જ્યારે મેરિકોમે 4 કલાકમાં ઘટાડ્યું હતું 2 કિલો વજન, કેવી રીતે મિનિટોમાં વજન ઓછું કરે છે એથ્લેટ્સ?

Vinesh Phogat Disqualified : ભારતની સ્ટાર રેસલર વિનેશ ફોગાટને પેરિસ ઓલિમ્પિકમાંથી ગેરલાયક જાહેર કર્યા બાદ વજન સાથે જોડાયેલા નિયમોને લઇને ઘણી ચર્ચા થઇ રહી છે. વિનેશ ફોગાટ 100 ગ્રામ અધિક વજનના કારણે 50 કિગ્રા વર્ગમાં અયોગ્ય જાહેર થઇ છે. આ પછી લોકોનું કહેવું છે કે આટલું વજન ઘટાડી શકાયું હોત અને ઘણી વખત એવું પણ બન્યું છે કે એથ્લીટ્સે ખુબ જ ઓછા સમયમાં વજન ઉતાર્યું હોય અને કોઈ ચોક્કસ કેટેગરીમાં પણ સ્થાન નિશ્ચિત કરી લીધું હોય. ભારતીય બોક્સર મેરી કોમે પણ આવું જ કર્યું છે.

મેરી કોમે 4 કલાકમાં બે કિલો વજન ઘટાડ્યું હતું. સાથે એ પણ જાણીશું કે એથ્લીટ કેવી રીતે પોતાનું વજન ઘટાડે છે અને વિનેશ ફોગાટના મામલે સ્થિતિ કેમ અલગ છે.

શું છે મેરીકોમની કહાની

મેરીકોમને એક સમયે પોલેન્ડમાં સિલેશિયન ઓપન બોક્સિંગ ટૂર્નામેન્ટમાં રમવાનું હતું અને આ સમયે તે 48 કિગ્રા વજન વર્ગમાં રમવા માંગતી હતી, પરંતુ તે અનુસાર તેનું વજન વધારે હતું. તે સમયે મેરી કોમે આ કેટેગરીમાં ડિસક્વોલિફાયમાંથી બચવા માટે ચાર કલાકમાં બે કિલો વજન ઘટાડ્યું હતુ. તેણે કહ્યું હતું કે તેણે એક કલાક સુધી સ્કિપિંગ કરી હતી અને વજન ઓછું કર્યું હતું.

એથ્લેટ્સ કેવી રીતે વજન ઓછું કરે છે?

જ્યારે પણ આવું થાય છે એથ્લેટ ઘણી રીતે ખૂબ જ ઓછા સમયમાં વજન ઘટાડે છે. આ માટે તેઓ હેવી વર્કઆઉટ્સ કરે છે અને આ માટે ખાસ પ્રકારના કપડા આવે છે, જે પહેરવામાં આવે છે અને વર્કઆઉટ કરે છે. આના કારણે શરીરમાંથી ખૂબ જ પરસેવો થાય છે અને થોડા કલાકોમાં વજન ઓછું થાય છે. જોકે તેમાં સ્ટ્રેસ વગેરે પરિબળો પણ કામ કરે છે. એથ્લેટ્સ આ પોઝિશનમાં એફબીટી સૂટ પહેરે છે, જેનાથી શરીરમાં ખૂબ ગરમી ઉત્પન્ન થાય છે અને તેને પહેરીને સોના બાથ લેશે.

આ પણ વાંચો - વિનેશ ફોગાટ : ડિસક્વોલિફાય થઇ ગઇ, સમજો કુસ્તીમાં કેવી રીતે હોય છે વજનનું ગણિત

આમ કરવાથી શરીરમાંથી પરસેવો ખૂબ જ ઝડપથી નીકળે છે અને વારંવાર ટોઈલેટમાં જાય છે, આવું કરવાથી શરીરમાંથી વોટર રિટેન્શન ઓછું થાય છે. વોટર રિટેન્શન ઘટાડવાથી એક વખત ઘણું વજન ઓછું થઈ જાય છે. આ ઉપરાંત વોટર રિટેન્શન ઘટાડવાના ઉપાય પણ છે, જે શરીરમાંથી પાણી દૂર કરે છે અને વજન ઘટાડે છે.

વિનેશ ફોગાટના કેસમાં શું થયું?

જો વિનેશ ફોગાટના કિસ્સાની વાત કરીએ તો તેમાં રેસલરને વેટ ઇન ટાઇમ ઘણો ઓછો મળે છે. કુસ્તીના નિયમ અનુસાર મેચ અગાઉ રેસલરોનું વજન કરવામાં આવે છે અને જો રેસલર બે દિવસ મુકાબલા લડે તો બે દિવસ તેમનું વજન કરવામાં આવે છે. નિયમ અનુસાર જે દિવસે મુકાબલો થાય છે, તે જ દિવસે દરેક પહેલવાનનું વજન સવારે થાય છે.

પહેલા વેઇટ-ઇન દરમિયાન, કુસ્તીબાજો પાસે વજન નિયમિત કરવા માટે 30 મિનિટનો સમય હોય છે. તમે ઘણી વખત 30 મિનિટમાં વજન કરી શકો છો, પરંતુ બીજા દિવસે વેઇટ ઇન માત્ર 15 મિનિટનો હોય છે. આવી સ્થિતિમાં આટલા ઓછા સમયમાં વજન ઓછું કરવું શક્ય નથી.