GT vs MI, IPL 2025: આઈપીએલ 2025, અમદાવાદમાં ગુજરાત ટાઇટન્સનો વિજય, મુંબઈનો સતત બીજો પરાજય

ગુજરાત ટાઇટન્સ તરફથી મોહમ્મદ સિરાજ અને પ્રસિદ્ધ કૃષ્ણાએ 2-2 વિકેટ ઝડપી હતી. જ્યારે રબાડા અને સાઇ કિશોરે 1-1 વિકેટ ઝડપી હતી.

સાંઇ સુદર્શનની અડધી સદી (63) પછી બોલરોના શાનદાર પ્રદર્શનની મદદથી ગુજરાત ટાઇટન્સે આઈપીએલ 2025માં મુંબઈ ઇન્ડિયન્સ સામે 36 રને વિજય મેળવ્યો છે. ગુજરાતે 20 ઓવરમાં 8 વિકેટે 196 રન બનાવ્યા હતા. જવાબમાં મુંબઈ 20 ઓવરમાં 6 વિકેટે 160 રન બનાવી શક્યું હતું. ગુજરાતે આ સિઝનમાં પ્રથમ જીત નોંધાવી છે. બીજી તરફ મુંબઈનો સતત બીજો પરાજય થયો છે.

નમન ધીરના 11 બોલમાં 3 ફોર સાથે અણનમ 18 અને મિચેલ સેન્ટનરના 9 બોલમાં 1 ફોર અને 2 સિક્સર સાથે અણનમ 18 રન.

હાર્દિક પંડ્યા 17 બોલમાં 1 ફોર સાથે 11 રને રબાડાની ઓવરમાં કેચ આઉટ થયો.

સૂર્યકુમાર યાદવ 28 બોલમાં 1 ફોર અને 4 સિક્સર સાથે 48 રન બનાવી પ્રસિદ્ધ કૃષ્ણાની ઓવરમાં કેચ આઉટ થયો. મુંબઈ 120 રને પાંમચી વિકેટ ગુમાવી.

રોબિન મિન્ઝ 6 બોલમાં 3 રન બનાવી સાંઇ કિશોરની ઓવરમાં આઉટ થયો. મુંબઈએ 108 રને ચોથી વિકેટ ગુમાવી.

તિલક વર્મા 36 બોલમાં 3 ફોર અને 1 સિક્સર સાથે 39 રને પ્રસિદ્ધ કૃષ્ણાની ઓવરમાં કેચ આઉટ થયો હતો. મુંબઈએ 97 રને ત્રીજી વિકેટ ગુમાવી.

રયાન રિકેલ્ટન 9 બોલમાં 1 ફોર સાથે 6 રન બનાવી મોહમ્મદ સિરાજનો બીજો શિકાર બન્યો. મુંબઈએ 35 રને બીજી વિકેટ ગુમાવી.

રોહિત શર્મા 4 બોલમાં 2 ફોર સાથે 8 રન બનાવી સિરાજની ઓવરમાં બોલ્ડ થયો. મુંબઈ ઇન્ડિયન્સે 8 રને પ્રથમ વિકેટ ગુમાવી.

આઈપીએલ 2025ની નવમી મેચમાં મુંબઈ ઇન્ડિયન્સ સામે ગુજરાત ટાઇટન્સે 20 ઓવરમાં 8 વિકેટે 196 રન બનાવી લીધા છે. મુંબઈ ઇન્ડિયન્સને જીતવા માટે 197 રનનો પડકાર મળ્યો છે

રાશિદ ખાન 4 બોલમાં 1 સિક્સર સાથે 6 રન બનાવી સત્યનારાયણ રાજુની ઓવરમાં કેચ આઉટ થયો.

રાહુલ તેવાટિયા એકપણ બોલ રમ્યા વગર રન આઉટ થયો. રુથરફોર્ડ 11 બોલમાં 2 સિક્સર સાથે 18 રન બનાવી ચાહરની ઓવરમાં કેચ આઉટ થયો.

