MI vs KKR : આઈપીએલ 2025, અશ્વિની કુમાર અને રિકેલ્ટન ઝળક્યા, મુંબઈ ઇન્ડિયન્સે આ સિઝનમાં પ્રથમ જીત મેળવી

અશ્વિની કુમારના તરખાટ પછી (4 વિકેટ) રયાન રિકેલ્ટને અણનમ અડધ સદીની મદદથી મુંબઈ ઇન્ડિયન્સે આઈપીએલ 2025માં કોલકાતા નાઇટ રાઇડર્સ સામે 8 વિકેટે વિજય મેળવ્યો છે. કોલકાતા 16.2 ઓવરમાં 116 રનમાં ઓલઆઉટ થઇ ગયું હતું. જવાબમાં મુંબઈએ 12.5 ઓવરમાં 2 વિકેટ ગુમાવી પડકાર મેળવી લીધો હતો. મુંબઈએ આ સિઝનમાં પ્રથમ જીત નોંધાવી છે.

રયાન રિકલ્ટનના 41 બોલમાં 4 ફોર અને 5 સિક્સર સાથે અણનમ 62 રન. જ્યારે સૂર્યકુમાર યાદવના 9 બોલમાં 3 ફોર અને 2 સિક્સર સાથે અણનમ 27 રન. કેકેઆર તરફથી આન્દ્રે રસેલે 2 વિકેટ ઝડપી.

વિલ જેક્સ 17 બોલમાં 1 સિક્સર સાથે 16 રન બનાવી રસેલની ઓવરમાં કેચ આઉટ થયો. મુંબઈએ 91 રને બીજી વિકેટ ગુમાવી.

રયાન રિકેલ્ટને 33 બોલમાં 4 ફોર અને 4 સિક્સર સાથે અડધી સદી ફટકારી.

રોહિત શર્મા 12 બોલમાં 1 સિક્સર સાથે 13 રન બનાવી આન્દ્રે રસેલની ઓવરમાં કેચ આઉટ થયો. મુંબઈએ 46 રને પ્રથમ વિકેટ ગુમાવી.

મુંબઈ ઇન્ડિયન્સે 5 ઓવરમાં વિના વિકેટે 44 રન બનાવી લીધા છે. રોહિત શર્મા 13 અને રયાન રિકેલ્ટન 29 રને રમતમાં છે.

આઈપીએલ 2025ની 12મી મેચમાં મુંબઈ ઇન્ડિયન્સ સામે કોલકાતા નાઇટ રાઇડર્સ 16.2 ઓવરમાં 116 રનમાં ઓલઆઉટ થઇ ગયું છે. મુંબઈને જીતવા માટે 117 રનનો પડકાર મળ્યો છે. મુંબઈ તરફથી અશ્વિની કુમારે સૌથી વધારે 4 વિકેટ ઝડપી હતી. આ સિવાય દીપક ચાહર 2 વિકેટ, બોલ્ટ, હાર્દિક પંડ્યા, વિગનેશ પુથુર અને સેન્ટનરે 1-1 વિકેટ ઝડપી હતી.

રિંકુ સિંહ 14 બોલમાં 1 ફોર અને 1 સિક્સર સાથે 17 રને. મનિષ પાંડે 14 બોલમાં 2 ફોર અને 1 સિક્સર સાથે 19 રને અને આન્દ્રે રસેલ 11 બોલમાં 1 ફોર સાથે 5 રને અશ્વિની કુમારનો શિકાર બન્યા. કેકેઆરે 88 રને આઠમી વિકેટ ગુમાવી.

વેંકટેશ ઐયર 9 બોલમાં 3 રને ચહરનો અને અંગક્રીશ રઘુવંશી 16 બોલમાં 3 ફોર અને 1 સિક્સર સાથે 26 રને હાર્દિક પંડ્યાનો શિકાર બન્યો. કેકેઆરે 45 રને પાંચમી વિકેટ ગુમાવી.

અજિંક્ય રહાણે 7 બોલમાં 1 ફોર અને 1 સિક્સર સાથે 11 રન બનાવી અશ્વિની કુમારનો શિકાર બન્યો. કેેકઆરે 25 રને ત્રીજી વિકેટ ગુમાવી.

સુનીલ નારાયણ 2 બોલમાં ખાતું ખોલાયા વિના બોલ્ટની ઓવરમાં બોલ્ડ થયો. ક્વિન્ટોન ડી કોક 3 બોલમાં 1 રન બનાવી દીપક ચહરની ઓવરમાં કેચ આઉટ થયો. કેકેઆરે 2 રને 2 વિકેટ ગુમાવી.

રયાન રિકેલ્ટન, વિલ જેક્સ, તિલક વર્મા, સૂર્યકુમાર યાદવ, હાર્દિક પંડ્યા (કેપ્ટન), નમન ધીર, મિશેલ સેન્ટનર, દીપક ચાહર, ટ્રેન્ટ બોલ્ટ, અશ્વિની કુમાર, વિગનેશ પુથુર.

સુનીલ નારાયણ, ક્વિન્ટન ડી કોક, વેંકટેશ ઐયર, અજિંક્ય રહાણે, રિંકુ સિંહ, અંગક્રીશ રઘુવંશી, આન્દ્રે રસેલ, રમનદીપ સિંહ, સ્પેન્સર જોન્સન, હર્ષિત રાણા

આઈપીએલ 2025ની 12મી મેચમાં કોલકાતા નાઇટ રાઇડર્સ સામે મુંબઈ ઇન્ડિયન્સના કેપ્ટન હાર્દિક પંડ્યાએ ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

આઈપીએલમાં મુંબઈ અને કોલકાતા વચ્ચે અત્યાર સુધીમાં 34 મુકાબલા થયા છે. જેમાં 23 મેચમાં મુંબઈનો વિજય થયો છે. જ્યારે 11 મેચમાં કોલકાતાનો વિજય થયો છે. બન્ને વચ્ચેના મુકાબલામાં મુંબઈનો હાઈએસ્ટ સ્કોર 210 અને લોએસ્ટ સ્કોર 108 રન છે. જ્યારે કોલકાતાનો હાઇએસ્ટ સ્કોર 232 અને લોએસ્ટ સ્કોર 67 રન છે. આ સિઝનમાં બન્ને પ્રથમ વખત ટકરાશે.

આઈપીએલ 2025ની 12મી મેચમાં કોલકાતા નાઇટ રાઇડર્સ અને મુંબઈ ઇન્ડિયન્સ વચ્ચે મુકાબલો થશે. આ મેચ મુંબઈના વાનખેડે સ્ટેડિયમમાં રમાશે.