IPL 2025 : આઈપીએલ 2025, આરસીબી ફાઇનલમાં, પંજાબ કિંગ્સને હજુ એક તક મળશે

બીજી તરફ પંજાબ કિંગ્સને હજુ એક તક મળશે. તે 1 જૂનના રોજ ક્વોલિફાયર -2માં એલિમિનેટરના વિજેતા સામે ટકરાશે.

રોયલ ચેલેન્જર્સ બેંગ્લોરે ક્વોલિફાયર-1 માં પંજાબ કિંગ્સને હરાવી આઈપીએલ 2025ની ફાઇનલમાં પ્રવેશ કર્યો છે. જોશ હેઝલવુડ (3 વિકેટ)અને સુયશ શર્માની (3 વિકેટ) શાનદાર બોલિંગ બાદ ફિલ સોલ્ટની અણનમ અડધી સદી (56)ની મદદથી રોયલ ચેલેન્જર્સ બેંગ્લોરે આઈપીએલ 2025ની ક્વોલિફાયર-1 માં પંજાબ કિંગ્સ સામે 8 વિકેટે વિજય મેળવ્યો છે. પંજાબ 14.1 ઓવરમાં 101 રનમાં ઓલઆઉટ થઇ ગયું હતું. જવાબમાં બેંગ્લોરે 10 ઓવરમાં 2 વિકેટ ગુમાવી પડકાર મેળવી લીધો હતો.

ફિલ સોલ્ટના 27 બોલમાં 6 ફોર અને 3 સિક્સર સાથે અણનમ 56 રન. રજત પાટીદારના 8 બોલમાં 1 ફોર અને 1 સિક્સર સાથે અણનમ 15 રન.

ફિલ સોલ્ટે 23 બોલમાં 5 ફોર અને 3 સિક્સર સાથે અડધી સદી ફટકારી.

મયંક અગ્રવાલ 13 બોલમાં 2 ફોર અને 1 સિક્સર સાથે 19 રન બનાવી મુશીર ખાનની ઓવરમાં કેચ આઉટ થયો. બેંગ્લોરે 84 રને બીજી વિકેટ ગુમાવી.

વિરાટ કોહલી 12 બોલમાં 2 ફોર સાથે 12 રન બનાવી જેમિસનની ઓવરમાં કેચ આઉટ થયો. આરસીબીએ 30 રને પ્રથમ વિકેટ ગુમાવી.

આઈપીએલ 2025ની ક્વોલિફાયર 1 મેચમાં પંજાબ કિંગ્સ 14.1 ઓવરમાં 101 રનમાં ઓલઆઉટ. રોયલ ચેલેન્જર્સ બેંગ્લોરને જીતવા માટે 102 રનનો પડકાર મળ્યો છે. આરસીબીના હેઝલવુડ અને સુયશ શર્માએ 3-3 વિકેટ ઝડપી. જ્યારે યશ દયાલને 2, ભુવનેશ્વર કુમાર અને રોમારિયો શેફર્ડને 1-1 વિકેટ મળી.

માર્કોસ સ્ટોઇનિસ 17 બોલમાં 2 ફોર અને 2 સિક્સર સાથે સુયશ શર્માની ઓવરમાં બોલ્ડ થયો. પંજાબ કિંગ્સે 78 રનમાં 8 વિકેટ ગુમાવી.

શશાંક સિંહ 5 બોલમાં 3 રન બનાવી અને મુશીર ખાન 3 બોલમાં ખાતું ખોલાયા વિના સુયશ શર્માનો શિકાર બન્યા. પંજાબે 60 રનમાં સાતમી વિકેટ ગુમાવી.

નેહલ વાઢેરા 10 બોલમાં 1 ફોર સાથે 8 રન બનાવી યશ દયાલની ઓવરમાં બોલ્ડ થયો. પંજાબે 50 રને પાંચમી વિકેટ ગુમાવી.

