ખેલ રત્ન એવોર્ડ : ડી ગુકેશ, મનુ ભાકર, હરમનપ્રીત સિંહ અને પેરા એથ્લેટ પ્રવીણ કુમારને સર્વોચ્ચ ખેલ એવોર્ડ

Khel Ratna Award : ચેસના વર્લ્ડ ચેમ્પિયન ડી ગુકેશ, પેરિસ ઓલિમ્પિક 2024માં બે મેડલ જીતનાર શૂટર મનુ ભાકર, ભારતીય પુરુષ હોકી ટીમના કેપ્ટન હરમનપ્રીત સિંહ અને પેરાલિમ્પિક ગોલ્ડ મેડાલિસ્ટ પ્રવીણ કુમારને મેજર ધ્યાનચંદ ખેલ રત્ન એવોર્ડ 2024થી સન્માનિત કરવામાં આવશે. આ ઉપરાંત 32 ખેલાડીઓની અર્જુન એવોર્ડ માટે પસંદગી કરવામાં આવી છે. ખેલ રત્ન એવોર્ડની જાહેરાત યુવા બાબતો અને રમતગમત મંત્રાલયે કરી હતી. 17 જાન્યુઆરી 2025ના રોજ રાષ્ટ્રપતિ ભવન ખાતે યોજાનારા એક કાર્યક્રમમાં રાષ્ટ્રપતિ દ્રોપદી મુર્મૂ દ્વારા તમામ વિજેતાઓનું સન્માન કરવામાં આવશે.

ડી ગુકેશે અભિનવ બિન્દ્રાને પાછળ રાખ્યો

ડી ગુકેશ દેશના સર્વોચ્ચ ખેલ પુરસ્કાર માટે પસંદ થનારા સૌથી નાની ઉંમરનો ખેલાડી છે. તેણે અભિનવ બિન્દ્રાને પાછળ છોડી દીધો છે. બેઇજિંગ ઓલિમ્પિક 2008માં શૂટિંગમાં ગોલ્ડ મેડલ જીતનાર અભિનવ બિન્દ્રાને જ્યારે ખેલ રત્ન એવોર્ડ મળ્યો ત્યારે તેની ઉંમર 19 વર્ષ 11 મહિના અને 10 દિવસની હતી, જ્યારે 2 ડિસેમ્બર 2025ના રોજ ડી ગુકેશની ઉંમર 18 વર્ષ અને 221 દિવસ છે.

આ પણ વાંચો - એમએસ ધોની સોશિયલ મીડિયાથી કેમ રહેશે દૂર? પ્રાઇવસી નહીં આવું છે કારણ

32 ખેલાડીઓને અર્જુન એવોર્ડ અપાશે

આ સિવાય ખેલ મંત્રાલયે 17 પેરા એથ્લીટ્સ સહિત 32 ખેલાડીઓને અર્જુન એવોર્ડ આપવાનો નિર્ણય લીધો છે. ખેલ મંત્રાલયે કહ્યું કે સ્પોર્ટસ એવોર્ડ માટે રચાયેલી કમિટિની ભલામણોને ચકાસ્યા બાદ સરકારે આ એવોર્ડ એથ્લીટ્સ, કોચ, યુનિવર્સિટીને આપવાનો નિર્ણય લીધો છે.

અર્જુન એવોર્ડ માટે ખેલાડીઓની પસંદગી

અર્જુન એવોર્ડ ફોર આઉટસ્ટેન્ડિંગ પર્ફોર્મન્સ (લાઇફટાઇમ) 2024