T20 World Cup 2024, IND vs IRE Highlight : ટી 20 વર્લ્ડ કપ 2024, ભારતે જીત સાથે અભિયાનની શરૂઆત કરી, 12.2 ઓવરમાં પડકાર મેળવ્યો

રોહિત શર્મા ભારત તરફથી સૌથી વધારે ટી 20 મેચ જીતનાર કેપ્ટન બની ગયો છે. રોહિત શર્માએ 55 મેચમાં 42 મેચમાં જીત મેળવી છે. આ પહેલા આ રેકોર્ડ ધોનીના નામે હતો. ધોનીએ 72 મેચમાં 41 મેચમાં જીત મેળવી હતી,

ઋષભ પંત 26 બોલમાં 3 ફોર 2 સિક્સર સાથે 36 રન બનાવી અણનમ રહ્યો.

બોલરોના શાનદાર પ્રદર્શન બાદ રોહિત શર્માની અડધી સદી (52)ની મદદથી ભારતે ટી 20 વર્લ્ડ કપમાં આયર્લેન્ડ સામે 8 વિકેટે વિજય મેળવી જીત સાથે અભિયાનની શરૂઆત કરી છે. આયર્લેન્ડ 16 ઓવરમાં 96 રનમાં ઓલઆઉટ થઇ ગયું હતું. જવાબમાં ભારતે 12.2 ઓવરમાં 2 વિકેટ ગુમાવી પડકાર મેળવી લીધો હતો. ભારત હવે 9 જૂને પાકિસ્તાન સામે રમશે.

સૂર્યકુમાર યાદવ 4 બોલમાં 2 રન બનાવી બેન્જામિન વ્હાઇટની ઓવરમાં કેચ આઉટ થયો.

રોહિત શર્મા 37 બોલમાં 4 ફોર 3 સિક્સર સાથે 52 રન બનાવી રિટાયર્ડ હર્ટ થયો.

રોહિત શર્માની 36 બોલમાં 4 ફોર 3 સિક્સર સાથે અડધી સદી

ભારતે 7.5 ઓવરમાં 50 રન પુરા કર્યા.

વિરાટ કોહલી 5 બોલમાં 1 રન બનાવી માર્ક એડેરની ઓવરમાં કેચ આઉટ થયો.

રોહિત શર્મા અને વિરાટ કોહલી ઓપનિંગમાં ઉતર્યા. પ્રથમ ઓવરમાં 7 રન ફટકાર્યા.

ભારત તરફથી હાર્દિક પંડ્યાએ સૌથી વધારે 3 વિકેટ ઝડપી હતી. આ સિવાય અર્શદીપ સિંહ-બુમરાહે 2-2 વિકેટ, જ્યારે સિરાજ અને અક્ષર પટેલે 1-1 વિકેટ ઝડપી હતી.

આયર્લેન્ડ 16 ઓવરમાં 96 રનમાં ઓલઆઉટ. ભારતને જીતવા માટે 97 રનનો પડકાર મળ્યો.

ગેરેથ ડેલાની 14 બોલમાં 2 ફોર 2 સિક્સર સાથે 26 રન બનાવી રન આઉટ થયો.

જોશુઆ લિટલ 13 બોલમાં 2 ફોર સાથે 14 રન બનાવી બુમરાહની ઓવરમાં બોલ્ડ થયો.

બેરી મેકકાર્થી 6 બોલમાં ખાતું ખોલાયા વિના અક્ષર પટેલનો શિકાર બન્યો. આયર્લેન્ડે 50 રને આઠમી વિકેટ ગુમાવી.

આયર્લેન્ડે 11.1 ઓવરમાં 50 રન પુરા કર્યા.

માર્ક એડેર 2 બોલમાં 3 રન બનાવી હાર્દિક પંડ્યાની ઓવરમાં કેચ આઉટ થયો.

જ્યોર્જ ડોકરેલ 5 બોલમાં 3 રન બનાવી સિરાજની ઓવરમાં કેચ આઉટ થયો.

કર્ટિસ કેમ્ફર 8 બોલમાં 1 ફોર 1 સિક્સર સાથે 12 રન બનાવી હાર્દિક પંડ્યાની ઓવરમાં કેચ આઉટ થયો.

