IPL 2024, RCB vs PBKS Highlights : આઈપીએલ 2024, વિરાટ કોહલીની અડધી સદી, આરસીબીએ પ્રથમ જીત મેળવી

રબાડા અને હરપ્રીત બ્રારે 2-2 વિકેટ ઝડપી. જ્યારે હર્ષલ પટેલ અને સેમ કરને 1-1 વિકેટ ઝડપી.

દિનેશ કાર્તિકના 10 બોલમાં 3 ફોર 2 સિક્સર સાથે અણનમ 28 રન. મહિપાલ લોમરોરના 8 બોલમાં 2 ફોર 1 સિક્સર સાથે અણનમ 17 રન.

વિરાટ કોહલીની અડધી સદી (77) અને દિનેશ કાર્તિક (28), મહિપાલ લોમરોરની (17) આક્રમક બેટિંગની મદદથી રોયલ ચેલેન્જર્સ બેંગલોરે આઈપીએલ 2024માં પંજાબ કિંગ્સ સામે 4 વિકેટે વિજય મેળવ્યો છે. પંજાબે 20 ઓવરમાં 6 વિકેટે 176 રન બનાવ્યા હતા. જવાબમાં બેંગલોરે 19.2 ઓવરમાં 6 વિકેટ ગુમાવી પડકાર મેળવી લીધો હતો. આરસીબીએ આઈપીએલ 2024માં પ્રથમ જીત નોંધાવી છે. જ્યારે પંજાબનો પ્રથમ પરાજય થયો છે.

દિનેશ કાર્તિકે ફોર ફટકારીને આરસીબીને 4 વિકેટે જીત અપાવી. આરસીબીએ 19.2 ઓવરમાં 6 વિકેટ ગુમાવી પડકાર મેળવી લીધો.

આરસીબીને અંતિમ 6 બોલમાં જીતવા માટે 10 રનની જરૂર. મેચ રોમાંચક બની.

આરસીબીને જીતવા માટે 12 બોલમાં 23 રનની જરૂર

અનુજ રાવત 14 બોલમાં 1 ફોર સાથે 11 રન બનાવી કરનની ઓવરમાં એલબી આઉટ થયો.

આરસીબીના 16 ઓવરમાં 5 વિકેટે 130 રન. જીતવા માટે 24 બોલમાં 47 રનની જરૂર

વિરાટ કોહલી 49 બોલમાં 11 ફોર 2 સિક્સર સાથે 77 રન બનાવી હર્ષલ પટેલની ઓવરમાં કેચ આઉટ થયો. આરસીબીએ 130 રને પાંચમી વિકેટ ગુમાવી.

ગ્લેન મેક્સવેલ 5 બોલમાં 3 રન બનાવી હરપ્રીત બ્રારની ઓવરમાં બોલ્ડ થયો. આરસીબીએ 103 રને ચોથી વિકેટ ગુમાવી.

રજત પાટીદાર 18 બોલમાં 1 ફોર 1 સિક્સર સાથે 18 રન બનાવી હરપ્રીત બ્રારનો શિકાર બન્યો.

વિરાટ કોહલીએ બાજી સંભાળતા 31 બોલમાં 8 ફોર 1 સિક્સર સાથે અડધી સદી ફટકારી.

કેમરૂન ગ્રીન 5 બોલમાં 3 રન બનાવી રબાડાનો બીજો શિકાર બન્યો. આરસીબીએ 43 રને બીજી વિકેટ ગુમાવી.

કેપ્ટન પ્લેસિસ 7 બોલમાં 3 રન બનાવી રબાડાની ઓવરમાં કેચ આઉટ થયો.

વિરાટ કોહલીએ સેમ કરનની પ્રથમ ઓવરમાં 4 ફોર સાથે 16 રન ફટકાર્યા.

આરસીબી તરફથી ગ્લેન મેક્સવેલ, સિરાજે 2-2 વિકેટ ઝડપી. જ્યારે યશ દયાલ અને જોસેફે 1-1 વિકેટ ઝડપી.

શશાંક સિંહ 8 બોલમાં 1 ફોર 2 સિક્સર સાથે 21 રને અને હરપ્રીત બ્રાર 2 રને અણનમ રહ્યા.

પંજાબ કિંગ્સના 20 ઓવરમાં 6 વિકેેટે 176 રન. આરસીબીને જીતવા માટે 177 રનનો પડકાર મળ્યો છે.

