આઈપીએલ : અત્યાર સુધીના ઓરેન્જ કેપ વિજેતાઓની યાદી, જાણો સૌથી વધારે કોણે જીતી છે આ કેપ

IPL 2024 Orange Cap Holders Players List : આઈપીએલ 2024ની સિઝન 22 માર્ચથી શરૂ થઇ રહી છે. આ વખતે પણ બધા સ્ટાર પ્લેયર્સ ઓરેન્જ કેપ મેળવવા માટે એડી ચોટીનું જોર લગાવશે. ઓરેન્જ કેપ ઈન્ડિયન પ્રીમિયર લીગના સૌથી પ્રતિષ્ઠિત પુરસ્કારોમાંથી એક છે. તે એક સિઝનમાં સૌથી વધુ રન બનાવનાર બેટ્સમેનને આપવામાં આવે છે. જ્યાં સુધી રેકોર્ડની વાત છે તોઅનુભવી ઓપનર ડેવિડ વોર્નર IPLના ઈતિહાસમાં ત્રણ અલગ-અલગ સિઝનમાં ઓરેન્જ કેપ જીતવાનો રેકોર્ડ ધરાવે છે.

આઈપીએલ 2023માં શુભમન ગિલે ઓરેન્જ કેપ જીતી હતી

શુભમન ગિલે IPL 2023માં ગુજરાત ટાઇટન્સ તરફથી રમતી વખતે આ પ્રતિષ્ઠિત એવોર્ડ જીત્યો હતો. શુભમન ગિલે IPL 2023માં 17 મેચોની 17 ઇનિંગ્સમાં 59.33ની એવરેજ અને 157.8ની સ્ટ્રાઇક રેટથી 890 રન બનાવ્યા હતા. તેણે ત્રણ મેચમાં 100થી વધારે રન બનાવ્યા હતા.

આઈપીએલ 2023 ની જેમ IPL 2024 માં પણ 10 ટીમો ભાગ લઈ રહી છે. આવી સ્થિતિમાં ઓરેન્જ કેપ વિજેતા બનવા માટે બેટ્સમેનોએ શાનદાર પ્રદર્શન કરવું પડશે. અમે અહીં IPL 2008 થી 2023 સુધીના તમામ ઓરેન્જ કેપ વિજેતાઓ વિશે જણાવી રહ્યા છીએ.

આ પણ વાંચો - રેકોર્ડ છઠ્ઠી વખત ટાઇટલ જીતવા ઉતરશે CSK, આ સિઝનમાં આવી હોઇ શકે છે સીએસકેની પ્લેઇંગ ઇલેવન

IPL ના ઓરેન્જ કેપ વિજેતાઓ

સૌથી વધારે 3 વખત ડેવિડ વોર્નર ઓરેન્જ કેપ જીત્યો છે. આ પછી ક્રિસ ગેઇલ બે વખત ઓરેન્જ કેપ જીત્યો છે. ઓરેન્જ કેપ છ ભારતીય ખેલાડીઓ જીતવા સફળ રહ્યા છે. જેમાં શુભમન ગિલ, ઋતુરાજ ગાયકવાડ, વિરાટ કોહલી, રોબિન ઉથપ્પા, કેએલ રાહુલ અને સચિન તેંડુલકરનો સમાવેશ થાય છે.