હેરી ટેક્ટર 16 બોલમાં 4 રન બનાવી બુમરાહની ઓવરમાં કેચ આઉટ થયો. આયર્લેન્ડે 36 રનમાં 4 વિકેટ ગુમાવી.

લોર્કન ટકર 13 બોલમાં 2 ફોર સાથે 10 રન બનાવી હાર્દિક પંડ્યાની ઓવરમાં બોલ્ડ થયો.

પોલ સ્ટર્લિંગ 6 બોલમાં 2 રન બનાવી અર્શદીપ સિંહની ઓવરમાં કેચ આઉટ થયો. આયર્લેન્ડે 9 રને બીજી વિકેટ ગુમાવી.

એન્ડ્રુ બાલ્બિર્ની 10 બોલમાં 1 ફોર સાથે 5 રન બનાવી અર્શદીપ સિંહની ઓવરમાં બોલ્ડ થયો.

પોલ સ્ટર્લિંગ (કેપ્ટન), એન્ડ્રુ બાલ્બિર્ની, લોર્કન ટકર, હેરી ટેક્ટર, કર્ટિસ કેમ્ફર, જ્યોર્જ ડોકરેલ, ગેરેથ ડેલાની, માર્ક એડેર, બેરી મેકકાર્થી, જોશુઆ લિટલ, બેન્જામિન વ્હાઇટ

રોહિત શર્મા (કેપ્ટન), વિરાટ કોહલી, ઋષભ પંત, સૂર્યકુમાર યાદવ, શિવમ દુબે, હાર્દિક પંડ્યા, રવિન્દ્ર જાડેજા, અક્ષર પટેલ, જસપ્રીત બુમરાહ, અર્શદીપ સિંહ, મોહમ્મદ સિરાજ

ટી 20 વર્લ્ડ કપમાં આયર્લેન્ડ સામેની મેચમાં ભારતના કેપ્ટન રોહિત શર્માએ ટોસ જીતીને પ્રથમ ફિલ્ડિંગ કરવાનો નિર્ણય કર્યો છે.

નાસાઉમાં અત્યાર સુધી માત્ર એક જ સત્તાવાર મેચ રમાઈ છે. તે મેચ શ્રીલંકા અને દક્ષિણ આફ્રિકા વચ્ચે હતી. તે મેચમાં શ્રીલંકાની ટીમ માત્ર 77 રનમાં જ ઓલઆઉટ ગઈ હતી. જેના જવાબમાં દક્ષિણ આફ્રિકાએ પણ રન બનાવવા માટે સંઘર્ષ કર્યો હતો. જોકે તેણે 17મી ઓવરમાં 4 વિકેટ ગુમાવીને આ લક્ષ્યાંક હાંસલ કરી લીધો હતો. મેચમાં ફાસ્ટ બોલરોએ 9 માંથી 7 વિકેટ ઝડપી હતી. આફ્રિકા તરફથી એનરિચ નોર્ટ્જે સૌથી સફળ બોલર રહ્યો હતો. તેણે માત્ર સાત રન આપીને 4 વિકેટ ઝડપી હતી.

રોહિત શર્મા એન્ડ કંપની બીજી વખત નાસાઉ કાઉન્ટી ઈન્ટરનેશનલ ક્રિકેટ સ્ટેડિયમમાં ઉતરશે. આ પહેલા તે 1 જૂને બાંગ્લાદેશ સામે પ્રેક્ટિસ મેચ રમ્યા હતા. ટીમ આ મેદાન પર પાકિસ્તાન અને અમેરિકા સામે પણ મેચ રમશે. આ મેદાનની પીચ ધીમી છે. મેદાન પર બેટ્સમેનો માટે પડકાર સ્લો આઉટ ફિલ્ડ છે. ગ્રાઉન્ડેડ શોટ પર બોલને બાઉન્ડ્રી પાર મોકલવો સરળ રહેશે નહીં.

ભારતીય ટીમ આજે આયર્લેન્ડ સામે મેચ રમી ટી 20 વર્લ્ડ કપમાં પોતાના અભિયાનની શરૂઆત કરશે. આ મેચ ન્યૂયોર્કના નાસાઉ કાઉન્ટી ઇન્ટરનેશનલ ક્રિકેટ સ્ટેડિયમમાં રમાશે. આ મેચ ભારતીય સમયાનુસાર રાત્રે 8 વાગ્યાથી રમાશે.