GT vs MI : મુંબઈ ઇન્ડિયન્સનો ક્વોલિફાય-2માં પ્રવેશ, 1 જૂને પંજાબ સામે ટકરાશે, ગુજરાતના અભિયાનનો અંત

રોહિત શર્માના 81 રનની મદદથી મુંબઈ ઇન્ડિયન્સે આઈપીએલ 2025ની એલિમેનેટર મેચમાં ગુજરાત ટાઇટન્સ સામે 20 રને વિજય મેળવ્યો છેમુંબઈ . આ જીત સાથે ક્વોલિફાય-2માં પહોંચી ગયું છે. જ્યાં તે 1 જૂનના રોજ પંજાબ કિંગ્સ સામે મુકાબલો રમશે. બીજી તરફ ગુજરાતના અભિયાનનો અંત આવ્યો છે. મુંબઈએ 20 ઓવરમાં 5 વિકેટે 228 રન બનાવ્યા હતા. જવાબમાં ગુજરાત 20 ઓવરમાં 6 વિકેટે 208 રન બનાવી શક્યું હતું.

રાહુલ તેવાટિયાના 11 બોલમાં 1 ફોર અને 1 સિક્સર સાથે અણનમ 16 રન. એમ શાહરુખ ખાન 7 બોલમાં 1 સિક્સર સાથે 13 રને અશ્વિની કુમારની ઓવરમાં આઉટ.

રુધરફોર્ડ 15 બોલમાં 4 ફોર સાથે 24 રન બનાવી બોલ્ટની ઓવરમાં કેચ આઉટ થયો. ગુજરાતે 193 રનમાં પાંચમી વિકેટ ગુમાવી.

ગુજરાત ટાઇટન્સે 18 ઓવરમાં 4 વિકેટે 193 રન બનાવી સીધા છે. જીતવા માટે 12 બોલમાં 36 રનની જરૂર છે.

સાંઇ સુદર્શન 49 બોલમાં 10 ફોર અને 1 સિક્સર સાથે 80 રન બનાવી ગ્લેસનની ઓવરમાં બોલ્ડ થયો. ગુજરાતે 170 રને ચોથી વિકેટ ગુમાવી.

વોશિંગ્ટન સુંદર 24 બોલમાં 5 ફોર અનો 3 સિક્સર સાથે 48 રન બનાવી બુમરાહની ઓવરમાં બોલ્ડ થયો. ગુજરાતે 151 રને ત્રીજી વિકેટ ગુમાવી.

ગુજરાત ટાઇટન્સે 9.2 ઓવરમાં 100 રન પુરા કર્યા. સાઇ સુદર્શન અને વોશિંગ્ટન સુંદર રમતમાં છે.

સાઇ સુદર્શને 28 બોલમાં 8 ફોર અને 1 સિક્સર સાથે અડધી સદી ફટકારી.

કુશલ મેન્ડિસ 10 બોલમાં 1 ફોર અને 2 સિક્સર સાથે 20 રને સેન્ટનરની ઓવરમાં હિટવિકેટ આઉટ થયો. ગુજરાતે 67 રને બીજી વિકેટ ગુમાવી.

ગુજરાત ટાઇટન્સે 5 ઓવરમાં 1 વિકેટે 55 રન બનાવી લીધા છે. કુશલ મેન્ડિસ અને સાઇ સુદર્શન રમતમાં છે.

શુભમન ગિલ 2 બોલમાં 1 રન બનાવી ટ્રેન્ટ બોલ્ટની ઓવરમાં એલબી આઉટ થયો. ગુજરાતે પ્રથમ ઓવરમાં જ 3 રને વિકેટ ગુમાવી.

આઈપીએલ 2025ની એલિમિનેટર મેચમાં મુંબઈ ઇન્ડિયન્સે 20 ઓવરમાં 5 વિકેટે 228 રન બનાવી લીધા છે. ગુજરાત ટાઇટન્સને જીતવા માટે 229 રનનો પડકાર મળ્યો છે. હાર્દિક પંડ્યાના 9 બોલમાં 3 સિક્સર સાથે અણનમ 22 રન.

નમન ધીર 6 બોલમાં 1 સિક્સર સાથે 9 રન બનાવી પ્રસિદ્ધ કૃષ્ણાની ઓવરમાં કેચ આઉટ થયો. મુંબઈએ 206 રને પાંચમી વિકેટ ગુમાવી.

