ટી 20 ક્રિકેટમાં સૌથી વધારે બાઉન્ડ્રી ફટકારનાર ટોપ 5 પ્લેયર્સ, જાણો રોહિત શર્મા અને વિરાટ કોહલી કયા સ્થાને

Most boundaries in T20 Cricket : જ્યારે આપણે ટી-20 ક્રિકેટની વાત કરીએ તો સૌથી વધુ ફોર-સિક્સરની યાદ આવે છે, જે આ ફોર્મેટમાં ઘણી જોવા મળે છે. ફટાફટ ક્રિકેટની સુંદરતા પણ કદાચ આના પરથી જ છે અને ક્રિકેટ ચાહકો પણ ક્રિકેટના ટૂંકા ફોર્મેટમાં બાઉન્ડ્રી જોવાનું પસંદ કરે છે.

ટી-20 ક્રિકેટમાં એવા બેટ્સમેનોની કમી નથી કે જેઓ પોતાની પાવર હિટિંગ માટે જાણીતા છે અને તેઓ મેદાન પર ઉતરતાની સાથે જ ઘણી બાઉન્ડ્રી પણ લગાવી દે છે. આ ફોર્મેટમાં આક્રમક બેટ્સમેનોની કોઇ કમી નથી, પરંતુ તમને જણાવી દઈએ કે આ ફોર્મેટમાં સૌથી વધુ બાઉન્ડ્રી ફટકારનારા 5 સૌથી ખુંખાર બેટ્સમેન કોણ-કોણ છે.

ક્રિસ ગેલે સૌથી વધુ બાઉન્ડ્રી ફટકારી છે

ક્રિસ ગેલ ટી-20 ક્રિકેટના સૌથી ખતરનાક બેટ્સમેનોમાંથી એક રહ્યો છે અને તે બોલરોની નિર્દયતાથી પીટાઇ કરવા માટે જાણીતો છે. ગેલ આ ફોર્મેટમાં સૌથી વધુ બાઉન્ડ્રી ફટકારનાર બેટ્સમેન રહ્યો છે. તે 2188 બાઉન્ડ્રી સાથે આ યાદીમાં પ્રથમ સ્થાને છે. ઇંગ્લેન્ડનો એલેક્સ હેલ્સ આ ફોર્મેટમાં અત્યાર સુધીમાં 1949 બાઉન્ડ્રી સાથે બીજા ક્રમે છે. ડેવિડ વોર્નર 1702 અને કિરોન પોલાર્ડ 1699 બાઉન્ડ્રી સાથે ત્રીજા અને ચોથા નંબર પર છે.

આ પણ વાંચો - જય શાહ આઈસીસીના સૌથી યુવા ચેરમેન બન્યા

રોહિત શર્મા પાંચમા અને કોહલી 7માં ક્રમે

ટી-20 ફોર્મેટમાં સૌથી વધુ બાઉન્ડ્રી ફટકારનાર બેટ્સમેનોની યાદીમાં ટીમ ઈન્ડિયાના ભૂતપૂર્વ ટી-20 કેપ્ટન રોહિત શર્માએ અત્યાર સુધીમાં ટી-20 ફોર્મેટમાં 1594 બાઉન્ડ્રી ફટકારી છે. જ્યારે તેના પછી છઠ્ઠા નંબર પર જોસ બટલર છે, જેના નામે અત્યાર સુધીમાં 1572 બાઉન્ડ્રી નોંધાયેલી છે. આ યાદીમાં વિરાટ કોહલી સાતમા ક્રમે છે, જેણે ક્રિકેટના આ ફોર્મેટમાં કુલ 1560 બાઉન્ડ્રી ફટકારી છે. આ યાદીમાં પૂર્વ કાંગારુ કેપ્ટન એરોન ફિંચ 1547 બાઉન્ડ્રી સાથે 8માં સ્થાને છે.

ટી-20 ક્રિકેટમાં સૌથી વધુ બાઉન્ડ્રી ફટકારનાર ટોપ 5 ખેલાડીઓ

• 2188 – ક્રિસ ગેલ
• 1949 – એલેક્સ હેલ્સ
• 1702 – ડેવિડ વોર્નર
• 1699 – કિરોન પોલાર્ડ
• 1594 – રોહિત શર્મા