જિતેશ શર્મા 20 બોલમાં 1 ફોર 2 સિક્સર સાથે 27 રન બનાવી સિરાજની ઓવરમાં કેચ આઉટ થયો.

સેમ કરન 17 બોલમાં 3 ફોર સાથે 23 રન બનાવી યશ દયાલનો શિકાર બન્યો.

શિખર ધવન 37 બોલમાં 5 ફોર 1 સિક્સર સાથે 45 રન બનાવી મેક્સવેલનો શિકાર બન્યો. પંજાબે 150 રને પાંચમી વિકેટ ગુમાવી.

લિવિંગસ્ટોન 13 બોલમાં 1 ફોર 1 સિક્સર સાથે 17 રન બનાવી જોસેફનો શિકાર બન્યો.

પ્રભસિમરન સિંહ 17 બોલમાં 2 ફોર 2 સિક્સર સાથે 25 રન બનાવી મેક્સવેલની ઓવરમાં કેચ આઉટ થયો. પંજાબે 72 રને બીજી વિકેટ ગુમાવી.

પંજાબ કિંગ્સના 6 ઓવરમાં 1 વિકેટે 40 રન. શિખ ધવન 21 અને પ્રભસિમરન સિંહ 10 રને રમતમાં

જોની બેરસ્ટો 6 બોલમાં 2 ફોર સાથે 8 રન બનાવી મોહમ્મદ સિરાજની ઓવરમાં કેચ આઉટ થયો. પંજાબે 17 રને પ્રથમ વિકેટ ગુમાવી

પંજાબના શિખર ધવન અને જોની બેરસ્ટો ઓપનિંગમાં ઉતર્યા. પ્રથમ ઓવરમાં 7 રન ફટકાર્યા.

ફાફ ડુ પ્લેસિસ (કેપ્ટન), વિરાટ કોહલી, રજત પાટીદાર, ગ્લેન મેક્સવેલ, કેમેરોન ગ્રીન, દિનેશ કાર્તિક, અનુજ રાવત, અલ્ઝારી જોસેફ, મયંક ડાગર, મોહમ્મદ સિરાજ, યશ દયાલ.

શિખર ધવન (કેપ્ટન), જોની બેરસ્ટો, પ્રભસિમરન સિંહ, સેમ કરન, જીતેશ શર્મા , લિયામ લિવિંગસ્ટોન, શશાંક સિંહ, હરપ્રીત બ્રાર, હર્ષલ પટેલ, કાગીસો રબાડા, રાહુલ ચહર.

પંજાબ કિંગ્સ સામે રોયલ ચેલેન્જર્સ બેંગલોરના કેપ્ટન ફાફ ડુ પ્લેસિસે ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

24 માર્ચે બેંગલોરમાં દિવસ દરમિયાન હવામાન ક્લિન રહેશે. જોકે સાંજે આકાશ વાદળછાયું રહી શકે છે. વરસાદની કોઈ સંભાવના નથી. આવી સ્થિતિમાં ચાહકોને આખી 40 ઓવરની મેચ જોવા મળશે. મેચના સમયે તાપમાન 34 ડિગ્રીથી 27 ડિગ્રી વચ્ચે રહેશે.

બેંગલોરનું ચિન્નાસ્વામી સ્ટેડિયમ બેટ્સમેનો માટે સ્વર્ગ ગણાય છે. અહીની પીચ બેટ્સમેનો માટે અનુકૂળ છે. સ્ટેડિયમની પીચ પણ નાની છે, જેના કારણે પ્રશંસકોને અહીં મોટાભાગે રનનો વરસાદ જોવા મળે છે. જોકે જ્યારથી અહી નવી ડ્રેનેજ સિસ્ટમ લગાવવામાં આવી છે, ત્યારથી અહીં લો સ્કોરિંગ મેચો પણ જોવા મળી રહી છે. તાજેતરમાં પુરી થયેલી વિમેન્સ પ્રીમિયર લીગમાં બંને પ્રકારની મેચો જોવા મળી હતી. અહીં પીછો કરનારી ટીમને ફાયદો થયો છે.

આઈપીએલ 2024 ની છઠ્ઠી મેચમાં રોયલ ચેલેન્જર્સ બેંગલોર અને પંજાબ કિંગ્સ વચ્ચે મુકાબલો થશે. આ મેચ બેંગલોરના એમ ચિન્નાસ્વામી સ્ટેડિયમમાં રમાશે