PBKS vs DC Head To Head : આઈપીએલ 2025, પંજાબ કિંગ્સ વિ દિલ્હી કેપિટલ્સ હેડ ટુ હેડ રેકોર્ડ

IPL 2025 Punjab Kings vs Delhi Capitals Head To Head Records : આઈપીએલ 2025ની 58મી મેચમાં પંજાબ કિંગ્સ વિ દિલ્હી કેપિટલ્સ વચ્ચે મુકાબલો થશે. આ મેચ 8 મે ના રોજ ધર્મશાળાના સ્ટેડિયમમાં રમાશે. આઈપીએલ 2025માં અત્યાર સુધીમાં પંજાબ 11 મેચ રમ્યું છે. જેમાં 7 મેચમાં વિજય મેળવ્યો છે અને 3 મેચમાં પરાજય થયો છે. એક મેચ રદ થઇ છે. જ્યારે દિલ્હીનો 11 મેચમાંથી 6 મેચમાં વિજય થયો છે અને 4 મેચમાં પરાજય થયો છે. એક મેચ રદ થઇ છે.

પંજાબ કિંગ્સ વિ દિલ્હી કેપિટલ્સ હેડ ટુ હેડ

આઈપીએલમાં બન્ને વચ્ચે અત્યાર સુધીની હેડ ટુ હેડ મેચની વાત કરીએ તો પંજાબ કિંગ્સનું પલડું ભારે છે. આઈપીએલમાં પંજાબ અને દિલ્હી વચ્ચે અત્યાર સુધીમાં 33 મુકાબલા થયા છે. જેમાંથી 17 મેચમાં પંજાબનો વિજય થયો છે જ્યારે 16 મેચમાં દિલ્હીનો વિજય થયો છે. બન્ને વચ્ચેના મુકાબલામાં પંજાબનો હાઈએસ્ટ સ્કોર 202 અને લોએસ્ટ સ્કોર 104 રન છે. જ્યારે દિલ્હીનો હાઇએસ્ટ સ્કોર 231 અને લોએસ્ટ સ્કોર 67 રન છે.

છેલ્લા 3 મુકાબલાનો રેકોર્ડ

આઈપીએલમાં બન્ને વચ્ચેના છેલ્લા 3 મેચના રેકોર્ડ પર નજર કરવામાં આવે તો પંજાબ કિંગ્સનું પલડું ભારે છે. છેલ્લી 3 મેચમાંથી 2 મેચમાં પંજાબનો વિજય થયો છે. જ્યારે 1 મેચમાં દિલ્હીનો વિજય થયો છે. 2025ની સિઝનમાં બન્ને વચ્ચે એક મેચ રમાઇ હતી. જેમાં પંજાબનો વિજય થયો હતો.

આ પણ વાંચો - આઈપીએલ 2025, સતત ચાર પરાજય પછી ચેન્નઇ સુપર કિંગ્સનો વિજય

બન્ને સંભવિત ટીમો આ પ્રમાણે છે

પંજાબ કિંગ્સ : પ્રિયાંશ આર્યા, પ્રભસિમરન સિંહ, શ્રેયસ ઐયર (કેપ્ટન), જોશ ઈંગ્લિશ, શશાંક સિંહ, નેહલ વાઢેરા, માર્કસ સ્ટોઈનિસ, અઝમતુલ્લા ઉમરઝાઈ, માર્કો જેન્સન, યુઝવેન્દ્ર ચહલ, અર્શદીપ સિંહ

દિલ્હી કેપિટલ્સ : ફાફ ડુ પ્લેસિસ, અભિષેક પોરેલ, કરુણ નાયર, કેએલ રાહુલ , ટ્રિસ્ટન સ્ટબ્સ, અક્ષર પટેલ (કેપ્ટન), વિપ્રજ નિગમ, મિશેલ સ્ટાર્ક, દુશમંથા ચામીરા, કુલદીપ યાદવ, ટી નટરાજન.