CSK vs RCB : આઈપીએલ 2025, આરસીબીએ 17 વર્ષ પછી ચેપોકમાં ચેન્નઇને હરાવ્યું

રજત પાટીદારની અડધી સદી પછી બોલરોના શાનદાર પ્રદર્શનની મદદથી રોયલ ચેલેન્જર્સ બેંગ્લોરે આઈપીએલ 2025માં ચેન્નઇ સુપર કિંગ્સ સામે 50 રને વિજય મેળવ્યો છે. આરસીબીએ 20 ઓવરમાં 7 વિકેટે 197 રન બનાવ્યા હતા. જવાબમાં સીએસકે 20 ઓવરમાં 8 વિકેટે 146 રન બનાવી શક્યું હતું. આરસીબી તરફથી હેઝલવુડે 3 વિકેટ, જ્યારે યશ દયાલ અને લિવિંગસ્ટોને 2-2 વિકેટ ઝડપી હતી.

ધોની 16 બોલમાં 3 ફોર અને 2 સિક્સર સાથે 30 રને અણનમ રહ્યો.

આર અશ્વિન 8 બોલમાં 1 ફોર સાથે 11 રને લિવિંગસ્ટોનનો શિકાર બન્યો. જાડેજા 19 બોલમાં 2 ફોર અને 1 સિક્સર સાથે 25 રને હેઝલવુડનો શિકાર બન્યો.

શિવમ દુબે 15 બોલમાં 2 ફોર અને 1 સિક્સર સાથે 19 રન બનાવી યશ દયાલની ઓવરમાં બોલ્ડ થયો.

રચિન રવિન્દ્ર 31 બોલમાં 5 ફોર સાથે 41 રન બનાવી યશ દયાલની ઓવરમાં બોલ્ડ થયો. ચેન્નઇએ 75 રને પાંચમી વિકેટ ગુમાવી.

સેમ કરન 13 બોલમાં 8 રને લિવિંગસ્ટોનની ઓવરમાં કેચ આઉટ થયો. ચેન્નઇએ 52 રને ચોથી વિકેટ ગુમાવી.

સીએસકેની ટીમ સંકટમાં. દીપક હુડા 9 બોલમાં 1 ફોર સાથે 4 રન બનાવી ભુવનેશ્વર કુમારની ઓવરમાં કેચ આઉટ થયો.

ઋતુરાજ ગાયકવાડ 4 બોલમાં ખાતું ખોલાયા વિના હેઝલવુડનો બીજો શિકાર બન્યો, સીએસકેએ 8 રને બીજી વિકેટ ગુમાવી.

રાહુલ ત્રિપાઠી 3 બોલમાં 1 ફોર સાથે 5 રન બનાવી હેઝલવુડની ઓવરમાં કેચ આઉટ થયો. ચેન્નઇએ 8 રને પ્રથમ વિકેટ ગુમાવી.

રોયલ ચેલેન્જર્સ બેંગ્લોરે 20 ઓવરમાં 7 વિકેટે 196 રન બનાવી લીધા છે. ચેન્નઇ સુપર કિંગ્સને જીતવા માટે 197 રનનો પડકાર મળ્યો છે. ટીમ ડેવિડના 8 બોલમાં 1 ફોર અને 3 સિક્સર સાથે અણનમ 22 રન. સીએસકે તરફથી નૂર અહમદે સૌથી વધારે 3 વિકેટ ઝડપી છે.

રજત પાટીદાર 32 બોલમાં 4 ફોર અને 3 સિક્સર સાથે 51 રને પાથિરાનાની ઓવરમાં કેચ આઉટ થયો. ક્રુણાલ પંડ્યા 3 બોલમાં ખાતું ખોલાયા વિના આઉટ થયો.

જીતેશ શર્મા 6 બોલમાં 1 ફોર અને 1 સિક્સર સાથે 12 રન બનાવી ખલીલ અહમદની ઓવરમાં કેચ આઉટ થયો. આરસીબીએ 172 રને પાંચમી વિકેટ ગુમાવી.

લિયામ લિવિંગસ્ટોન 9 બોલમાં 1 સિક્સર સાથે 10 રન બનાવી નૂર અહમદની ઓવરમાં બોલ્ડ થયો.

વિરાટ કોહલી 30 બોલમાં 2 ફોર અને 1 સિક્સર સાથે 31 રન બનાવી નૂર અહમદની ઓવરમાં કેચ આઉટ થયો. આરસીબીએ 117 રને ત્રીજી વિકેટ ગુમાવી.

દેવદત્ત પડીક્કલ 14 બોલમાં 2 ફોર અને 2 સિક્સર સાથે 27 રન બનાવી અશ્વિનની ઓવરમાં કેચ આઉટ થયો. આરસીબીએ 76 રનમાં 2 વિકેટ ગુમાવી.

ફિલ સોલ્ટ 16 બોલમાં 5 ફોર અને 1 સિક્સર સાથે 32 રન બનાવી નૂર અહમદની ઓવરમાં સ્ટમ્પિંગ આઉટ થયો. આરસીબીએ 45 રને પ્રથમ વિકેટ ગુમાવી.

આરસીબી તરફથી વિરાટ કોહલી અને ફિલિપ સોલ્ટ ઓપનિંગમાં ઉતર્યા. ખલીલની પ્રથમ ઓવરમાં 9 રન બનાવ્યા.

રચિન રવિન્દ્ર, રાહુલ ત્રિપાઠી, રુતુરાજ ગાયકવાડ (કેપ્ટન), દીપક હુડા, સેમ કુરન, રવિન્દ્ર જાડેજા, એમએસ ધોની, આર અશ્વિન, નૂર અહમદ, મથીશા પાથિરાના, ખલીલ અહેમદ

વિરાટ કોહલી, ફિલ સોલ્ટ, દેવદત્ત પડિકલ, રજત પાટીદાર (કેપ્ટન), લિયામ લિવિંગસ્ટોન, જિતેશ શર્મા, ટિમ ડેવિડ, કૃણાલ પંડ્યા, ભુવનેશ્વર કુમાર, જોશ હેઝલવુડ, યશ દયાલ.

આઈપીએલ 2025માં રોયલ ચેલેન્જર્સ બેંગ્લોર સામે ચેન્નઇ સુપર કિંગ્સના કેપ્ટન ઋતુરાજ ગાયકવાડે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

આઈપીએલમાં સીએસકે અને આરસીબી વચ્ચે અત્યાર સુધીમાં 33 મેચો રમાઇ છે. જેમાં 21 મેચમાં ચેન્નઇ સુપર કિંગ્સનો વિજય થયો છે. જ્યારે 11 મેચમાં રોયલ ચેલેન્જર્સ બેંગલોરનો વિજય થયો છે. એક મેચમાં કોઇ પરિણામ આવ્યું ન હતું. બન્ને વચ્ચેના મુકાબલામાં સીએસકેનો હાઈએસ્ટ સ્કોર 226 અને લોએસ્ટ સ્કોર 82 રન છે. જ્યારે આરસીબીનો હાઇએસ્ટ સ્કોર 218 છે અને લોએસ્ટ સ્કોર 70 રન છે.

આઈપીએલ 2025ની આઠમી મેચમાં રોયલ ચેલેન્જર્સ બેંગ્લોર અને ચેન્નઇ સુપર કિંગ્સ વચ્ચે મુકાબલો થશે. આ મેચ ચેન્નઇના એમએ ચિદમ્બરમ સ્ટેડિયમમાં રમાશે.