KKR vs RR Highlights, IPL 2024 : આઈપીએલ 2024, બટલરે કોલકાતા પાસેથી વિજય ઝુંટવી લીધો, અણનમ 107 રન ફટકાર્યા

જોશ બટલરની અણનમ લડાયક સદી (107)ની મદદથી રાજસ્થાન રોયલ્સે આઈપીએલ 2024માં કોલકાતા નાઇટ રાઇડર્સ સામે 2 વિકેટે રોમાંચક વિજય મેળવ્યો છે. કોલકાતાએ 20 ઓવરમાં 6 વિકેટે 223 રન બનાવ્યા હતા. જવાબમાં રાજસ્થાને 20 ઓવરમાં 8 વિકેટ ગુમાવી પડકાર મેળવી લીધો હતો. રાજસ્થાને આઈપીએલના ઇતિહાસમાં સૌથી મોટો રનચેઝનો રેકોર્ડ કર્યો છે.

કોલકાતા નાઇટ રાઇડર્સ સામે રાજસ્થાન રોયલ્સે 2 વિકેટે રોમાંચક વિજય મેળવ્યો.

જોશ બટલરે 55 બોલમાં 9 ફોર 6 સિક્સર સાથે સદી ફટકારી.

ટ્રેન્ટ બોલ્ટ ખાતું ખોલાયા વિના રન આઉટ થયો.

રોવમેન પોવેલ 13 બોલમાં 1 ફોર 3 સિક્સર સાથે 26 રન બનાવી નારાયણની ઓવરમાં એલબી આઉટ થયો.

શિમરોન હેટમાયર પ્રથમ બોલે વરુણ અરોરાનો શિકાર બન્યો.

રવિચંદ્રન અશ્વિન 11 બોલમાં 1 ફોર સાથે 8 રન બનાવી વરુણ અરોરાની ઓવરમાં આઉટ થયો.

ધ્રુવ જુરેલ 4 બોલમાં 2 રન બનાવી સુનીલ નારાયણની ઓવરમાં એલબી આઉટ થયો. રાજસ્થાને 100 રને ચોથી વિકેટ ગુમાવી.

રિયાન પરાગ 14 બોલમાં 4 ફોર 2 સિક્સર સાથે 34 રન બનાવી હર્ષિત રાણાની ઓવરમાં કેચ આઉટ થયો.

સંજુ સેમસન 8 બોલમાં 2 ફોર સાથે 12 રન બનાવી હર્ષિત રાણાની ઓવરમાં કેચ આઉટ થયો. રાજસ્થાને 47 રને બીજી વિકેટ ગુમાવી.

યશસ્વી જયસ્વાલ 9 બોલમાં 3 ફોર 1 સિક્સર સાથે 19 રન બનાવી વૈભવ અરોરાની ઓવરમાં આઉટ થયો.

રાજસ્થાન તરફથી અવેશ ખાન-કુલદીપ સેને 2-2 વિકેટ ઝડપી. બોલ્ટ અને ચહલે 1-1 વિકેટ ઝડપી.

રિંકુ સિંહના 9 બોલમાં 1 ફોર 2 સિક્સર સાથે અણનમ 20 રન.

કોલકાતા નાઇટ રાઇડર્સે 20 ઓવરમાં 6 વિકેટે 223 રન બનાવી લીધા છે. રાજસ્થાન રોયલ્સને 224 રનનો પડકાર મળ્યો છે.

વેંકટેશ ઐયર 6 બોલમાં 1 ફોર સાથે 8 રન બનાવી કુલદીપ સેનની ઓવરમાં કેચ આઉટ થયો.

સુનીલ નારાયણ 56 બોલમાં 13 ફોર 6 સિક્સર સાથે 109 રન બનાવી બોલ્ટની ઓવરમાં બોલ્ડ થયો.

આન્દ્રે રસેલ 10 બોલમાં 2 ફોર સાથે 13 રન બનાવી અવેશ ખાનનો શિકાર બન્યો.

સુનીલ નારાયણે 49 બોલમાં 11 ફોર 6 સિક્સર સાથે આક્રમક સદી ફટકારી.

કેપ્ટન શ્રેયસ ઐયર 7 બોલમાં 1 ફોર 1 સિક્સર સાથે 11 રન બનાવી ચહલની ઓવરમાં એલબી આઉટ થયો.

અંગક્રિશ રઘુવંશી 18 બોલમાં 5 ફોર સાથે 30 રન બનાવી કુલદીપ સેનની ઓવરમાં કેચ આઉટ થયો.

સુનીલ નારાયણે 29 બોલમાં 5 ફોર 3 સિક્સર સાથે અડધી સદી ફટકારી.

ફિલિપ સોલ્ટ 13 બોલમાં 1 ફોર સાથે 10 રન બનાવી અવેશ ખાનની ઓવરમાં કેચ આઉટ થયો.

કોલકાતાના ફિલિપ સોલ્ટ અને સુનીલ નારાયણ ઓપનિંગમાં ઉતર્યા.

યશસ્વી જયસ્વાલ, સંજુ સેમસન (કેપ્ટન), રિયાન પરાગ, ધ્રુવ જુરેલ, શિમરોન હેટમાયર, રોવમેન પોવેલ, રવિચંદ્રન અશ્વિન, ટ્રેન્ટ બોલ્ટ, અવેશ ખાન, કુલદીપ સેન, યુઝવેન્દ્ર ચહલ.

કોલકાતા નાઇટ રાઇડર્સ સામે રાજસ્થાન રોયલ્સના કેપ્ટન સંજુ સેમસને ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

આઈપીએલમાં રાજસ્થાન અને કોલકાતા વચ્ચે અત્યાર સુધીમાં 28 મેચો રમાઇ છે. જેમાં 14 મેચમાં કોલકાતાનો વિજય થયો છે અને 13 મેચમાં રાજસ્થાનનો વિજય થયો છે. એક મેચ રદ થઇ હતી. બન્ને વચ્ચેના મુકાબલામાં કોલકાતાનો હાઈએસ્ટ સ્કોર 210 અને લોએસ્ટ સ્કોર 125 રન છે. જ્યારે રાજસ્થાનનો હાઇએસ્ટ સ્કોર 217 અને લોએસ્ટ સ્કોર 81 રન છે. 2023ની સિઝનમાં બન્ને વચ્ચે એક મેચ રમાઇ હતી. જેમાં રાજસ્થાનનો વિજય થયો હતો.

આઈપીએલ 2024ની 31મી મેચમાં રાજસ્થાન રોયલ્સ અને કોલકાતા નાઇટ રાઇડર્સ વચ્ચે મુકાબલો થશે. આ મેચ કોલકાતાના ઇડન ગાર્ડન્સ સ્ટેડિયમમાં રમાશે.