MI vs GT : ડકવર્થ લુઇસ નિયમ પ્રમાણે ગુજરાત ટાઇટન્સનો વિજય, પોઇન્ટ ટેબલમાં નંબર વન

આઈપીએલ 2025માં ગુજરાત ટાઇટન્સે રોમાંચક મેચમાં મુંબઈ ઇન્ડિયન્સે સામે 3 વિકેટે વિજય મેળવ્યો છે. મુંબઈએ 20 ઓવરમાં 8 વિકેટે 155 રન બનાવ્યા હતા. ડકવર્થ લુઇસ નિયમ પ્રમાણે ગુજરાતને 19 ઓવરમાં 147 રનનો પડકાર મળ્યો હતો. જે તેણે 7 વિકેટ ગુમાવી મેળવી લીધો હતો. આ જીત સાથે ગુજરાત પોઇન્ટ ટેબલમાં નંબર વન બની ગયું છે.

શાહરુખ ખાન 6 બોલમાં 1 ફોર સાથે 6 રન બનાવી બુમરાહની ઓવરમાં બોલ્ડ થયો. જ્યારે રાશિદ ખાન 3 બોલમાં 2 રન બનાવી અશ્વિની કુમારની ઓવરમાં એલબી આઉટ થયો. ગુજરાતે 126 રને છઠ્ઠી વિકેટ ગુમાવી.

રુધરફોર્ડ 15 બોલમાં 2 ફોર અને 2 સિક્સર સાથે 28 રન બનાવી બોલ્ટની ઓવરમાં એલબી આઉટ થયો. ગુજરાતે 115 રને ચોથી વિકેટ ગુમાવી.

શુભમન ગિલ 46 બોલમાં 3 ફોર અને 1 સિક્સર સાથે 43 રન બનાવી બુમરાહની ઓવરમાં બોલ્ડ થયો. ગુજરાતે 113 રને ત્રીજી વિકેટ ગુમાવી.

ગુજરાત ટાઇટન્સે 13.4 ઓવરમાં 100 રન પુરા કર્યા. શુભમન ગિલ અને રુધરફોર્જ રમતમાં છે.

જોશ બટલર 27 બોલમાં 3 ફોર અને 1 સિક્સર સાથે 30 રન બનાવી અશ્વિની કુમારની ઓવરમાં કેચ આઉટ થયો. ગુજરાતે 78 રને બીજી વિકેટ ગુમાવી.

ગુજરાત ટાઇટન્સે 7.3 ઓવરમાં 50 રન પુરા કર્યા. શુભમન ગિલ અને જોશ બટલર રમતમાં છે.

સાઇ સુદર્શન 5 બોલમાં 1 ફોર સાથે 5 રન બનાવી બોલ્ટની ઓવરમાં કેચ આઉટ થયો. ગુજરાતે 6 રને પ્રથમ વિકેટ ગુમાવી.

આઈપીએલ 2025ની 56મી મેચમાં મુંબઈ ઇન્ડિયન્સે 20 ઓવરમાં 8 વિકેટે 155 રન બનાવી લીધા છે. ગુજરાત ટાઇટન્સને જીતવા માટે 156 રનનો પડકાર મળ્યો છે.

કોરબીન બોચ 22 બોલમાં 1 ફોર અને 2 સિક્સર સાથે 27 રન બનાવી રન આઉટ થયો. મુંબઈએ 150 રને આઠમી વિકેટ ગુમાવી.

નમન ધીર 10 બોલમાં 1 ફોર સાથે 7 રન બનાવી પ્રસિદ્ધ ક્રિષ્નાની ઓવરમાં કેચ આઉટ થયો. મુંબઈએ 123 રને સાતમી વિકેટ ગુમાવી.

તિલક વર્મા 7 બોલમાં 7 રન બનાવી કોત્ઝેની ઓવરમાં કેચ આઉટ થયો. મુંબઈએ 113 રને છઠ્ઠી વિકેટ ગુમાવી.

વિલ જેક્સ 35 બોલમાં 5 ફોર અને 3 સિક્સર સાથે 53 રન બનાવી આઉટ થયો. જ્યારે હાર્દિક પંડ્યા 3 બોલમાં 1 રન બનાવી સાઇ કિશોરનો શિકાર બન્યો.

સૂર્યકુમાર યાદવ 24 બોલમાં 5 ફોર સાથે 35 રન બનાવી સાઇ કિશોરની ઓવરમાં કેચ આઉટ થયો.

રોહિત શર્મા 8 બોલમાં 1 ફોર સાથે 7 રન બનાવી અરશદ ખાનની ઓવરમાં કેચ આઉટ થયો. મુંબઈએ 26 રનમાં બીજી વિકેટ ગુમાવી.

રેયાન રિકલ્ટન 2 બોલમાં 2 રન બનાવી મોહમ્મદ સિરાજની ઓવરમાં કેચ આઉટ થયો. મુંબઈએ 2 રને પ્રથમ વિકેટ ગુમાવી.

શુભમન ગિલ (કેપ્ટન), સાઇ સુદર્શન, જોસ બટલર, રાહુલ તેવટિયા, શાહરુખ ખાન, રાશિદ ખાન, સાંઇ કિશોર, અશરદ ખાન, મોહમ્મદ સિરાજ, ગેરાલ્ડ કોત્ઝે, પ્રસિદ્ધ ક્રિષ્ના.

રેયાન રિકલ્ટન, રોહિત શર્મા, વિલ જેક્સ, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), નમન ધીર, કોરબીન બોચ, દીપક ચાહર, ટ્રેન્ટ બોલ્ટ, જસપ્રીત બુમરાહ.

આઈપીએલ 2025ની 56મી મેચમાં મુંબઈ ઇન્ડિયન્સ સામે ગુજરાત ટાઇટન્સના કેપ્ટન શુભમન ગિલે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. આ મેચ મુંબઈના વાનખેડે સ્ટેડિયમમાં રમાઇ રહી છે

આઈપીએલમાં બન્ને વચ્ચે અત્યાર સુધીમાં હેડ ટુ હેડ મેચની વાત કરીએ તો ગુજરાતનું પલડું સહેજ ભારે છે.આઈપીએલમાં ગુજરાત અને મુંબઈ વચ્ચે અત્યાર સુધીમાં 6 મેચો રમાઇ છે. જેમાં 4 મેચમાં ગુજરાત ટાઇટન્સનો વિજય થયો છે. જ્યારે 2 મેચમાં મુંબઈ ઇન્ડિયન્સનો વિજય થયો છે. બન્ને વચ્ચેના મુકાબલામાં ગુજરાતનો હાઈએસ્ટ સ્કોર 233 અને લોએસ્ટ સ્કોર 168 રન છે. જ્યારે મુંબઈનો હાઇએસ્ટ સ્કોર 218 છે અને લોએસ્ટ સ્કોર 152 રન છે.

આઈપીએલ 2025ની 56મી મેચમાં મુંબઈ ઇન્ડિયન્સ અને ગુજરાત ટાઇટન્સ વચ્ચે મુકાબલો થશે. આ મેચ મુંબઈના વાનખેડે સ્ટેડિયમમાં રમાશે. આઈપીએલ 2025માં અત્યાર સુધીમાં મુંબઈ 11 મેચ રમ્યું છે. જેમાં 7 મેચમાં વિજય મેળવ્યો છે અને 4 મેચમાં પરાજય થયો છે. જ્યારે ગુજરાતનો 10 મેચમાંથી 7 મેચમાં વિજય થયો છે અને 3 મેચમાં પરાજય થયો છે.