SRH vs GT Score, IPL 2025: આઈપીએલ 2025, હૈદરાબાદને હરાવી ગુજરાત પોઇન્ટ ટેબલમાં બીજા સ્થાને

સનરાઇઝર્સ હૈદરાબાદન બેટીંગમાં ખતરનાક કહેવાય છે. પરંતુ હૈદરાબાદમાં ગુજરાતના મોહમ્મદ સિરાજનું મીયાં મેજિક ચાલ્યું હતું. સિરાજે 4 ઓવરમાં માત્ર 17 રન આપી 4 વિકેટ ઝડપી હતી. સિરાજ અભિષેક શર્માને 18 રને કેચ આઉટ, હેડને 8 રને કેચ આઉટ, અનિકેત વર્માને 18 રને અને સિમરજીત સિંહને શૂન્ય રને બોલ્ડ આઉટ કર્યો હતો.

ગુજરાતે 16.4 ઓવરમાં લક્ષ્ય પુરો કરી 153 રન બનાવી લેતાં હૈદરાબાદને 7 વિકેટથી હરાવી પોઇન્ટ ટેબલમાં બીજા સ્થાને પહોચ્યું છે. શુભમન ગિલ 43 બોલમાં 61 રન અને રુઘરફર્ડ 15 બોલમાં 36 રન પર અણનમ રહ્યા. વોશિંગટ્ન સુંદર 49 રને આઉટ થયો હતો.

ગુજરાતે 16 ઓવરના અંતે 3 વિકેટ પર 141 રન બનાવી લીધા છે. ગિલ 42 બોલમાં 60 રન પર અને રુધરફર્ડ 13 બોલમાં 24 રન પર રમતમાં છે. ગુજરાતને જીતવા માટે 24 બોલમાં માત્ર 12 રનની જરુર છે.

15 મી ઓવર નાંખવા આવેલ અભિષેક શર્માને રુધરફર્ડે બરોબર ધોયો હતો. પ્રથમ 3 બોલમાં ત્રણ ચોગ્ગા ફટકાર્યા હતા. ચોથો બોલ ડોટ ગયો અને પાંચમા બોલમાં ફરી એક ચોગ્ગો ફટકાર્યો હતો. આ ઓવરમાં 18 રન આવ્યા. ટાઇટન્સનો સ્કોર 130 રન થયો છે. રુધરફર્ડ 11 બોલમાં 22 રને અને ગિલ 51 રને રમતમાં છે.

ગુજરાત ટાઇટન્સે 14 ઓવરના અંતે 3 વિકેટના ભોગે 112 રન બનાવ્યા છે. હવે જીત માટે 36 બોલમાં 41 રનની જરુર છે. શુભમન ગિલ 51 રને રુધરફર્ડ 5 રને મેદાનમાં છે.

ગુજરાતે 13 ઓવરના અંતે 106 રન સ્કોર કર્યો છે. 14મી ઓવરમાં વોશિંગ્ટન સુંદર 49 રને કેચ આઉટ થયો. શુભમન ગિલ 38 બોલમાં 51 રન પર રમતમાં છે. સુંદર આઉટ થતાં રુધરફોર્ડ મેદાનમાં આવ્યો છે.

હૈદરાબાદના બોલર્સ પર ગિલ અને સુંદર ભારે પડી રહ્યા છે. 12.2 ઓવરમાં ગુજરાતે 100 રન બનાવી લીધા છે. શુભમન ગિલ 36 બોલમાં ફિફ્ટી બનાવી લીધી છે.

ગુજરાત જીત તરફ આગળ વધી રહ્યું છે. 12 ઓવરના અંતે સ્કોર 2 વિકેટ પર 98 રન છે. ગિલ 45 રને અને સુંદર 47 રને રમતમાં છે.

ગુજરાત ટાઇટન્સની જીતની સંભાવના 96 ટકા અને હૈદરાબાદની માત્ર 4 ટકાનો ટ્રેન્ડ ચાલી રહ્યો છે. 11 ઓવરના અંતે સ્કોર 2 વિકેટ પર 90 રન છે. ગિલ 32 બોલમાં 43 રન અને સુંદર 22 બોલમાં 41 રન છે.

હૈદરાબાદ સામે ગુજરાત ટાઇટન્સ ભારે પડી રહ્યું છે. 10 ઓવરના અંતે ગુજરાત ટાઇટન્સ સ્કોર 2 વિકેટ પર 82 રન છે. વોશિંગ્ટન સુંદર 20 બોલમાં 40 રન અને શુભમન ગિલ 28 બોલમાં 36 રને રમતમાં છે. હાલમાં કરન્ટ રનરેટ 8.20 છે અને જીત માટે 7.10 રનરેટની જરુર છે.

9 ઓવરના અંતે ટાઇટન્સ 2 વિકેટના અંતે સ્કોર 76 રન છે. વોશિંગ્ટન સુંદર 17 બોલમાં 36 રન અને શુભમન ગિલ 25 બોલમાં 34 રન પર રમતમાં છે.

ગુજરાત ટાઇટન્સ સ્કોર 8 ઓવરના અંતે 2 વિકેટ પર 64 રન છે. વોશિંગ્ટન સુંદર 15 બોલમાં 31 રન અને શુભમન ગિમ 21 બોલમાં 27 રન સાથે રમતમાં છે.

