DC vs KKR : આઈપીએલ 2025, કોલકાતા નાઇટ રાઇડર્સનો 14 રને વિજય, દિલ્હીનો સતત બીજો પરાજય

અંગક્રીશ રઘુવંશીના 44 રન બાદ બોલરોના શાનદાર પ્રદર્શનની મદદથી કોલકાતા નાઇટ રાઇડર્સે આઈપીએલ 2025માં દિલ્હી કેપિટલ્સ સામે 14 રને વિજય મેળવ્યો છે. કોલકાતાએ 20 ઓવરમાં 9 વિકેટે 204 રન બનાવ્યા હતા. જવાબમાં દિલ્હી 20 ઓવરમાં 9 વિકેટે 190 રન બનાવી શક્યું હતું. કેકેઆર તરફથી સુનીલ નારાયણે સૌથી વધારે 3 વિકેટ ઝડપી હતી.

વિપ્રજ નિગમ 19 બોલમાં 5 ફોર અને 2 સિક્સર સાથે 38 રને રસેલની ઓવરમાં બોલ્ડ થયો.

આશુતોષ શર્મા 6 બોલમાં 1 સિક્સર સાથે 7 રને અને મિચેલ સ્ટાર્ક પ્રથમ બોલે ખાતું ખોલાયા વિના વરુણ ચક્રવર્તીનો શિકાર બન્યા.

ફાફ ડુ પ્લેસિસ 45 બોલમાં 7 ફોર અને 2 સિક્સર સાથે 62 રને સુનીલ નારાયણનો શિકાર બન્યો. દિલ્હીએ 146 રને છઠ્ઠી વિકેટ ગુમાવી.

ફાફ ડુ પ્લેસિસે 31 બોલમાં 6 ફોર અને 2 સિક્સર સાથે અડધી સદી ફટકારી. દિલ્હી કેપિટલ્સે 10.2 ઓવરમાં 100 રન પુરા કર્યા.

કેએલ રાહુલ 5 બોલમાં 1 ફોર સાથે 7 રન બનાવી રન આઉટ થયો. દિલ્હીએ 60 રને ત્રીજી વિકેટ ગુમાવી.

કરુણ નાયર 13 બોલમાં 2 ફોર સાથે 15 રન બનાવી વૈભવ અરોરાની ઓવરમાં એલબી આઉટ થયો. દિલ્હીએ 43 રને બીજી વિકેટ ગુમાવી.

અભિષેક પોરેલ 2 બોલમાં 1 ફોર સાથે 4 રન બનાવી અનુકુલ રોયની ઓવરમાં કેચ આઉટ થયો. દિલ્હીએ 4 રને પ્રથમ વિકેટ ગુમાવી.

આઈપીએલ 2025ની 48મી મેચમાં કોલકાતા નાઇટ રાઇડર્સે 20 ઓવરમાં 9 વિકેટે 204 રન બનાવી લીધા છે. દિલ્હી કેપિટલ્સને જીતવા માટે 205 રનનો પડકાર મળ્યો છે. દિલ્હી તરફથી મિચેલ સ્ટાર્કે સૌથી વધારે 3 વિકેટ ઝડપી હતી.

કોલકાતા નાઇટ રાઇડર્સે 19.1 ઓવરમાં 200 રન પુરા કર્યા.

રિંકુ સિંહ 25 બોલમાં 3 ફોર અને 1 સિક્સર સાથે 36 રને વિપ્રરાજ નિગમનો શિકાર બન્યો.

અંગક્રીશ રઘુવંશી 32 બોલમાં 3 ફોર અને 2 સિક્સર સાથે 44 રને ચામીરાનો શિકાર બન્યો. કેકેઆરે 174 રને પાંચમી વિકેટ ગુમાવી.

અજિંક્ય રહાણે 14 બોલમાં 4 ફોર અને 1 સિક્સર સાથે 26 રને અને વેંકટેશ ઐયર 5 બોલમાં 1 ફોર સાથે 7 રને અક્ષર પટેલના શિકાર બન્યા. કોલકાતાએ 113 રને ચોથી વિકેટ ગુમાવી.

સુનીલ નારાયણ 16 બોલમાં 2 ફોર અને 2 સિક્સર સાથે 27 રને વિપ્રરાજ નિગમની ઓવરમાં એલબી આઉટ થયો.

રહમાનુલ્લાહ ગુરબાઝ 12 બોલમાં 5 ફોર અને 1 સિક્સર સાથે 26 રન બનાવી મિચેલ સ્ટાર્કની ઓવરમાં કેચ આઉટ થયો. કેકેઆરે 48 રને પ્રથમ વિકેટ ગુમાવી.

ફાફ ડુ પ્લેસિસ, અભિષેક પોરેલ, કરુણ નાયર, કેએલ રાહુલ , ટ્રિસ્ટન સ્ટબ્સ, અક્ષર પટેલ (કેપ્ટન), વિપ્રજ નિગમ, મિશેલ સ્ટાર્ક, દુશમંથા ચામીરા, કુલદીપ યાદવ, મુકેશ કુમાર.

સુનીલ નારાયણ, રહમાનુલ્લાહ ગુરબાઝ, અજિંક્ય રહાણે (કેપ્ટન), વેંકટેશ ઐયર, રિંકુ સિંહ, અંગક્રીશ રઘુવંશી, આન્દ્રે રસેલ, રોવમન પોવેલ, હર્ષિત રાણા, અનુકુલ રોય, વરૂણ ચક્રવર્તી.

આઈપીએલ 2025ની 48મી મેચમાં કોલકાતા નાઇટ રાઇડર્સ સામે દિલ્હી કેપિટલ્સના કેપ્ટન અક્ષર પટેલે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. આ મેચ દિલ્હીના અરુણ જેટલી સ્ટેડિયમમાં રમાઇ રહી છે.

આઈપીએલમાં દિલ્હી અને કોલકાતા વચ્ચે હેડ ટુ હેડ મેચની વાત કરીએ તો કેકેઆરનું પલડું ભારે છે. આઈપીએલમાં દિલ્હી અને કોલકાતા વચ્ચે અત્યાર સુધીમાં 34 મુકાબલા થયા છે. જેમાંથી 18 મેચમાં કોલકાતાનો વિજય થયો છે જ્યારે 15 મેચમાં દિલ્હીનો વિજય થયો છે. એક મેચ અનિર્ણિત રહી હતી. બન્ને વચ્ચેના મુકાબલામાં દિલ્હીનો હાઈએસ્ટ સ્કોર 228 અને લોએસ્ટ સ્કોર 98 રન છે. જ્યારે કોલકાતાનો હાઇએસ્ટ સ્કોર 271 અને લોએસ્ટ સ્કોર 97 રન છે.

આઈપીએલ 2025ની 48મી મેચમાં દિલ્હી કેપિટલ્સ અને કોલકાતા નાઇટ રાઇડર્સ વચ્ચે મુકાબલો થશે. આ મેચ દિલ્હીના અરુણ જેટલી સ્ટેડિયમમાં રમાશે. આઈપીએલ 2025માં અત્યાર સુધીમાં દિલ્હી 9 મેચ રમ્યું છે. જેમાં 6 મેચમાં વિજય મેળવ્યો છે અને 3 મેચમાં પરાજય થયો છે. જ્યારે કોલકાતાનો 9 મેચમાંથી 3 મેચમાં વિજય થયો છે અને 5 મેચમાં પરાજય થયો છે. એક મેચ રદ થઇ હતી.