PBKS vs SRH, chandigarh Weather and Pitch Report: પંજાબ કિંગ્સ (PBKS) અને સનરાઇઝર્સ હૈદરાબાદ (SRH) બંને 9 એપ્રિલે મહારાજા યાદવેન્દ્ર સિંહ ક્રિકેટ સ્ટેડિયમ, મુલ્લાનપુર, ચંદીગઢ ખાતે ટકરાશે ત્યારે બંને ટીમો પોતાની જીતનો સિલસિલો ચાલુ યથાવત રાખવા માટે મેદાનમાં ઉતરશે. IPL 2024 ના પોઈન્ટ ટેબલમાં SRH અને PBKS અનુક્રમે 5મા અને 6મા સ્થાને છે. બંનેને 4-4 માર્કસ છે. બંને પોઈન્ટ ટેબલમાં પોતપોતાની સ્થિતિ સુધારવા ઈચ્છે છે.
પંજાબ કિંગ્સે અત્યાર સુધીમાં 4 મેચ રમી છે. તેમાંથી 2 જીત્યા છે. શિખર ધવનની આગેવાની હેઠળની પંજાબ કિંગ્સે તેમની પ્રથમ મેચ જીતી પછીની બે મેચ હારી અને ચોથી મેચમાં ગુજરાત ટાઇટન્સ (જીટી) સામે 3 વિકેટે જીત મેળવી. બીજી તરફ સનરાઈઝર્સ હૈદરાબાદ પ્રથમ મેચ હારી, પછી જીતી અને પછી ત્રીજી મેચ હારી. તેઓએ તેમની ચોથી મેચમાં ચેન્નાઈ સુપર કિંગ્સ (PBKS) સામે 6 વિકેટથી જીત મેળવી હતી.
PBKS VS SRH : પિચ રિપોર્ટ
મોહાલીના મુલ્લાનપુરમાં મહારાજા યાદવેન્દ્ર સિંહ ઈન્ટરનેશનલ ક્રિકેટ સ્ટેડિયમ ખાતેની પીચ બેટ્સમેનોને મદદ કરશે તેવી અપેક્ષા રાખવામાં આવે છે, જેમ કે પંજાબ કિંગ્સ વિ દિલ્હી કેપિટલ્સ મેચ (બપોરે 3:30 વાગ્યે શરૂ થાય છે) દરમિયાન થયું હતું. જોકે, તે મેચ બપોરે રમાઈ હતી. PBKS vs SRH મેચ સાંજે શરૂ થશે, તેથી ઝાકળની અસર મેચના પરિણામ પર જોવા મળી શકે છે.
PBKS VS SRH : વેધર રિપોર્ટ
9 એપ્રિલે રમાનારી ક્રિકેટ મેચ માટે ચંદીગઢમાં હવામાન ખુશનુમા રહેવાની ધારણા છે. જ્યારે મેચ શરૂ થશે ત્યારે મોહાલીમાં તાપમાન 32 ડિગ્રીની આસપાસ રહેશે. મેચના અંત સુધીમાં તે 24 થી 18 ડિગ્રી સુધી ઘટી જશે. વરસાદની કોઈ શક્યતા નથી. ભેજની ટકાવારી 21 થી વધુ નહીં હોય. રાત્રે તે 18-19 ટકા રહેશે. AccuWeather અનુસાર હવાની ગુણવત્તા બિનઆરોગ્યપ્રદ રહેશે.
આ પણ વાંચોઃ- ઓરેન્જ કેપ વિરાટ કોહલી પાસે, કોણ છે આઈપીએલ 2024 રન મશીન, જાણો લેટેસ્ટ અપડેટ
કઈ ટીમ જીતે તેવી શક્યતા?
ગૂગલની જીતની સંભાવના અનુસાર, 52 ટકા સંભાવના છે કે સનરાઇઝર્સ હૈદરાબાદ (SRH) તેની પાંચમી મેચમાં પંજાબ કિંગ્સને હરાવશે અને IPL 2024 પોઇન્ટ ટેબલમાં ચોથા સ્થાને પહોંચવા માટે ચેન્નાઇ સુપર કિંગ્સથી આગળ નીકળી જવાનો પ્રયાસ કરશે.
આ પણ વાંચોઃ- જો સ્ટ્રાઇક રેટ પસંદગીનો માપદંડ બનશે તો કેએલ રાહુલને નહીં મળે ટી 20 વર્લ્ડ કપની ટિકિટ, જાણો આંકડા
PBKS VS SRH હેડ ટુ હેડ
પંજાબ કિંગ્સ અને સનરાઈઝર્સ હૈદરાબાદ વચ્ચે અત્યાર સુધીમાં 21 આઈપીએલ મેચ રમાઈ છે. જેમાંથી પંજાબ કિંગ્સે 7 અને સનરાઈઝર્સ હૈદરાબાદે 14માં જીત મેળવી છે. પંજાબ કિંગ્સનો અત્યાર સુધીનો સૌથી વધુ સ્કોર સનરાઇઝર્સ હૈદરાબાદ સામે 211 રનનો છે. પંજાબ કિંગ્સ સામે સનરાઇઝર્સ હૈદરાબાદનો સર્વોચ્ચ સ્કોર 212 રન છે. બંને વચ્ચેની છેલ્લી 5 મેચમાંથી 3માં સનરાઈઝર્સ હૈદરાબાદે જીત મેળવી છે.
