RCB vs PBKS : પંજાબ કિંગ્સનો 5 વિકેટે વિજય, આરસીબીનો હોમગ્રાઉન્ડ પર સતત ત્રીજો પરાજય

બોલરોના શાનદાર પ્રદર્શનની મદદથી પંજાબ કિંગ્સે આઈપીએલ 2025માં રોયલ ચેલેન્જર્સ બેંગ્લોર સામે 5 વિકેટે વિજય મેળવ્યો છે. બેંગ્લોરે 14 ઓવરમાં 9 વિકેટે 95 રન બનાવ્યા હતા. જવાબમાં પંજાબ કિંગ્સે 12.1 ઓવરમાં 5 વિકેટે 98 રન બનાવી લીધા હતા.

નેહલ વાઢેરાના 19 બોલમાં 3 ફોર અને 3 સિક્સરની મદદથી અણનમ 33 રન. માર્કોસ સ્ટોઇનિસ 2 બોલમાં 1 સિક્સર સાથે અણનમ 7 રન. આરસીબી તરફથી હેઝલવુડે 3 અને ભુવનેશ્વર કુમારે 2 વિકેટ ઝડપી.

શશાંક સિંહ 5 બોલમાં 1 રન બનાવી ભુવનેશ્વર કુમારની ઓવરમાં કેચ આઉટ થયો. પંજાબ કિંગ્સે 81 રને પાંચમી વિકેટ ગુમાવી.

શ્રેયસ ઐયર 10 બોલમાં 7 રને અને જોશ ઇંગ્લિશ 17 બોલમાં 2 ફોર સાથે 14 રને હેઝલવુડનો શિકાર બન્યા. પંજાબે 53 રને ચોથી વિકેટ ગુમાવી.

પ્રિયાંશ આર્યા 11 બોલમાં 1 ફોર અને 1 સિક્સર સાથે 16 રને હેઝલવુડની ઓવરમાં કેચ આઉટ થયો. પંજાબે 32 રને 2 વિકેટ ગુમાવી.

પ્રભસિમરન સિંહ 9 બોલમાં 2 ફોર સાથે 13 રન બનાવી ભુવનેશ્વર કુમારની ઓવરમાં કેચ આઉટ થયો. પંજાબ કિંગ્સે 22 રને પ્રથમ વિકેટ ગુમાવી.

આઈપીએલ 2025ની 34મી મેચમાં રોયલ્સ ચેલેન્જર્સ બેંગ્લોરે 14 ઓવરમાં 9 વિકેટે 95 રન બનાવી લીધા છે. પંજાબ કિંગ્સને જીતવા માટે 96 રનનો પડકાર મળ્યો છે. પંજાબ કિંગ્સ તરફથી અર્શદીપ સિંહ, જાન્સેન, ચહલ અને હરપ્રીત બારે 2-2 વિકેટ ઝડપી. બાર્ટલેટે 1 વિકેટ ઝડપી.

ભુવનેશ્વર કુમાર 8 અને યશ દયાલ ખાતું ખોલાયા વિના હરપ્રીત બરારનો શિકાર બન્યો. ટીમ ડેવિડ 26 બોલમાં 5 ફોર અને 3 સિક્સર સાથે 50 રને અણનમ રહ્યો.

રજત પાટીદાર 18 બોલમાં 1 ફોર અને 1 સિક્સર સાથે 23 રન બનાવી ચહલની ઓવરમાં કેચ આઉટ થયો. આરસીબીએ 41 રને છઠ્ઠી વિકેટ ગુમાવી. મનોજ 4 બોલમાં 1 રન બનાવી જાન્સેનનો શિકાર બન્યો. આરસીબીએ 42 રને સાતમી વિકેટ ગુમાવી.

જીતેશ શર્મા 7 બોલમાં 2 રન બનાવી ચહલની ઓવરમાં કેચ આઉટ થયો. જ્યારે ક્રૃણાલ પંડ્યા 2 બોલમાં 1 રન બનાવી જાન્સેનનો શિકાર બન્યો. આરસીબીએ 33 રને પાંચમી વિકેટ ગુમાવી.

