DC vs LSG, IPL 2025: આઈપીએલ 2025, આશુતોષ શર્માની લડાયક બેટિંગ, દિલ્હીનો એક વિકેટે રોમાંચક વિજય

આશુતોષ શર્માના લડાયક અણનમ 66 રનની મદદથી દિલ્હી કેપિટલ્સે આઈપીએલ 2025માં લખનઉ સુપર જાયન્ટ્સ સામે 1 વિકેટે રોમાંચક વિજય મેળવ્યો હતો. લખનઉએ 20 ઓવરમાં 8 વિકેટે 209 રન બનાવ્યા હતા. જવાબમાં દિલ્હીએ 19.3 ઓવરમાં 9 વિકેટ ગુમાવી પડકાર મેળવી લીધો હતો. ઇમ્પેક્ટ પ્લેયર આશુતોષ શર્માએ 31 બોલમાં 5 ફોર અને5 સિક્સર સાથે અણનમ 66 રન બનાવ્યા હતા.

વિપરાજ નિગમ 15 બોલમાં 5 ફોર અને 2 સિક્સર સાથે 39 રને રાઠીનો શિકાર બન્યો. દિલ્હીએ 168 રને સાતમી વિકેટ ગુમાવી.

ટ્રિસ્ટન સ્ટબ્સ 22 બોલમાં 1 ફોર અને 3 સિક્સર સાથે 34 રન બનાવી સિદ્ધાર્થની ઓવરમાં બોલ્ડ થયો. દિલ્હીએ 113 રને છઠ્ઠી વિકેટ ગુમાવી.

પ્લેસિસ 18 બોલમાં 3 ફોર અને 2 સિક્સર સાથે 29 રને રવિ બિશ્નોઇની ઓવરમાં કેચ આઉટ થયો. દિલ્હીએ 65 રને પાંચમી વિકેટ ગુમાવી.

અક્ષર પટેલ 11 બોલમાં 3 ફોર અને 1 સિક્સર સાથે 22 રન બનાવી દિગ્વેશ રાઠીની ઓવરમાં કેચ આઉટ થયો. દિલ્હીએ 40 રને ચોથી વિકેટ ગુમાવી.

સમીર રિઝવી 4 બોલમાં 1 ફોર સાથે 4 રન બનાવી સિદ્ધાર્થની ઓવરમાં કેચ આઉટ થયો.

દિલ્હી કેપિટલ્સે પ્રથમ ઓવરમાં જ બે વિકેટ ગુમાવી. જેક ફ્રેઝર-મેકગર્ક 1 અને અભિષેક પોરેલ ખાતું ખોલાયા વિના શાર્દુલ ઠાકુરનો શિકાર બન્યા.

આઈપીએલ 2025ની ત્રીજી મેચમાં લખનઉ સુપર જાયન્ટ્સે 20 ઓવરમાં 8 વિકેટે 209 રન બનાવી લીધા છે. દિલ્હી કેપિટલ્સને જીતવા માટે 210 રનનો પડકાર મળ્યો છે. ડેવિડ મિલર 19 બોલમાં 1 ફોર અને 2 સિક્સર સાથે 27 રને અણનમ રહ્યો. દિલ્હી તરફથી સ્ટાર્કે સૌથી વધારે 3 વિકેટ ઝડપી.

શાહબાઝ અહમદ 8 બોલમાં 1 ફોર સાથે 9 રને અને રવિ બિશ્નોઇ ખાતું ખોલાયા વિના સ્ટાર્કનો શિકાર બન્યો.

આયુષ બદોની 4 રને કુલદીપ યાદવનો શિકાર બન્યો. જ્યારે શાર્દુલ ઠાકુર 2 બોલમાં ખાતું ખોલાયા વિના રન આઉટ થયો. લખનઉએ 177 રને છઠ્ઠી વિકેટ ગુમાવી.

નિકોલસ પૂરન 30 બોલમાં 6 ફોર અને 7 સિક્સર સાથે 75 રન બનાવી સ્ટાર્કની ઓવરમાં બોલ્ડ થયો.

ઋષભ પંત 6 બોલમાં ખાતું ખોલાયા વિના કુલદીપ યાદવની ઓવરમાં આઉટ થયો. લખનઉએ 161 રને ત્રીજી વિકેટ ગુમાવી.

મિચેલ માર્શ 36 બોલમાં 6 ફોર અને 6 સિક્સર સાથે 72 રને મુકેશ કુમારની ઓવરમાં કેચ આઉટ થયો.

મિચેલ માર્શે 21 બોલમાં 5 ફોર અને 4 સિક્સર સાથે અડધી સદી ફટકારી.

એડન માર્કરામ 13 બોલમાં 1 ફોર અને 1 સિક્સર સાથે 15 રન બનાવી નિગમની ઓવરમાં કેચ આઉટ થયો. લખનઉએ 44 રને પ્રથમ વિકેટ ગુમાવી.

લખનઉ તરફથી એડન માર્કરામ અને મિચેલ માર્શ ઓપનિંગમાં ઉતર્યા. દિલ્હી તરફથી સ્ટાર્કે પ્રથમ ઓવરમાં 7 રન બનાવ્યા.

ફાફ ડુ પ્લેસિસ, જેક ફ્રેઝર-મેકગર્ક, અભિષેક પોરેલ, સમીર રિઝવી, અક્ષર પટેલ (કેપ્ટન), ટ્રિસ્ટન સ્ટબ્સ, વિપરાજ નિગમ, મિશેલ સ્ટાર્ક, કુલદીપ યાદવ, મોહિત શર્મા, મુકેશ કુમાર.

ઋષભ પંત (કેપ્ટન) ડેવિડ મિલર, નિકોલસ પૂરન, એડન માર્કરામ, આયુષ બદોની, મિશેલ માર્શ, પ્રિન્સ યાદવ, દિગ્વેશ સિંહ, શાહબાઝ અહેમદ, શાર્દુલ ઠાકુર, રવિ બિશ્નોઈ.

આઈપીએલ 2025ની ત્રીજી મેચમાં લખનઉ સુપર જાયન્ટ્સ સામે દિલ્હી કેપિટલ્સના કેપ્ટન અક્ષર પટેલે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

આઈપીએલમાં લખનઉ અને દિલ્હી વચ્ચે અત્યાર સુધીમાં 5 મુકાબલા થયા છે. જેમાં 3 મેચમાં લખનઉનો વિજય થયો છે. જ્યારે 2 મેચમાં દિલ્હીનો વિજય થયો છે. બન્ને વચ્ચેના મુકાબલામાં દિલ્હીનો હાઈએસ્ટ સ્કોર 208 અને લોએસ્ટ સ્કોર 143 રન છે. જ્યારે લખનઉનો હાઇએસ્ટ સ્કોર 195 અને લોએસ્ટ સ્કોર 167 રન છે. 2024ની સિઝનમાં બન્ને મેચમાં દિલ્હીનો વિજય થયો હતો.

આઈપીએલ 2025ની ત્રીજી મેચમાં દિલ્હી કેપિટલ્સ અને લખનઉ સુપર જાયન્ટ્સ વચ્ચે મુકાબલો થશે. આ મેચ વિશાખાપટ્ટનમમાં રમાશે. બન્ને ટીમો પોતાના અભિયાનની શરૂઆત કરશે.