SRH vs LSG, IPL 2025: આઈપીએલ 2025, લખનઉ સુપર જાયન્ટ્સનો પ્રથમ વિજય, શાર્દુલ ઠાકુર અને નિકોલસ પૂરન ઝળક્યા

શાર્દુલ ઠાકુરની 4 વિકેટ પછી નિકોલસ પૂરનના 70 અને મિશેલ માર્શના 52 રનની મદદથી લખનઉ સુપર જાયન્ટ્સે આઈપીએલ 2025માં સનરાઇઝર્સ હૈદરાબાદ સામે 5 વિકેટે વિજય મેળવ્યો હતો. હૈદરાબાદે 20 ઓવરમાં 9 વિકેટે 190 રન બનાવ્યા હતા. જવાબમાં લખનઉએ 16.1 ઓવરમાં 5 વિકેટ ગુમાવી પડકાર મેળવી લીધો હતો. લખનઉએ પ્રથમ જીત નોંધાવી છે.

આયુષ બદોની 6 અને ઋષભ પંત 15 રન બનાવી આઉટ થયા. લખનઉએ 164 રને પાંચમી વિકેટ ગુમાવી.

મિચેલ માર્શ 31 બોલમાં 7 ફોર અને 2 સિક્સર સાથે 52 રને કમિન્સની ઓવરમાં ઓવરમાં આઉટ થયો. લખનઉએ 138 રને ત્રીજી વિકેટ ગુમાવી.

નિકોલસ પૂરન 26 બોલમાં 6 ફોર અને 6 સિક્સર સાથે 70 રને કમિન્સની ઓવરમાં એલબી આઉટ થયો. લખનઉએ 120 રને બીજી વિકેટ ગુમાવી.

લખનઉ સુપર જાયન્ટ્સે 7.3 ઓવરમાં 100 રન પુરા કર્યા. નિકોલસ પૂરન અને મિચેલ માર્શ રમતમાં છે.

નિકોલસ પૂરનની આક્રમક બેટિંગ. 18 બોલમાં 4 ફોર અને 5 સિક્સર સાથે અડધી સદી ફટકારી.

એડન માર્કરામ 4 બોલમાં 1 રન બનાવી મોહમ્મદ શમીની ઓવરમાં કેચ આઉટ થયો. લખનઉએ 4 રને પ્રથમ વિકેટ ગુમાવી.

આઈપીએલ 2025ની સાતમી મેચમાં લખનઉ સુપર જાયન્ટ્સ સામે સનરાઇઝર્સ હૈદરાબાદે 20 ઓવરમાં 9 વિકેટે 190 રન બનાવી લીધા છે. લખનઉ સુપર જાયન્ટ્સને જીતવા માટે 191 રનનો પડકાર મળ્યો છે. લખનઉ તરફથી શાર્દુલ ઠાકુરે સૌથી વધારે 4 વિકેટ ઝડપી હતી.

અનિકેત વર્મા 13 બોલમાં 5 સિક્સર સાથે 36 રને, અભિનવ 2 રને, પેટ કમિન્સ 4 બોલમાં 18 રને અને મોહમ્મદ શમી 1 રને આઉટ થયો. હૈદરાબાદે 181 રને નવમી વિકેટ ગુમાવી.

નીતિશ કુમાર રેડ્ડી 28 બોલમાં 2 ફોર સાથે 32 રન બનાવી રવિ બિશ્નોઇની ઓવરમાં બોલ્ડ થયો.

હેનરિચ ક્લાસેન 17 બોલમાં 2 ફોર અને 1 સિક્સર સાથે 26 રન બનાવી રન આઉટ થયો. હૈદરાબાદે 110 રને ચોથી વિકેટ ગુમાવી.

ટ્રેવિસ હેડ 28 બોલમાં 5 ફોર અને 3 સિક્સર સાથે 47 રન બનાવી પ્રિન્સ યાદવની ઓવરમાં બોલ્ડ થયો. હૈદરાબાદે 76 રને ત્રીજી વિકેટ ગુમાવી.

સનરાઇઝર્સ હૈદરાબાદે 4.4 ઓવરમાં 50 રન પુરા કર્યા. ટ્રેવિસ હેડ અને નીતશ કુમાર રેડ્ડી રમતમાં છે.

અભિષેક શર્મા 6 બોલમાં 1 ફોર સાથે 6 રન બનાવી અને ઇશાન કિશન પ્રથમ બોલે ખાતું ખોલાયા વિના શાર્દુલ ઠાકુરની ઓવરમાં કેચ આઉટ. હૈદરાબાદે 15 રનમાં 2 વિકેટ ગુમાવી.

એડન માર્કરામ, નિકોલસ પૂરન, આયુષ બડોની, ઋષભ પંત (કેપ્ટન), ડેવિડ મિલર, શાર્દુલ ઠાકુર, અબ્દુલ સમદ, રવિ બિશ્નોઈ, દિગ્વેશ રાઠી, અવેશ ખાન, પ્રિન્સ યાદવ

અભિષેક શર્મા, ટ્રેવિસ હેડ, ઇશાન કિશન, નીતિશ કુમાર રેડ્ડી, હેનરિક ક્લાસેન, અનિકેત વર્મા, અભિનવ મનોહર, પેટ કમિન્સ (કેપ્ટન), હર્ષલ પટેલ, સિમરજીત સિંહ, મોહમ્મદ શમી.

આઈપીએલ 2025ની સાતમી મેચમાં સનરાઇઝર્સ હૈદરાબાદ સામે લખનઉ સુપર જાયન્ટ્સના કેપ્ટન ઋષભ પંતે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

આઈપીએલમાં હૈદરાબાદ અને લખનઉ વચ્ચે અત્યાર સુધીમાં 4 મુકાબલા થયા છે. જેમાં 3 મેચમાં લખનઉ સુપર જાયન્ટ્સનો વિજય થયો છે. જ્યારે 1 મેચમાં સનરાઇઝર્સ હૈદરાબાદનો વિજય થયો છે. બન્ને વચ્ચેના મુકાબલામાં લખનઉનો હાઈએસ્ટ સ્કોર 185 અને લોએસ્ટ સ્કોર 127 રન છે. જ્યારે હૈદરાબાદનો હાઇએસ્ટ સ્કોર 182 છે અને લોએસ્ટ સ્કોર 121 રન છે.

આઈપીએલ 2025ની સાતમી મેચમાં સનરાઇઝર્સ હૈદરાબાદ અને લખનઉ સુપર જાયન્ટ્સ વચ્ચે મુકાબલો થશે. આ મેચ હૈદરાબાદના રાજીવ ગાંધી સ્ટેડિયમમાં રમાશે.