ વિશે ઘણી વાત થઇ હતી કારણ કે આ તેની છેલ્લી સિઝન બનવા જઈ રહી છે. તે આઈપીએલની વધુ એક સિઝન રમવા માટે 2024 તરફ આગળ વધી રહ્યો છે. તેની સાથેની પરિસ્થિતિ હંમેશા આશ્ચર્યચકિત કરનારી હોય છે. કદાચ તે વધુ ત્રણ સિઝન રમે, કોણ જાણે છે. પરંતુ રિટેઇન થયેલા ખેલાડીઓમાં તેનું નામ જોઇને ઘણું સારું લાગે છે.