સનરાઇઝર્સ હૈદરાબાદે 20 ઓવરમાં 287 રન બનાવ્યા, આઈપીએલમાં પોતાનો જ હાઇએસ્ટ સ્કોરનો રેકોર્ડ તોડ્યો

IPL Team Highest Innings Totals : આઈપીએલ 2024માં સનરાઇઝર્સ હૈદરાબાદે રોયલ ચેલેન્જર્સ બેંગલોર સામેની મેચમાં ઇતિહાસ રચી દીધો છે. હૈદરાબાદે 20 ઓવરમાં 3 વિકેટે 287 રન બનાવી આઈપીએલના ઇતિહાસનો સૌથી હાઇએસ્ટ સ્કોર નોંધાવ્યો છે. હૈદરાબાદે પોતાનો જ રેકોર્ડ તોડ્યો છે. આ પહેલા સનરાઇઝર્સ હૈદરાબાદે 2024માં મુંબઈ ઇન્ડિયન્સ સામે 20 ઓવરમાં 3 વિકેટે 277 રન બનાવ્યા હતા.

ટ્રેવિસ હેડની આઈપીએલમાં ચોથી ફાસ્ટેસ્ટ સદી

સનરાઇઝર્સ હૈદરાબાદના ઓપનર બેટ્સમેન ટ્રેવિસ હેડ આરસીબી સામે આક્રમક બેટિંગ કરીને સદી ફટકારી હતી. ટ્રેવિસ હેડે 39 બોલમાં ફોર સાથે સદી પુરી કરી હતી. હેડે આ મેચમાં 41 બોલમાં 8 સિક્સર અને 9 ફોરની મદદથી 102 રન બનાવ્યા હતા. આ હેડની આઈપીએલ ક્રિકેટ કારકિર્દીની પ્રથમ સદી છે.

હેડે 39 બોલમાં સદી ફટકારીને એબી ડિવિલિયર્સ અને ગિલક્રિસ્ટનો રેકોર્ડ તોડ્યો છે. ગિલક્રિસ્ટે 42 બોલમાં અને ડી વિલિયર્સે 43 બોલમાં સદી ફટકારી હતી. હેડ આ લીગમાં સૌથી ઝડપી સદી ફટકારનાર બેટ્સમેનોની યાદીમાં ચોથા નંબર પર પહોંચી ગયો છે. આઈપીએલમાં સૌથી ઝડપી સદી ફટકારવાનો રેકોર્ડ ક્રિસ ગેઇલના નામે છે. 2013માં ગેઇલે 30 બોલમાં સદી ફટકારી હતી.

આ પણ વાંચો - ટ્રેવિસ હેડે 39 બોલમાં સદી ફટકારી, ગિલક્રિસ્ટ અને ડી વિલિયર્સનો રેકોર્ડ તોડ્યો

આઈપીએલના ટોપ 5 હાઇએસ્ટ સ્કોર

ક્લાસેનની આક્રમક અડધી સદી

ટ્રેવિસ હેડની સદી સિવાય હેનરિચ ક્લાસેને પણ આક્રમક બેટિંગ કરી હતી. ક્લાસેને 31 બોલમાં 2 ફોર 7 સિક્સર સાથે 67 રન બનાવ્યા હતા. અભિષેક શર્માએ 34, એડન માર્કરામે અણનમ 32 અને અબ્દુલ શમદે અણનમ 37 રન ફટકાર્યા હતા.