IPL 2024, RCB vs CSK : ચેન્નઈ સામે વિરાટ કોહલી બનાવી શકે છે આ રેકોર્ડ, જોઈશે માત્ર 15 રન

IPL 2024, RCB vs CSK : વિરાટ કોહલી આજે રમાનારી ચેન્નઈ સામેની મેચમાં નવો રેકોર્ડ બનાવશે. આ માટે વિરાટ કોહલીને માત્ર 15 રનની જરૂર રહેશે. આ રેકોર્ડ બાદ પણ તેઓ શિખર ધવન પછી બીજા નંબરે રહેશે.

Written by Ankit Patel
March 22, 2024 11:17 IST
IPL 2024, RCB vs CSK : ચેન્નઈ સામે વિરાટ કોહલી બનાવી શકે છે આ રેકોર્ડ, જોઈશે માત્ર 15 રન
આઈપીએલ 2024, વિરોટ કોહલી બનાવશે રેકોર્ડ - Photo - IPL

IPL 2024: IPL 2024ની પ્રથમ મેચ RCB અને CSK વચ્ચે આજે 22 માર્ચે રમાશે. ચેન્નાઈમાં રમાનારી આ મેચમાં બધાની નજર લાંબા સમય બાદ મેદાનમાં પરત ફરી રહેલા અને RCBનું પ્રતિનિધિત્વ કરી રહેલા વિરાટ કોહલી પર રહેશે. કોહલીએ અગાઉ પુત્રના જન્મને કારણે ઈંગ્લેન્ડ સામેની ટેસ્ટ શ્રેણીમાં ભાગ લીધો ન હતો અને ચાહકો લાંબા સમયથી તેની ક્રિકેટ એક્શનને મિસ કરી રહ્યા હતા. કોહલી પાસે CSK સામેની આ મેચમાં રન બનાવવાની શાનદાર તક છે અને કોહલી આ ટીમ સામે 15 રન બનાવતાની સાથે જ એક મોટો રેકોર્ડ પોતાના નામે કરી લેશે.

વિરાટ કોહલી CSK સામે 1000 રન પૂરા કરવાની નજીક છે

વિરાટ કોહલીએ અત્યાર સુધી CSK વિરૂદ્ધ IPLમાં છેલ્લી 16 મેચોમાં 31 મેચ રમી છે, જેમાં તેણે 985 રન બનાવ્યા છે. વિરાટ કોહલી 15 રન બનાવતાની સાથે જ CSK સામે 1000 રન પૂરા કરનાર RCBનો પ્રથમ ખેલાડી બની જશે. જો કે, આ લીગમાં વિરાટ કોહલી પહેલા CSK સામે 1000 રન બનાવનાર એકમાત્ર બેટ્સમેન શિખર ધવન છે. ધવને છેલ્લી 16 સિઝનમાં CSK વિરુદ્ધ 1057 રન બનાવ્યા છે અને CSK વિરુદ્ધ 1000 રનનો આંકડો પાર કરનાર ધવન પછી કોહલી આ લીગમાં એકંદરે બીજો બેટ્સમેન બનશે.

ipl 2024, top 3 batsman against csk in ipl
ચેન્નઈ સામે સૌથી વધુ રન બનાવનાર બેટ્સમેનો – photo – IPL

IPLમાં CSK સામે સૌથી વધુ રન બનાવનાર ટોચના 3 બેટ્સમેન

  • શિખર ધવન- 1057 રન
  • વિરાટ કોહલી- 985 રન
  • રોહિત શર્મા- 791 રન

આ પણ વાંચોઃ- આઈપીએલ 2024 : એમએસ ધોનીએ ચેન્નઇ સુપર કિંગ્સની કેપ્ટનશિપ છોડી, ઋતુરાજ ગાયકવાડ નવો કેપ્ટન

આ પણ વાંચોઃ- આઇપીએલ 2024 : ટ્રોફી એક અને પડકાર અનેક, હાર્દિક પંડ્યા સહિત ત્રણ કેપ્ટનોની પણ થશે અગ્નિ પરીક્ષા

વિરાટ કોહલી 12,000 રન પુરા કરવાની નજીક છે

વિરાટ કોહલી CSK સામે 6 રન બનાવતાની સાથે જ T20 ક્રિકેટમાં 12,000 રન પૂરા કરી લેશે. કોહલીએ પોતાના ક્રિકેટ કરિયરમાં અત્યાર સુધી 376 મેચ રમી છે અને તેના નામે 11,994 રન છે. T20 ફોર્મેટમાં કોહલીનો સર્વશ્રેષ્ઠ સ્કોર 122 રન છે. IPLની વાત કરીએ તો વિરાટ કોહલી આ લીગમાં સૌથી વધુ રન બનાવનાર બેટ્સમેન છે અને તેણે અત્યાર સુધી રમાયેલી 237 મેચોમાં 7 સદીની મદદથી 7,263 રન બનાવ્યા છે.

Read More
આજના લેટેસ્ટ ગુજરાતી સમાચાર અને ટ્રેન્ડિંગ ન્યૂઝ વાંચો ઈન્ડિયન એક્સપ્રેસ ગુજરાતી પર. અહીં તમને મળશે ગુજરાત, સ્પોર્ટ્સ, ધર્મ, વેપાર, લાઇફ સ્ટાઇલ, મનોરંજન, કરિયર તેમજ ભારત અને વિશ્વભરના દૈનિક સમાચાર અપડેટ્સ ગુજરાતી ભાષામાં.
Loading...
ચેનલ JOIN કરો Follow us Shorts ટોપ ન્યૂઝ