MI vs PBKS : આઈપીએલ 2025, પંજાબ કિંગ્સનો 7 વિકેટે વિજય, પોઇન્ટ ટેબલમાં નંબર વન પર પહોંચ્યું

જોશ ઇંગ્લિશના 73 અને પ્રિયાંશ આર્યાના 62 રનની મદદથી પંજાબ કિંગ્સે આઈપીએલ 2025માં મુંબઈ ઇન્ડિયન્સ સામે 7 વિકેટે વિજય મેળવ્યો છે. મુંબઈએ 20 ઓવરમાં 7 વિકેટે 184 રન બનાવ્યા હતા. જવાબમાં પંજાબે 18.3 ઓવરમાં 3 વિકેટ ગુમાવી પડકાર મેળવી લીધો હતો. આ જીત સાથે પંજાબ 19 પોઇન્ટ સાથે ટોચના સ્થાને પહોંચી ગયું છે

શ્રેયસ ઐયરના 16 બોલમાં 1 ફોર અને 2 સિક્સરની મદદથી અણનમ 26 રન. નેહલ વાઢેરાના અણનમ 2 રન.

પ્રિયાંશ આર્યા 35 બોલમાં 9 ફોર અને 2 સિક્સરની મદદથી 62 રન બનાવી સેન્ટનરનો શિકાર બન્યો. જ્યારે જોશ ઇંગ્લિશ 42 બોલમાં 9 ફોર અને 3 સિક્સરની મદદથી 73 રને સેન્ટનરની ઓવરમાં એલબી થયો. પંજાબે 171 રને ત્રીજી વિકેટ ગુમાવી.

જોશ ઇંગ્લિશની 29 બોલમાં 5 ફોર અને 3 સિક્સરની મદદથી અડધી સદી ફટકારી. પ્રિયાંશ આર્યાએ 27 બોલમાં 8 ફોર અને 1 સિક્સરની મદદથી અડધી સદી ફટકારી.

પંજાબ કિંગ્સે 10.4 ઓવરમાં 100 રન પુરા કર્યા. પ્રિયાંશ આર્યા અને જોશ ઇંગ્લિશ રમતમાં છે.

પ્રભસિમરન સિંહ 16 બોલમાં 1 ફોર અને 1 સિક્સર સાથે 13 રન બનાવી બુમરાહની ઓવરમાં કેચ આઉટ થયો. પંજાબે 34 રને પ્રથમ વિકેટ ગુમાવી.

આઈપીએલ 2025ની 69મી મેચમાં પંજાબ કિંગ્સ સામે મુંબઈ ઇન્ડિયન્સે 20 ઓવરમાં 7 વિકેટ ગુમાવી 184 રન બનાવી લીધા છે. પંજાબ કિંગ્સને જીતવા માટે 185 રનનો પડકાર મળ્યો છે.

સૂર્યકુમાર યાદવ 39 બોલમાં 6 ફોર અને 2 સિક્સર સાથે 57 રન બનાવી અર્શદીપ સિંહની ઓવરમાં એલબી આઉટ થયો.

નમન ધીર 12 બોલમાં 2 સિક્સર સાથે 20 રન બનાવી અર્શદીપ સિંહની ઓવરમાં કેચ આઉટ થયો. મુંબઈએ 184 રને સાતમી વિકેટ ગુમાવી.

સૂર્યકુમાર યાદવે 34 બોલમાં 5 ફોર અને 2 સિક્સર સાથે અડધી સદી ફટકારી.

હાર્દિક પંડ્યા 15 બોલમાં 2 ફોર અને 2 સિક્સર સાથે 26 રન બનાવી જાન્સેનની ઓવરમાં કેચ આઉટ થયો. મુંબઈએ 150 રને ત્રીજી વિકેટ ગુમાવી.

રોહિત શર્મા 21 બોલમાં 2 ફોર અને 1 સિક્સર સાથે 24 રને હરપ્રીત બ્રારનો શિકાર બન્યો. તિલક વર્મા 4 બોલમાં 1 રને અને વિલ જેક્સ 8 બોલમાં 2 ફોર અને 1 સિક્સર સાથે 17 રને આઉટ થયો. મુંબઈએ 106 રને ચોથી વિકેટ ગુમાવી.

રેયાન રિકલ્ટન 20 બોલમાં 5 ફોર સાથે 27 રન બનાવી જાન્સેનની ઓવરમાં કેચ આઉટ થયો. મુંબઈએ 45 રને પ્રથમ વિકેટ ગુમાવી.

પ્રિયાંશ આર્યા, શ્રેયસ ઐયર (કેપ્ટન), જોશ ઈંગ્લિશ, શશાંક સિંહ, નેહલ વાઢેરા, માર્કસ સ્ટોઈનિસ, કાયલે જેમિસન, માર્કો જેન્સન, હરપ્રીત બ્રાર, અર્શદીપ સિંહ, વિજયકુમાર વૈશક.

રેયાન રિકેલ્ટન, રોહિત શર્મા, વિલ જેક્સ, સૂર્યકુમાર યાદવ, તિલક વર્મા, હાર્દિક પંડયા (કેપ્ટન), નમન ધીર, મિચેલ સેન્ટનર, દીપક ચાહર, ટ્રેન્ટ બોલ્ટ, જસપ્રીત બુમરાહ.

આઈપીએલ 2025ની 69મી મેચમાં મુંબઈ ઇન્ડિયન્સ સામે પંજાબ કિંગ્સના કેપ્ટન શ્રેયસ ઐયરે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. આ મેચ જયપુરના સવાઇ માનસિંહ સ્ટેડિયમમાં રમાઇ રહી છે

આઈપીએલમાં બન્ને વચ્ચે અત્યાર સુધીની હેડ ટુ હેડ મેચની વાત કરીએ તો મુંબઈ ઇન્ડિયન્સનું પલડું ભારે છે. આઈપીએલમાં પંજાબ અને મુંબઈ વચ્ચે અત્યાર સુધીમાં 32 મુકાબલા થયા છે. જેમાંથી 15 મેચમાં પંજાબનો વિજય થયો છે જ્યારે 17 મેચમાં મુંબઈનો વિજય થયો છે. બન્ને વચ્ચેના મુકાબલામાં પંજાબનો હાઈએસ્ટ સ્કોર 230 અને લોએસ્ટ સ્કોર 119 રન છે. જ્યારે મુંબઈનો હાઇએસ્ટ સ્કોર 223 અને લોએસ્ટ સ્કોર 87 રન છે.

આઈપીએલ 2025ની 69મી મેચમાં મુંબઈ ઇન્ડિયન્સ અને પંજાબ કિંગ્સ વચ્ચે મુકાબલો થશે. આ મેચ 26 મે ના રોજ જયપુરના સવાઇ માનસિંહ સ્ટેડિયમમાં રમાશે. આઈપીએલ 2025માં અત્યાર સુધીમાં પંજાબ 13 મેચ રમ્યું છે. જેમાં 8 મેચમાં વિજય મેળવ્યો છે અને 4 મેચમાં પરાજય થયો છે. એક મેચ રદ થઇ છે. જ્યારે મુંબઈનો 13 મેચમાંથી 8 મેચમાં વિજય થયો છે અને 5 મેચમાં પરાજય થયો છે.