GT vs PBKS, Ahmedabad Weather and Pitch Report: IPL 2024માં 17મી મેચ ગુજરાત ટાઇટન્સ અને પંજાબ કિંગ્સ વચ્ચે રમાશે. આ મેચ નરેન્દ્ર મોદી સ્ટેડિયમમાં રમાશે. ગુજરાત ટાઇટન્સ ટીમ અત્યાર સુધીમાં ત્રણ મેચ રમી છે જેમાંથી બેમાં તેણે જીત મેળવી છે. તે અત્યાર સુધી તેના હોમ ગ્રાઉન્ડ પર એકપણ મેચ હારી નથી. જ્યારે પંજાબ કિંગ્સની ટીમે સિઝનની શરૂઆત જીત સાથે કરી હતી પરંતુ તે પછી તે આગામી બે મેચ હારી ગઈ હતી.
પીચ બેટ્સમેનોને અનુકૂળ
આઈપીએલ 2024માં ગુજરાત અને પંજાબ વચ્ચેની મેચ નરેન્દ્ર મોદી સ્ટેડિયમમાં રમાશે. વિશ્વના સૌથી મોટા ક્રિકેટ સ્ટેડિયમની પીચ બેટ્સમેન માટે યોગ્ય માનવામાં આવે છે. આ સ્ટેડિયમના આઉટફિલ્ડ ખૂબ જ ઝડપી છે. આ મેદાન પર સ્પિનર બોલર ખૂબ ધોવાતા જોવા મળ્યા છે. જોવા મળે છે જ્યારે ફાસ્ટ બોલરોને મદદ મળી છે. આ મેદાનમાં મોટા સ્કોર્સ બનતા જોવાયા છે. ગત સિઝનમાં પ્રથમ દાવનો સ્કોર અહીં પાંચ વખત 200ને પાર કરી ગયો હતો. આ મેદાન પર અત્યાર સુધીમાં 28 આઈપીએલ મેચ રમાઈ છે, જેમાંથી પ્રથમ બેટિંગ કરનારી ટીમ 14 વખત જીતી છે, જ્યારે માત્ર 14 મેચમાં પીછો કરતી ટીમ જીતી શકી છે.
GT vs PBKS : ગુજરાત અને પંજાબનો હેડ ટુ હેડ રેકોર્ડ
ગુજરાત ટાઇટન્સ ટીમ આ લીગમાં માત્ર બે સીઝન જૂની છે. આ બંને ટીમો વચ્ચે બે સિઝનમાં ત્રણ મેચ રમાઈ છે. ગુજરાત ટાઇટન્સે ત્રણમાંથી બે વખત મેચ જીતી છે, જ્યારે પંજાબ કિંગ્સે માત્ર એક જ વખત મેચ જીતી છે. આંકડાઓ પરથી લાગે છે કે ગુજરાતનો હાથ ઉપર છે પરંતુ તે પંજાબને ઓછો આંકી શકે તેમ નથી.
આ પણ વાંચોઃ- આઇપીએલ 2024: મયંક યાદવે દિલ્હી માટે સર્વિસિસની ઓફર ફગાવી હતી, ઋષભ પંતના કોચની મદદથી બન્યો ‘રાજધાની એક્સપ્રેસ’
GT vs PBKS : વરસાદની કોઈ શક્યતા નથી
હવામાનની વાત કરીએ તો અહીં ખેલાડીઓને વધારે મુશ્કેલીનો સામનો કરવો પડશે નહીં. હવામાન ચોખ્ખું રહેશે અને ચાહકો સંપૂર્ણ ક્રિયા જોઈ શકશે. અમદાવાદમાં મેચ શરૂ થવાના સમયે દિવસનું તાપમાન 35 ડિગ્રી સુધી રહેશે. મેચના અંત સુધીમાં તે 31 થી 29 ડિગ્રી સુધી રહેશે. વરસાદની કોઈ શક્યતા નથી. દિવસની ભેજ 33 ટકાથી વધુ રહેવાની અપેક્ષા નથી.
