GT vs DC : ગુજરાત ટાઇટન્સે પોતાનો હાઇએસ્ટ રન ચેઝ કર્યો, જીત સાથે પોઇન્ટ ટેબલમાં નંબર વન

જોશ બટલરના અણનમ 97 રનની મદદથી ગુજરાત ટાઇટન્સે આઈપીએલ 2025માં દિલ્હી કેપિટલ્સ સામે 7 વિકેટે વિજય મેળવ્યો છે. દિલ્હીએ 20 ઓવરમાં 8 વિકેટે 203 રન બનાવ્યા હતા. જવાબમાં ગુજરાતે 19.2 ઓવરમાં 3 વિકેટ ગુમાવી પડકાર મેળવી લીધો છે. આ જીત સાથે ગુજરાત પોઇન્ટ ટેબલમાં 10 પોઇન્ટ સાથે પ્રથમ સ્થાને પહોંચી ગયું છે. ગુજરાત ટાઇટન્સે પોતાનો હાઇએસ્ટ રનચેઝ કર્યો છે.

જોશ બટલરના 54 બોલમાં 11 ફોર અને 4 સિક્સર સાથે અણનમ 97 રન. રાહુલ તેવટિયાના 3 બોલમાં 1 ફોર અને 1 સિક્સર સાથે અણનમ 11 રન.

રુધરફોર્ડ 34 બોલમાં 1 ફોર અને 3 સિક્સર સાથે 43 રન બનાવી મુકેશ કુમારની ઓવરમાં કેચ આઉટ થયો. ગુજરાતને અંતિમ ઓવરમાં જીતવા માટે 10 રનની જરૂર છે.

જોશ બટલરે 32 બોલમાં 3 ફોર અને 3 સિક્સર સાથે અડધી સદી ફટકારી.

ગુજરાત ટાઇટન્સે 11.2 ઓવરમાં 100 રન પુરા કર્યા. જોશ બટલર અને રુધરફોર્ડ રમતમાં છે.

સાઇ સુદર્શન 21 બોલમાં 5 ફોર અને 1 સિક્સર સાથે 36 રને કુલદીપ યાદવનો શિકાર બન્યો. ગુજરાત ટાઇટન્સે 74 રને બીજી વિકેટ ગુમાવી.

શુભમન ગિલ 5 બોલમાં 1 ફોર સાથે 7 રન બનાવી રન આઉટ થયો. ગુજરાતે 14 રને પ્રથમ વિકેટ ગુમાવી.

આઈપીએલ 2025ની 35મી મેચમાં દિલ્હી કેપિટલ્સે 20 ઓવરમાં 8 વિકેટે 203 રન બનાવી લીધા છે. ગુજરાત ટાઇટન્સને જીતવા માટે 204 રનનો પડકાર મળ્યો છે. ગુજરાત તરફથી પ્રસિદ્ધ ક્રિષ્નાએ સૌથી વધારે 4 વિકેટ ઝડપી.

આશુતોષ શર્મા 19 બોલમાં 2 ફોર અને 3 સિક્સર સાથે 37 રન બનાવી સાઇ કિશોરની ઓવરમાં કેચ આઉટ થયો.

અક્ષર પટેલ 32 બોલમાં 1 ફોર અને 2 સિક્સર સાથે 39 રને અને વિપરાજ નિગમ પ્રથમ બોલે ખાતું ખોલાયા વિના પ્રસિદ્ધ ક્રિષ્નાનો શિકાર બન્યો. દિલ્હીએ 173 રને છઠ્ઠી વિકેટ ગુમાવી.

ટ્રિસ્ટન સ્ટબ્સ 21 બોલમાં 2 ફોર અને 1 સિક્સર સાથે 31 રને સિરાજની ઓવરમાં કેચ આઉટ થયો. દિલ્હીએ 146 રને ચોથી વિકેટ ગુમાવી.

દિલ્હી કેપિટલ્સે 9 ઓવરમાં 100 રન પુરા કર્યા. અક્ષર પટેલ અને ટ્રિસ્ટન સ્ટબ્સ રમતમાં છે.

કરુણ નાયર 18 બોલમાં 2 ફોર અને 2 સિક્સર સાથે 31 રને પ્રસિદ્ધ ક્રિષ્નાનો શિકાર બન્યો. દિલ્હીએ 93 રને ત્રીજી વિકેટ ગુમાવી.

કેએલ રાહુલ 14 બોલમાં 4 ફોર અને 1 સિક્સર સાથે 28 રને પ્રસિદ્ધ ક્રિષ્નાની ઓવરમાં એલબી આઉટ થયો. દિલ્હીએ 58 રને બીજી વિકેટ ગુમાવી.

અભિષેક પોરેલ 9 બોલમાં 3 ફોર અને 1 સિક્સર સાથે 18 રન બનાવી અરશદ ખાનની ઓવરમાં કેચ આઉટ થયો. દિલ્હીએ 23 રને પ્રથમ વિકેટ ગુમાવી.

અભિષેક પોરેલ, કરુણ નાયર, કેએલ રાહુલ , ટ્રિસ્ટન સ્ટબ્સ, અક્ષર પટેલ (કેપ્ટન), આશુતોષ શર્મા, વિપ્રજ નિગમ, મિશેલ સ્ટાર્ક, મોહિત શર્મા, કુલદીપ યાદવ, મુકેશ કુમાર.

શુભમન ગિલ (કેપ્ટન), જોસ બટલર, સાઇ સુદર્શન, રાહુલ તેવટિયા, શાહરુખ ખાન, રાશિદ ખાન, સાંઇ કિશોર, અરશદ ખાન, મોહમ્મદ સિરાજ, પ્રસિદ્ધ ક્રિષ્ના, ઇશાંત શર્મા.

આઈપીએલ 2025ની 35મી મેચમાં દિલ્હી કેપિટલ્સ સામે ગુજરાત ટાઇટન્સના કેપ્ટન શુભમન ગિલે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. આ મેચ અમદાવાદના નરેન્દ્ર મોદી સ્ટેડિયમમાં રમાઇ રહી છે.