લિયામ લિવિંગસ્ટોન 6 બોલમાં 1 ફોર સાથે 4 રન બનાવી બાર્ટલેટની ઓવરમાં કેચ આઉટ થયો. બેંગ્લોરે 26 રને ત્રીજી વિકેટ ગુમાવી.

વિરાટ કોહલી 3 બોલમાં 1 રન બનાવી અર્શદીપ સિંહની ઓવરમાં કેચ આઉટ થયો. આરસીબીએ 21 રને બીજી વિકેટ ગુમાવી.

ફિલિપ સોલ્ટ 4 બોલમાં 1 ફોર સાથે 4 રન બનાવી અર્શદીપ સિંહની ઓવરમાં કેચ આઉટ થયો. આરસીબીએ 4 રને પ્રથમ વિકેટ ગુમાવી.

ફિલિપ સોલ્ટ, વિરાટ કોહલી, રજત પાટીદાર (કેપ્ટન), લિયામ લિવિંગસ્ટોન, જીતેશ શર્મા ટિમ ડેવિડ, કૃણાલ પંડ્યા, ભુવનેશ્વર કુમાર, જોશ હેઝલવુડ, સુયશ શર્મા, યશ દયાલ.

પ્રિયાંશ આર્યા, શ્રેયસ ઐયર (કેપ્ટન), જોશ ઇંગ્લિશ, નેહલ વાઢેરા, શશાંક સિંહ, માર્કોસ સ્ટોઇનિસ, માર્કો જેન્સન, ઝેવિયર બાર્ટલેટ, હરપ્રીત બરાર, અર્શદીપ સિંહ, યુઝવેન્દ્ર ચહલ.

આઈપીએલ 2025ની 34મી મેચમાં રોયલ્સ ચેલેન્જર્સ બેંગ્લોર સામે અને પંજાબ કિંગ્સના કેપ્ટન શ્રેયસ ઐયરે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે. વરસાદના કારણે મેચ 14-14 ઓવરની રમાશે.

વરસાદ રોકાઇ ગયો છે અને 9.30 કલાકે ટોસ થશે અને 9.45 કલાકે મેચ શરુ થશે. આ મેચ 14-14 ઓવરની રમાશે.

બેંગ્લોરથી સારા સમાચાર સામે આવી રહ્યા છે. હાલ વરસાદ રોકાઇ ગયો છે. મેદાનમાંથી કવર્સ હટાવવામાં આવી રહ્યા છે.

બેંગ્લોરના વરસાદના કારણે ટોસમાં વિલંબ થયો છે. જોકે સારી વાત એ છે કે વધારે વરસાદ હાલ નથી અને બેંગ્લોરના ચિન્નાસ્વામી સ્ટેડિયમની ડ્રેનેજ સિસ્ટમ સારી છે. જેથી વરસાદ રોકાયા પછી મેચ શરુ થવામાં વધારે સમય લાગશે નહીં.

આઈપીએલમાં બેંગ્લોર અને પંજાબ વચ્ચે અત્યાર સુધીમાં 33 મુકાબલા થયા છે. જેમાંથી 17 મેચમાં પંજાબનો વિજય થયો છે જ્યારે 16 મેચમાં બેંગ્લોરનો વિજય થયો છે. બન્ને વચ્ચેના મુકાબલામાં પંજાબનો હાઈએસ્ટ સ્કોર 232 રન અને લોએસ્ટ સ્કોર 88 રન છે. જ્યારે આરસીબીનો હાઇએસ્ટ સ્કોર 241 અને લોએસ્ટ સ્કોર 84 રન છે.

આઈપીએલ 2025ની 34મી મેચમાં રોયલ્સ ચેલેન્જર્સ બેંગ્લોર અને પંજાબ કિંગ્સ વચ્ચે મુકાબલો થશે. આ મેચ બેંગ્લોરના એમ ચિન્નાસ્વામી સ્ટેડિયમમાં રમાશે.