શ્રેયસ ઐયર 3 બોલમાં 2 રન બનાવી અને જોશ ઇંગ્લિશ 7 બોલમાં 4 રન બનાવી હેઝલવુડનો શિકાર બન્યા. પંજાબે 38 રનમાં 4 વિકેટ ગુમાવી.

પ્રભસિમરન સિંહ 10 બોલમાં 2 ફોર અને 1 સિક્સર સાથે 18 રને ભુવનેશ્વર કુમારની ઓવરમાં કેચ આઉટ થયો. પંજાબે 27 રને બીજી વિકેટ ગુમાવી.

પ્રિયાંશ આર્યા 5 બોલમાં 1 ફોર સાથે 7 રન બનાવી યશ દયાલની ઓવરમાં કેચ આઉટ થયો. પંજાબે 9 રને પ્રથમ વિકેટ ગુમાવી.

પ્રિયાંશ આર્યા, પ્રભસિમરન સિંહ, શ્રેયસ ઐયર (કેપ્ટન), જોશ ઈંગ્લિશ, શશાંક સિંહ, નેહલ વાઢેરા, માર્કસ સ્ટોઈનિસ, અઝમતુલ્લાહ ઓમરજાઇ, હરપ્રીત બ્રાર, કાયલે જેમિસન, અર્શદીપ સિંહ.

વિરાટ કોહલી, ફિલ સોલ્ટ, રજત પાટીદાર (કેપ્ટન), લિયામ લિવિંગસ્ટોન, જીતેશ શર્મા (કેપ્ટન), રોમારિયો શેફર્ડ, કૃણાલ પંડ્યા, ભુવનેશ્વર કુમાર, યશ દયાલ, સુયશ શર્મા, જોશ હેઝલવુડ.

આઈપીએલ 2025ની ક્વોલિફાયર 1 મેચમાં પંજાબ કિંગ્સ સામે રોયલ્સ ચેલેન્જર્સ બેંગ્લોરના કેપ્ટન રજત પાટીદારે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. આ મેચ ચંદીગઢના મુલ્લાનપુર સ્ટેડિયમમાં રમાઇ રહી છે.

આઈપીએલમાં બેંગ્લોર અને પંજાબ વચ્ચે અત્યાર સુધીમાં 35 મુકાબલા થયા છે. જેમાંથી 18 મેચમાં પંજાબનો વિજય થયો છે જ્યારે 17 મેચમાં બેંગ્લોરનો વિજય થયો છે. બન્ને વચ્ચેના મુકાબલામાં પંજાબનો હાઈએસ્ટ સ્કોર 232 રન અને લોએસ્ટ સ્કોર 88 રન છે. જ્યારે આરસીબીનો હાઇએસ્ટ સ્કોર 241 અને લોએસ્ટ સ્કોર 84 રન છે.

આઈપીએલ 2025માં પંજાબ કિંગ્સ શાનદાર પ્રદર્શન કરતા 19 પોઇન્ટ સાથે નંબર વન રહ્યું છે. પંજાબ 14 મેચ રમ્યું છે. જેમાં 9 મેચમાં વિજય થયો છે અને 4 મેચમાં પરાજય થયો છે. એક મેચ રદ થઇ છે. બીજી તરફ રોયલ ચેલેન્જર્સ બેંગ્લોર 19 પોઇન્ટ સાથે બીજા સ્થાને રહ્યું છે. આરસીબી 14 મેચ રમ્યું છે. જેમાં 9 મેચમાં વિજય થયો છે અને 4 મેચમાં પરાજય થયો છે. એક મેચ રદ થઇ છે.

આઈપીએલ 2025ની ક્વોલિફાયર 1 મેચમાં રોયલ્સ ચેલેન્જર્સ બેંગ્લોર અને પંજાબ કિંગ્સ વચ્ચે મુકાબલો થશે. આ મેચ ચંદીગઢના મુલ્લાનપુર સ્ટેડિયમમાં રમાશે.