પેટ કમિન્સની ઓવરમાં બટલર ખાતું ખોલાવ્યા વિના આઉટ થતાં ગુજરાત ટાઈટન્સ થોડી મૂંઝવણમાં મુકાયું હતું. જોકે બેટીંગ માટે આવેલા સુંદરે બાજી સંભાળી લેતાં ટાઈટન્સ લક્ષ્ય તરફ આગળ વધી રહ્યું છે. ગિલ અને સુદર્શને છેલ્લા 12 બોલમાં 34 રન નોંધાવ્યા છે.

આઈપીએલ 2025ની 19મી મેચમાં ગુજરાત ટાઇટન્સ સામે સનરાઇઝર્સ હૈદરાબાદે 20 ઓવરમાં 8 વિકેટે 152 રન બનાવી લીધા છે. ગુજરાત ટાઇટન્સને જીતવા માટે 153 રનનો પડકાર મળ્યો છે.

પેટ કમિન્સ 9 બોલમાં 3 ફોર અને 1 સિક્સર સાથે 22 રને અણનમ. ગુજરાત તરફથી મોહમ્મદ સિરાજે સૌથી વધારે 4 વિકેટ ઝડપી.

કામિન્દુ મેન્ડિસ 1 રને, અનિકેત વર્મા 18 રને સમરજીત સિંહ ખાતું ખોલાયા વિના આઉટ થયા. હૈદરાબાદે 135 રને આઠમી વિકેટ ગુમાવી.

નીતિશ કુમાર રેડ્ડી 34 બોલમાં 3 ફોર સાથે 31 રન બનાવી સાઇ કિશોરની ઓવરમાં કેચ આઉટ થયો

હેનરિચ ક્લાસેન 19 બોલમાં 2 ફોર અને 1 સિક્સર સાથે 27 રને સાંઇ કિશોરની ઓવરમાં બોલ્ડ થયો. હૈદરાબાદે 100 રને ચોથી વિકેટ ગુમાવી.

સનરાઇઝર્સ હૈદરાબાદે 13.4 ઓવરમાં 100 રન પુરા કર્યા.

ઇશાન કિશન 14 બોલમાં 2 ફોર સાથે 17 રન બનાવી પ્રસિદ્ધ કૃષ્ણાનો શિકાર બન્યો. હૈદરાબાદે 50 રને ત્રીજી વિકેટ ગુમાવી.

અભિષેક શર્મા 16 બોલમાં 4 ફોર સાથે 18 રન બનાવી મોહમ્મદ સિરાજની ઓવરમાં કેચ આઉટ થયો. હૈદરાબાદે 28 રને બીજી વિકેટ ગુમાવી.

ટ્રેવિસ હેડ 5 બોલમાં 2 ફોર સાથે 8 રન બનાવી મોહમ્મદ સિરાજની ઓવરમાં કેચ આઉટ થયો. હૈદરાબાદે 9 રને પ્રથમ વિકેટ ગુમાવી.

શુભમન ગિલ (કેપ્ટન), જોસ બટલર, સાઇ સુદર્શન, રાહુલ તેવટિયા, શાહરુખ ખાન, રાશિદ ખાન, વોશિંગ્ટન સુંદર, સાંઇ કિશોર, ઇશાંત શર્મા, પ્રસિદ્ધ કૃષ્ણા, મોહમ્મદ સિરાજ.

ટ્રેવિસ હેડ, અભિષેક શર્મા, ઇશાન કિશન, નીતિશ કુમાર રેડ્ડી, હેનરિક ક્લાસેન, અનિકેત વર્મા, કામિંદુ મેન્ડિસ, પેટ કમિન્સ (કેપ્ટન), ઝીશાન અંસારી, જયદેવ ઉનડકટ, મોહમ્મદ શમી.

આઈપીએલ 2025ની 19મી મેચમાં સનરાઇઝર્સ હૈદરાબાદ સામે ગુજરાત ટાઇટન્સના કેપ્ટન શુભમન ગિલે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. આ મેચ હૈદરાબાદના રાજીવ ગાંધી સ્ટેડિયમમાં રમાઇ રહી છે.

આઈપીએલમાં હૈદરાબાદ અને ગુજરાત વચ્ચે અત્યાર સુધીમાં 5 મુકાબલા થયા છે. જેમાં 3 મેચમાં ગુજરાતનો વિજય થયો છે. જ્યારે 1 મેચમાં હૈદરાબાદનો વિજય થયો છે. 1 મેચ અનિર્ણિત રહી હતી. બન્ને વચ્ચેના મુકાબલામાં હૈદરાબાદનો હાઈએસ્ટ સ્કોર 195 રન અને લોએસ્ટ સ્કોર 154 રન છે. જ્યારે ગુજરાતનો હાઇએસ્ટ સ્કોર 199 રન અને લોએસ્ટ સ્કોર 162 રન છે.

આઈપીએલ 2025ની 19મી મેચમાં સનરાઇઝર્સ હૈદરાબાદ વિ ગુજરાત ટાઇટન્સ વચ્ચે મુકાબલો થશે. આ મેચ હૈદરાબાદના રાજીવ ગાંધી સ્ટેડિયમમાં રમાશે.