સાંઇ સુદર્શન 41 બોલમાં 4 ફોર અને 2 સિક્સર સાથે 63 રન બનાવી બોલ્ટની ઓવરમાં એલબી આઉટ થયો. ગુજરાતે 179 રને ચોથી વિકેટ ગુમાવી.

એમ શાહરુખ ખાન 7 બોલમાં 1 સિક્સર સાથે 9 રન બનાવી હાર્દિક પંડ્યાનો બીજો શિકાર બન્યો. ગુજરાતે 146 રને ત્રીજી વિકેટ ગુમાવી.

સાઇ સુદર્શને 33 બોલમાં 4 ફોર અને 1 સિક્સર સાથે અડધી સદી ફટકારી.

જોશ બટલર 24 બોલમાં 5 ફોર અને 1 સિક્સર સાથે 39 રન બનાવી મુજીબ ઉર રહેમાનની ઓવરમાં કેચ આઉટ થયો. ગુજરાતે 129 રને બીજી વિકેટ ગુમાવી હતી.

ગુજરાત ટાઇટન્સે 10.5 ઓવરમાં 100 રન પુરા કર્યા. સાઇ સુદર્શન અને જોશ બટલર રમતમાં છે.

શુભમન ગિલ 27 બોલમાં 4 ફોર અને 1 સિક્સર સાથે 38 રન બનાવી હાર્દિક પંડ્યાની ઓવરમાં કેચ આઉટ થયો. ગુજરાતે 78 રને પ્રથમ વિકેટ ગુમાવી.

ગુજરાત ટાઇટન્સે 5.3 ઓવરમાં 50 રન પુરા કર્યા. શુભમન ગિલ અને સાઇ સુદર્શન રમતમાં છે.

ગુજરાત ટાઇટન્સ તરફથી શુભમન ગિલ અને સાઇ સુદર્શન ઓપનિંગમાં ઉતર્યા. બોલ્ટની પ્રથમ ઓવરમાં 7 રન ફટકાર્યા.

રોહિત શર્મા, રયાન રિકેલ્ટન, તિલક વર્મા, સૂર્યકુમાર યાદવ, હાર્દિક પંડ્યા (કેપ્ટન), નમન ધીર, મિશેલ સેન્ટનર, દીપક ચાહર, ટ્રેન્ટ બોલ્ટ, સત્યનારાયણ રાજુ, મુજીબ ઉર રહેમાન.

શુભમન ગિલ (કેપ્ટન), જોસ બટલર, સાઇ સુદર્શન, રુથરફોર્ડ, રાહુલ તેવટિયા, શાહરુખ ખાન, સાઇ કિશોર, રાશિદ ખાન, કાગિસો રબાડા, પ્રસિદ્ધ કૃષ્ણા, મોહમ્મદ સિરાજ.

આઈપીએલ 2025ની નવમી મેચમાં ગુજરાત ટાઇટન્સ સામે મુંબઈ ઇન્ડિયન્સના કેપ્ટન હાર્દિક પંડ્યાએ ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

આઈપીએલમાં ગુજરાત વિ મુંબઈ વચ્ચે અત્યાર સુધીમાં 5 મેચો રમાઇ છે. જેમાં 3 મેચમાં ગુજરાત ટાઇટન્સનો વિજય થયો છે. જ્યારે 2 મેચમાં મુંબઈ ઇન્ડિયન્સનો વિજય થયો છે. બન્ને વચ્ચેના મુકાબલામાં ગુજરાતનો હાઈએસ્ટ સ્કોર 233 અને લોએસ્ટ સ્કોર 168 રન છે. જ્યારે મુંબઈનો હાઇએસ્ટ સ્કોર 218 છે અને લોએસ્ટ સ્કોર 152 રન છે.

આઈપીએલ 2025ની નવમી મેચમાં ગુજરાત ટાઇટન્સ અને મુંબઈ ઇન્ડિયન્સ વચ્ચે મુકાબલો થશે. આ મેચ અમદાવાદના નરેન્દ્ર મોદી સ્ટેડિયમમાં રમાશે. બન્નેનો પ્રથમ મેચમાં પરાજય થયો હોવાથી જીત મેળવવા પ્રયત્ન કરશે.