Team India Victory Parade : ટીમ ઇન્ડિયાની વિજય પરેડ, રોહિત શર્માએ કહ્યું – ટી 20 વર્લ્ડ કપ ટ્રોફી આખા દેશને સમર્પિત

વિરાટ કોહલીએ સ્ટેડિયમમાં હાજર તમામ પ્રશંસકોનો આભાર માન્યો હતો અને કહ્યું હતું કે ફાઈનલ બાદ અમે બાર્બાડોસમાં ફસાયેલા હતા અને શક્ય તેટલી વહેલી તકે ભારત પહોંચવા માંગતા હતા. બુમરાહ વિશે કોહલીએ કહ્યું કે તેણે ફાઇનલમાં જે રીતે બોલિંગ કરી તે અદ્ભુત હતી. વર્લ્ડ કપ જીતવો ખૂબ જ ખાસ છે. કોહલીએ કહ્યું કે જ્યારે અમે 2011માં વનડે વર્લ્ડ કપ જીત્યો ત્યારે તે અદ્ભુત હતું. તે સચિનનો છેલ્લો વર્લ્ડ કપ હતો અને અમે તેને મેદાન પર ઉતાર્યો હતો તેમને મેદાનમાં ફેરવ્યા હતા. આ વખતે હું અને રોહિત સિનિયર ખેલાડીઓ હતા અને અમે જીતવા માગતા હતા. મેં રોહિતને છેલ્લા 15 વર્ષમાં પહેલીવાર મેદાન પર ભાવુક થતા જોયો. તે અને હું બંને બન્ને રડતા હતા અને તે અમારા માટે ઘણું સ્પેશ્યલ હતું. આટલા વર્ષોમાં અમારો ઉદ્દેશ્ય દેશ માટે વર્લ્ડ કપ જીતવાનો હતો અને તે થયું છે.

વાનખેડે સ્ટેડિયમમાં રોહિત શર્મા અને વિરાટ કોહલી સહિત ભારતીય ક્રિકેટરોએ ડાન્સ કરીને પ્રશંસકોને ખુશ કરી દીધા હતા.

BCCIના અધિકારીઓએ મુંબઈના વાનખેડે સ્ટેડિયમમાં ટીમ ઈન્ડિયાને 125 કરોડ રૂપિયાનો ચેક અર્પણ કર્યો હતો. BCCI ટી 20 વર્લ્ડ કપ જીત્યા પછી ભારત માટે 125 કરોડ રૂપિયાની ઈનામી રકમની જાહેરાત કરી હતી.

રોહિત શર્મા મેદાનમાં પહોંચતા જ ચાહકોનો અવાજ ચારેબાજુથી ગુંજી ઉઠ્યો હતો. રોહિતને બોલવા માટે રાહ જોવી પડી. રોહિત શર્માએ સૌનો આભાર માન્યો હતો. તેણે કહ્યું કે આ ટ્રોફી સમગ્ર દેશ માટે છે. દેશ માટે ટ્રોફી જીતવી એ ખૂબ જ ગર્વની વાત છે. તેણે સમગ્ર દેશ અને ક્રિકેટ ચાહકોનો આભાર માન્યો હતો.

વિજય પરેડ પછી ભારતીય ટીમની વાનખેડે સ્ટેડિયમમાં ઉજવણી. સ્ટેડિયમમાં ખેલાડીઓએ ડાન્સ કર્યો.

ટીમ ઇન્ડિયા વિજય પરેડ પછી વાનખેડે સ્ટેડિયમમાં પહોંચી. જ્યાં ટીમનું સ્વાગત કરવામાં આવશે.

રોહિત શર્મા અને વિરાટ કોહલીએ ટી 20 વર્લ્ડ કપ 2024ની ટ્રોફી ઉપાડી અને વિજય પરેડ જોવા ભેગા થયેલા ચાહકોને બતાવી હતી.

મુંબઈમાં ટી 20 વર્લ્ડ ચેમ્પિયન ટીમ ઇન્ડિયાની વિજય પરેડ શરુ થઇ ગઇ છે. પરેડનું સમાપન વાનખેડે સ્ટેડિયમમાં થશે.

મુંબઈના વાનખેડે સ્ટેડિયમમાં સ્ટેજ તૈયાર કરી દેવામાં આવ્યું છે. ભારતીય ખેલાડીઓનું સન્માન કરવામાં આવશે.

મુંબઈમાં મરીન ડ્રાઈવ પર લોકોની ભીડ જોવા મળી રહી છે. કહેવામાં આવી રહ્યું છે કે ત્યાં લગભગ 3 લાખ લોકો હાજર છે. આ દરમિયાન ટી20 વર્લ્ડ કપ વિજેતા ટીમ ઈન્ડિયાના ખેલાડીઓ મુંબઈ એરપોર્ટથી નીકળીને ખુલ્લી બસમાં સવાર થઈ ગયા છે. બસ મુંબઈ એરપોર્ટથી નીકળી ગઈ છે.

ટી20 વર્લ્ડ કપ ચેમ્પિયન ટીમ ઈન્ડિયાની ‘વિજય રથ’ બસ ભીડમાં ફસાઈ ગઈ છે. પોલીસ કર્મચારીઓએ ભીડને વિખેરી અને બસને મરીન ડ્રાઈવ સુધી જવાનો રસ્તો કર્યો હતો.

ટીમ ઇન્ડિયાના પ્લેનનું આવી રીતે સ્વાગત કરવામાં આવ્યું હતું.

ભારતીય ક્રિકેટર્સ દિલ્હીથી મુંબઈ પહોંચી ગયા છે. થોડીવારમાં વિજય પરેડ શરૂ કરવામાં આવશે.

ટીમ ઇન્ડિયાની સ્વાગત માટે મુંબઈના મરીન ડ્રાઇવ પર મોટી સંખ્યામાં ક્રિકેટ પ્રશંસકો ઉમટી પડ્યા છે.

ક્રિકેટ ચાહકો ટીમ ઈન્ડિયાના આગમનની રાહ જોઈને મુંબઈના વાનખેડે સ્ટેડિયમની બહાર ઉજવણી કરી રહ્યા છે. ચેમ્પિયનની વિજય પરેડ આજે સાંજે મરીન ડ્રાઈવથી વાનખેડે સ્ટેડિયમ સુધી કાઢવામાં આવશે.

ભારતીય ક્રિકેટ ટીમ ટી 20 વર્લ્ડ કપ 2024માં ચેમ્પિયન બનીને સ્વદેશ પરત ફરી છે. ટીમ ઇન્ડિયાની વિજય પરેડ મુંબઈમાં યોજાશે. ચેમ્પિયન ટીમની વિજય પરેડ સાંજે મરીન ડ્રાઈવથી વાનખેડે સ્ટેડિયમ સુધી કાઢવામાં આવશે. ટીમની એક ઝલક જોવા માટે મોટી સંખ્યામાં પ્રશંસકો રસ્તા પર ઉતરી પડ્યા છે.