IPL Qualifier 1 CSK Records: આઇપીએલ 2023 ક્વોલિફાયર 1 મેચમાં ચેન્નઇ સુપર કિંગ્સે ગુજરાત ટાઇટન્સને ભારે રસાકસી વચ્ચે હરાવી એક નવો કિર્તીમાન રેકોર્ડ સ્થાપિત કર્યો છે. ચેન્નઇ સુપર કિંગ્સ 10 મી વખત આઇપીએલ ફાઇનલમાં પ્રવેશ્યું છે. આઇપીએલ ટુર્નામેન્ટની અત્યાર સુધીની ક્વોલિફાયર 1 મેચમાં ચેન્નઇ સુપર કિંગ્સ એક માત્ર મુંબઇ ઇન્ડિન્સને બાદ કરતાં સૌને ભારે પડ્યું છે. સીએસકે ક્વોલિફાયર મેચમાં મુંબઇ સિવાસ અન્ય કોઇ ટીમ સામે ક્યારેય હાર્યું નથી.
આઈપીએલ ક્વોલિફાયર 1 મેચના રેકોર્ડની વાત કરીએ તો ચેન્નઇ સુપર કિંગ્સનો ભારે દબદબો રહ્યો છે. ક્વોલિફાયર 1 મેચમાં ચેન્નઇ સુપર કિંગ્સ વધુ વખત જીતની બાજી લગાવી ચુક્યું છે. ચેન્નઇ સુપર કિંગ્સ માત્ર મુંબઇ ઇન્ડિયન્સ સામે જ કાચા પડ્યા છે. જ્યારે અન્ય ટીમો સામે ચેન્નઇ ક્વોલિફાયર મેચમાં ક્યારેય હાર્યું નથી. IPL 2023 ક્વોલિફાયર 1 મેચમાં પણ ચેન્નઇ સુપર કિંગ્સ ગુજરાત ટાઇટન્સ સામે ટકરાયું અને ગુજરાતને હરાવી પાંચમી વખત ક્વોલિફાયર 1 જીત્યું.
આઇપીએલ 2011 થી 2022 સુધીની વાત કરીએ તો ક્વોલિફાયર 1 માટે કુલ 13 મેચ રમાઇ છે. જેમાં ચેન્નઇ સુપર કિંગ્સ સૌથી વધુ 7 વખત ક્વોલિફાયર 1 મેચમાં રમ્યું છે. જેમાંથી પાંચ વખત જીત્યું છે. ચેન્નઇ સુપર કિંગ્સે દિલ્હી, સનરાઇઝર્સ હૈદરાબાદ, આરસીબી અને મુંબઇ ઇન્ડિયન્સ અને ગુજરાત ટાઇટન્સને હરાવ્યું છે. જ્યારે મુંબઇ ઇન્ડિયન્સ સામે બે વખત હાર્યા છે.
વર્ષ કોની વચ્ચે ટક્કર જીત 2023 GT vs CSK ચેન્નઇ સુપર કિંગ્સ 15 રનથી જીત 2022 GT vs RR ગુજરાત ટાઇટન્સ સાત વિકેટથી જીત 2021 DC vs CSK ચેન્નઇ સુપર કિંગ્સ 4 વિકેટથી જીત 2020 MI vs DC મુંબઇ ઇન્ડિયન્સની 57 રનથી જીત 2019 MI vs. CSK મુંબઇ ઇન્ડિયન્સ 6 વિકેટથી જીત 2018 SRH vs. CSK ચેન્નઇ સુપર કિંગ્સ 2 વિકેટથી જીત 2017 MI vs. RPS આરપીએસ 20 રનથી જીત્યું 2016 GL vs. RCB આરસીબી 4 વિકેટથી જીત 2015 CSK vs. MI મુંબઇ ઇન્ડિયન્સ 25 રનથી જીત 2014 KXIP vs. KKR કેકેઆર 28 રનથી જીત 2013 CSK vs. MI ચેન્નઇ સુપર કિંગ્સ 48 રનથી જીત 2012 DD vs. KKR કેકેઆર 18 રનથી જીત 2011 RCB vs. CSK ચેન્નઇ સુપર કિંગ્સ 6 વિકેટથી જીત
આઈપીએલ ક્વોલિફાયર 1 મેચમાં ચેન્નઇ સુપર કિંગ્સ બાદ મુંબઇ ઇન્ડિયન્સનો દબદબો રહ્યો છે. મુંબઇ ઇન્ડિયન્સ પાંચ વખત ક્વોલિફાયર 1 મેચ રમ્યું છે. જેમાંથી ત્રણ વખત જીત્યું છે. ખાસ કરીને ચેન્નઇ સુપર કિંગ્સને બે વખત હરાવ્યું છે. જ્યારે એક વખત ચેન્નઇ સુપર કિંગ્સ સામે અને એક વખત આરપીએસ સામે હાર્યું છે.
ક્વોલિફાયર 1 ટક્કર
લીગ મેચમાં સારૂ પ્રદર્શન કરતાં પોઇન્ટ ટેબલમાં મોખરાની બે ટીમ વચ્ચે ક્વોલિફાયર 1 મેચ રમાઇ છે. જેમાં જીત મેળવનાર ટીમ સીધી ફાઇનલમાં પ્રવેશે છે જ્યારે હારનાર ટીમને વધુ એક તક મળે છે અને એલિમિનેટર મેચમાં જીતેલી ટીમ સામે ક્વોલિફાયર 2 મેચમાં ટકરાય છે.
