આઈપીએલ 2024 રેકોર્ડ : કોણે બનાવ્યા સૌથી વધારે રન, કોણે ફટકારી સૌથી ઝડપી સદી, જાણો આ સિઝનના રેકોર્ડ

IPL 2024 Final Updates in Gujarati : આઈપીએલ 2024માં કોલકાતા નાઇટ રાઈડર્સ ચેમ્પિયન બન્યું છે. કોલકાતા નાઈટ રાઇડર્સે આઈપીએલ 2024ની ફાઇનલમાં સનરાઈઝર્સ હૈદરાબાદ સામે 8 વિકેટે વિજય મેળવ્યો હતો. હૈદરાબાદ 18.3 ઓવરમાં 113 રનમાં ઓલઆઉટ થઇ ગયું હતું. જવાબમાં કોલકાતાએ 10.3 ઓવરમાં 2 વિકેટ ગુમાવી પડકાર મેળવી લીધો હતો. કોલકાતાની ટીમ ત્રીજી વખત ચેમ્પિયન બની છે. આ પહેલા 2012 અને 2014માં ગૌતમ ગંભીરની આગેવાનીમાં ટીમ ચેમ્પિયન બની હતી. આઈપીએલ 2024માં સૌથી વધારે રન, સૌથી વધારે વિકેટ, સૌથી વધારે ફોર સહિત એવા ખાસ રેકોર્ડ વિશે જણાવી રહ્યા છીએ.

આઈપીએલ 2024માં કૂલ 2174 ફોર જોવા મળી છે. જ્યારે 1260 સિક્સર જોવા મળી છે. સૌથી વધારે સિક્સરની વાત કરવામાં સનરાઈઝર્સ હૈદરાબાદના અભિષેક શર્માએ ફટકારી છે. તેણે કુલ 42 સિક્સરો ફટકારી છે.

આઈપીએલ 2024 રેકોર્ડ

આ પણ વાંચો - આઈપીએલ 2024માં ચેમ્પિયન ટીમ થશે માલામાલ, મળશે આટલા રૂપિયા

ફાઈનલમાં હૈદરાબાદે સૌથી ઓછો સ્કોર બનાવ્યો

હૈદરાબાદની ટીમ આઈપીએલના ઈતિહાસમાં કોઈ પણ ફાઈનલમાં સૌથી ઓછો સ્કોર બનાવનાર ટીમ બની હતી. આ પહેલા રેકોર્ડ ચેન્નાઈ સુપર કિંગ્સના નામે હતો. તેણે 2013ની ફાઇનલમાં મુંબઈ ઇન્ડિયન્સ સામે 9 વિકેટે 125 રન બનાવ્યા હતા.