આઈપીએલ 2025ની મેગા હરાજી ક્યારે યોજાશે? અહીં જાણો સંભવિત તારીખ અને રિટેન ખેલાડીઓની યાદી

IPL 2025 Mega Auction Date, Time, Venue, Players List, આઈપીએલ 2025 મેગા હરાજી : ક્રિકેટ પ્રશંસકોની નજર આઈપીએલ 2025ની મેગા હરાજી પર છે. ચાહકો આતુરતાથી ઈન્ડિયન પ્રીમિયર લીગ (આઈપીએલ) 2025 મેગા હરાજીના અપડેટની રાહ જોઈ રહ્યા છે. આઇપીએલ 2025 માટે મેગા હરાજી યોજાવાની છે. ઘરેલું અને આંતરરાષ્ટ્રીય બંને ખેલાડીઓ તેમાં જોડાશે. અહીં તમને આઈપીએલ 2025 વિશે બધી જ માહિતી જણાવી રહ્યા છીએ.

આઈપીએલ 2025 મેગા હરાજી રાઇટ ટૂ મેચ

વર્ષ 2024માં આઈપીએલ 2025ની 18મી સિઝન માટે મેગા હરાજી થશે. આવામાં ફ્રેન્ચાઈઝીઓને પોતાની ટીમ બનાવવાની તક આપવામાં આવશે અને ખેલાડીઓને રિટેન કરવા માટે મર્યાદિત વિકલ્પો આપવામાં આવશે. દરેક ફ્રેન્ચાઈઝીને રાઈટ ટુ મેચ (આરટીએમ) કાર્ડ આપવામાં આવે તેવી શક્યતા છે. આ કાર્ડથી ટીમ તેના એક ખેલાડી માટે સૌથી વધુ બોલી લગાવી શકે છે અને તેને જાળવી રાખી શકે છે. આરટીએમ કાર્ડ એ એક વ્યૂહાત્મક ટૂલ છે જે ટીમની સંરચના અને પ્રદર્શનને મહત્વપૂર્ણ રીતે પ્રભાવિત કરી શકે છે.

રિટેન થનારા સંભવિત ખેલાડીઓની યાદી

આઈપીએલ 2025 મેગા હરાજી તારીખ

આઇપીએલ 2025 માટેની મેગા હરાજી ડિસેમ્બર 2024માં કે ફેબ્રુઆરી 2025માં યોજાય તેવી શક્યતા છે. ઈન્ડિયન પ્રીમિયર લીગ 2025ની મેગા હરાજી જૂની સિઝનની જેમ જ બે દિવસની પ્રક્રિયા બની રહેશે. આ તારીખ એ અપેક્ષિત તારીખો છે જે પાછલી સિઝન મુજબ અંદાજ લગાવવામાં આવ્યો છે, જેમ કે આઈપીએલ 2022ની હરાજી ફેબ્રુઆરી મહિનામાં થઈ હતી. જ્યારે આગામી બે સિઝન 2023 અને 2024ની હરાજી ડિસેમ્બર મહિનામાં થઈ હતી. તેથી આઈપીએલની અગાઉની સિઝનની જેમ 18મી સિઝનમાં પણ આવું થઈ શકે છે.

આઈપીએલ 2025 હરાજી ખેલાડીઓની કેટેગરી

આઈપીએલની હરાજી માટે ખેલાડીઓની અલગ અલગ કેટેગરી છે.

કેપ્ડ પ્લેયર્સ : એવા ખેલાડીઓ કે જેઓ કોઈ પણ ફોર્મેટમાં દેશની સિનિયર ટીમમાં સામેલ રહ્યા હોય અને ઓછામાં ઓછા એક વખત તો રમ્યા હોય.

અનકેપ્ડ ખેલાડીઓ: ડોમેસ્ટિક ખેલાડીઓ કે જેઓ ફર્સ્ટ ક્લાસ ક્રિકેટ સર્કિટમાં રમ્યા છે પરંતુ તેમણે ક્યારેય ભારતનું પ્રતિનિધિત્વ કર્યું નથી.

વિદેશી ખેલાડીઓ : આ ખેલાડીઓ આંતરરાષ્ટ્રીય ટીમોનો ભાગ છે. તેમાં કોઇ ફરક પડતો નથી કે ખેલાડીઓ કઈ કેટેગરીમાં આવે છે. આઈપીએલની ટીમમાં વધુમાં વધુ આઠ વિદેશી ખેલાડીઓ રાખી શકે છે.

આઈપીએલ 2025 સાથે જોડાયેલી કેટલીક મહત્વની વાતો