તિલક વર્માના 11 બોલમાં 3 સિક્સર સાથે 25 રન. મુંબઈ ઇન્ડિયન્સે 18.2 ઓવરમાં 200 રન પુરા કર્યા

રોહિત શર્મા 50 બોલમાં 9 ફોર અને 4 સિક્સર સાથે 81 રન બનાવી પ્રસિદ્ધ કૃષ્ણાની ઓવરમાં કેચ આઉટ થયો. મુંબઈએ 186 રને ત્રીજી વિકેટ ગુમાવી.

સૂર્યકુમાર યાદવ 20 બોલમાં 1 ફોર અને 3 સિક્સર સાથે 33 રન બનાવી સાઇ કિશોરનો બીજો શિકાર બન્યો. મુંબઈએ 143 રને બીજી વિકેટ ગુમાવી.

રોહિત શર્મા 28 બોલમાં 7 ફોર અને 2 સિક્સર સાથે અડધી સદી ફટકારી. મુંબઈ ઇન્ડિયન્સે 8.4 ઓવરમાં 100 રન પુરા કર્યા.

જોની બેરિસ્ટો 22 બોલમાં 4 ફોર અને 3 સિક્સર સાથે 47 રને સાઇ કિશોરની ઓવરમાં કેચ આઉટ થયો. મુંબઈએ 84 રને પ્રથમ વિકેટ ગુમાવી.

મુંબઈ ઇન્ડિયન્સે 6 ઓવરમાં વિના વિકેટે 79 રન બનાવી લીધા છે. રોહિત શર્મા 33 અને જોની બેરિસ્ટો 44 રને રમતમાં છે.

જોની બેરિસ્ટો, રોહિત શર્મા, સૂર્યકુમાર યાદવ, તિલક વર્મા, હાર્દિક પંડયા (કેપ્ટન), નમન ધીર, મિચેલ સેન્ટનર, રાજ બાવા, ટ્રેન્ટ બોલ્ટ, જસપ્રીત બુમરાહ, રિચાર્ડ ગ્લેસન.

શુભમન ગિલ (કેપ્ટન), સાઇ સુદર્શન, કુશલ મેન્ડિસ, શાહરૂખ ખાન, રાહુલ તેવટિયા, વોશિંગ્ટન સુંદર, રાશિદ ખાન, ગેરાલ્ડ કોએટ્ઝ, આર સાઈ કિશોર, મોહમ્મદ સિરાજ, પ્રસિદ્ધ કૃષ્ણા.

આઈપીએલ 2025ની એલિમિનેટર મેચમાં ગુજરાત ટાઇટન્સ સામે મુંબઈ ઇન્ડિયન્સના કેપ્ટન હાર્દિક પંડ્યાએ ટોસ જીતીને પ્રથમ બેટિંગ કરવાનો નિર્ણય કર્યો છે. આ મેચ ચંદીગઢના મુલ્લાનપુર સ્ટેડિયમમાં રમાઇ રહી છે.

આઈપીએલમાં બન્ને વચ્ચે અત્યાર સુધીમાં હેડ ટુ હેડ મેચની વાત કરીએ તો ગુજરાતનું પલડું ભારે છે. આઈપીએલમાં ગુજરાત અને મુંબઈ વચ્ચે અત્યાર સુધીમાં 7 મુકાબલા થયા છે. જેમાંથી 5 મેચમાં ગુજરાતનો વિજય થયો છે જ્યારે 2 મેચમાં મુંબઈરનો વિજય થયો છે. બન્ને વચ્ચેના મુકાબલામાં ગુજરાતનો હાઈએસ્ટ સ્કોર 233 રન અને લોએસ્ટ સ્કોર 172 રન છે. જ્યારે મુંબઈનો હાઇએસ્ટ સ્કોર 218 અને લોએસ્ટ સ્કોર 152 રન છે.

આઈપીએલ 2025ની એલિમિનેટર મેચમાં ગુજરાત ટાઇટન્સ અને મુંબઈ ઇન્ડિયન્સ વચ્ચે મુકાબલો થશે. આ મેચ 30 મે ના રોજ ચંદીગઢના મુલ્લાનપુર સ્ટેડિયમમાં રમાશે. બન્ને ટીમ માટે કરો યા મરોનો જંગ છે. જે ટીમ હારશે તેના અભિયાનનો અંત આવશે. જ્યારે વિજેતા ટીમ ક્વોલિફાયર-2 માં પંજાબ કિંગ્સ સામે ટકરાશે.