scorecardresearch

2022માં ટેસ્ટમાં રન બનાવવાના મામલે વિરાટ કોહલી અને કેએલ રાહુલ કરતા અશ્વિન આગળ

મીરપુર ટેસ્ટમાં જીતનો હીરો રહેલા રવિચંદ્રન અશ્વિને (Ravichandran Ashwin)આ વર્ષે એક મોટી સિદ્ધિ મેળવી છે. અશ્વિન આ વર્ષે ટેસ્ટ ક્રિકેટમાં ભારત તરફથી સૌથી વધારે રન કરનાર ટોપ-5 બેટ્સમેનમાં સામેલ થયો

2022માં ટેસ્ટમાં રન બનાવવાના મામલે વિરાટ કોહલી અને કેએલ રાહુલ કરતા અશ્વિન આગળ
ટેસ્ટમાં ભારતીય ટીમ તરફથી અશ્વિને 2022માં 6 મેચમાં 30ની એવરેજથી 270 રન બનાવ્યા (તસવીર – ટ્વિટર)

INDIA vs BANGLADESH: ભારતે બાંગ્લાદેશ (IND vs BAN)સામે બે ટેસ્ટની શ્રેણીમાં 2-0થી જીત મેળવ્યો છે. મીરપુર ટેસ્ટમાં જીતનો હીરો રહેલા રવિચંદ્રન અશ્વિને (Ravichandran Ashwin)આ વર્ષે એક મોટી સિદ્ધિ મેળવી છે. અશ્વિન આ વર્ષે ટેસ્ટ ક્રિકેટમાં ભારત તરફથી સૌથી વધારે રન કરનાર ટોપ-5 બેટ્સમેનમાં સામેલ થયો છે. અશ્વિને બીજી ટેસ્ટમાં અણનમ 42 રન બનાવીને આ વર્ષે સૌથી વધારે રન બનાવવાના મામલે વિરાટ કોહલી અને કેએલ રાહુલને પાછળ રાખી દીધા છે. રવિન્દ્ર જાડેજા ફક્ત ત્રણ મેચ રમીને બન્ને કરતા આગળી નીકળી ગયો છે.

અશ્વિન ટોપ-5 બેટ્સમેનોમાં સામેલ

ટેસ્ટમાં ભારતીય ટીમ તરફથી અશ્વિને 2022માં 6 મેચમાં 30ની એવરેજથી 270 રન બનાવ્યા છે. જ્યારે વિરાટ કોહલીએ 26.50ની એવરેજથી 265 રન બનાવ્યા છે. કેએલ રાહુલે 4 મેચમાં 17.12ની એવરેજથી 137 રન બનાવ્યા છે.

આ પણ વાંચો – બાંગ્લાદેશના સુપડા સાફ કર્યા પછી પણ ભારતનો રસ્તો નથી આસાન, ઓસ્ટ્રેલિયા સામે આટલા અંતરથી જીતવી પડશે શ્રેણી

ઋષભ પંત પ્રથમ નંબરે

આ વર્ષે ભારત માટે ટેસ્ટ ક્રિકેટમાં સૌથી વધારે રન બનાવવાના મામલે ઋષભ પંત પ્રથમ નંબરે છે. તેણે 61.81ની એવરેજથી 680 રન બનાવ્યા છે. આ દરમિયાન પંતે 2 સદી અને 4 અડધી સદી ફટકારી છે. શ્રેયસ ઐયરે આ વર્ષે 5 ટેસ્ટમાં 60.28ની એવરેજથી 422 રન બનાવ્યા છે. તેણે 4 અડધી સદી ફટકારી છે. ચેતેશ્વર પૂજારાએ 5 મેચમાં 45.44ની એવરેજથી 409 રન બનાવ્યા છે. જેમાં 1 સદી અને 3 અડધી સદી સામેલ છે. રવિન્દ્ર જાડેજાએ 3 મેચમાં 328 રન બનાવ્યા છે. જેમાં 2 સદી ફટકારી છે.

ભારતનો 2-0થી શ્રેણી વિજય

બાંગ્લાદેશ સામેની બીજી ટેસ્ટમાં ભારતે 3 વિકેટે વિજય મેળવ્યો હતો. આ સાથે ભારતે 2-0થી ટેસ્ટ શ્રેણી જીતી લીધી છે. ભારતને જીત માટે 145 રનનો લક્ષ્યાંક મળ્યો હતો. ભારતીય ટીમે 7 વિકેટ ગુમાવી લક્ષ્યાંક મેળવી લીધો હતો. અશ્વિને અણનમ 42 અને શ્રેયસ ઐયરે અણનમ 29 રન બનાવ્યા હતા.

Web Title: Ravichandran ashwin scored most runs in test cricket 2022 virat kohli and kl rahul behind

Best of Express