અમદાવાદમાં પ્રથમ વખત અલ્ટિમેટ ટેબલ ટેનિસ સિઝન યોજાશે, દેશ-વિદેશના દિગ્ગજો રમતા જોવા મળશે

Ultimate Table Tennis Season 6 : અલ્ટિમેટ ટેબલ ટેનિસ સિઝન 6ની શરૂઆત 31 મે થી થઇ રહી છે. જેમાં ટોચના ભારતીય અને આંતરરાષ્ટ્રીય સ્ટાર્સ ભાગ લેશે. પ્રથમ દિવસે બે મુકાબલા થશે. પ્રથમ મેચમાં દબંગ દિલ્હી ટીટીસીનો મુકાબલો જયપુર પેટ્રિઓટ્સ સાથે થશે. જ્યારે બીજી મેચમાં ડેમ્પો ગોવા ચેલેન્જર્સ અમદાવાદ એસજી પાઇપર્સ સાથે ટકરાશે. લીગના 16 દિવસોમાં 23 મેચ રમાશે. 15 જૂનના રોજ ગ્રાન્ડ ફિનાલે રમાશે. આ સિઝન અમદાવાદના એકેએ એરેના ખાતે યોજાશે.

લીગમાં સૌથી આકર્ષક ભારતની ટોચની ક્રમાંકિત રાષ્ટ્રીય મહિલા ખેલાડી દિયા ચિતાલે છે, જે આ સિઝનમાં સૌથી વધુ મૂલ્યવાન ભારતીય ખેલાડી તરીકે પરત ફરી છે. દિયા ચિતાલેએ કહ્યું હતું કે જ્યારે UTT ની પહેલી સિઝન થઈ ત્યારે હું સ્ટેન્ડમાં ખૂબ જ ઉત્સાહથી એક્શન જોઈ રહી હતી. લીગ શરૂ થઈ ત્યારથી હું તેના માટે ખૂબ જ ઉત્સાહિત છું અને હંમેશા તેમાં રમવા માંગતી હતી. મને 2023માં મારી તક મળી અને તે ખૂબ જ રોમાંચક રહ્યું છે. દર વર્ષે, હું તે ક્યારે બનશે તેની દિયા લીગમાં દબંગ દિલ્હીનું પ્રતિનિધિત્વ કરશે.

આ સિઝનમાં 14 દેશોના 48 ખેલાડીઓ ભાગ લેશે

ટેબલ ટેનિસ ફેડરેશન ઓફ ઈન્ડિયા (TTFI) ના નેજા હેઠળ આ ટૂર્નામેન્ટ આયોજિત થઇ રહી છે. આ સિઝનમાં 14 દેશોના 48 ખેલાડીઓ ભાગ લેશે, જેમાં 16 ઓલિમ્પિયનનો સમાવેશ થશે, જે ટૂર્નામેન્ટની મજબૂત આંતરરાષ્ટ્રીય હાજરીને ઉજાગર કરશે.

હરમીત દેસાઇએ કહ્યું - પહેલી વાર છે જ્યારે અમે ગુજરાતમાં રમી રહ્યા છીએ

આ વર્ષની શરૂઆત ડિફેન્ડિંગ ચેમ્પિયન હરમિત દેસાઈ માટે ખાસ છે, જે UTT ઇતિહાસમાં પ્રથમ વખત પોતાના ગૃહ રાજ્ય ગુજરાતમાં ડેમ્પો ગોવા ચેલેન્જર્સનું પ્રતિનિધિત્વ કરશે. હરમીત દેસાઇએ કહ્યું કે આ પહેલી વાર છે જ્યારે અમે ગુજરાતમાં રમી રહ્યા છીએ, તે પણ અમદાવાદમાં, અને મને તેનો આનંદ છે. હું ગુજરાતની છું, હું અહીં જન્મ્યો અને ઉછર્યો છું, તેથી મને ઘણો ટેકો મળશે તેવી આશા છે. યુવાનો માટે પણ આ એક સારી તક હશે, જ્યાં તેઓ આંતરરાષ્ટ્રીય ખેલાડીઓ સાથે વાતચીત કરી શકે છે અને શીખી શકે છે.

આ પણ વાંચો - આઈપીએલ 2025 એલિમિનેટર મેચ લાઇવ અપડેટ્સ

લીગ યુવાનો પર પણ ધ્યાન કેન્દ્રિત કરે છે. આ સિઝનમાં 25 વર્ષથી ઓછી ઉંમરના 25 ભારતીય ખેલાડીઓ ભાગ લઈ રહ્યા છે. તેમાં અંકુર ભટ્ટાચાર્ય, પાયસ જૈન, અભિનંદન પીબી, તનીશા કોટેચા, સયાલી વાની અને યશસ્વિની ઘોરપડે જેવા આશાસ્પદ નામો છે, જે બધા મોટા મંચ પર પોતાની છાપ છોડવા માટે ઉત્સુક છે.

લીગના વધતા પ્રભાવ પર પ્રતિબિંબ પાડતા યશસ્વિનીએ કહ્યું કે યુટીટીએ ભારતીય ટેબલ ટેનિસ માટે એક મજબૂત પાયો નાખ્યો છે. અમે વિશ્વ રેન્કિંગમાં ઝડપથી આગળ વધી રહ્યા છીએ, અને બાકીના દેશોએ અમને એક દાવેદાર તરીકે જોવાનું શરૂ કર્યું છે. તે એક મોટી સિદ્ધિ છે અને ભારતીય ટીટી માટે એક મોટું પગલું છે.

14 દેશોના ખેલાડીઓ રમતા જોવા મળશે

આ વર્ષે યુટીટીમાં ભારતની બહાર 14 દેશોના પેડલર્સ જોવા મળે છે, જેમાં જર્મની, ઇટાલી, ચીન, નાઇજીરીયા, પ્યુઅર્ટો રિકો, કઝાકિસ્તાન, ઇજિપ્તનો સમાવેશ થાય છે. આ વર્ષે ઘણા હાઇ-પ્રોફાઇલ આંતરરાષ્ટ્રીય પેડલરો યુટીટીમાં પ્રવેશ કરી રહ્યા છે, જેમાં ઇજિપ્તના દિના મેશરેફ, જર્મનીના રિકાર્ડો વોલ્થર અને યુએસએના કનક ઝાનો સમાવેશ થાય છે.

યુટીટી સિઝન 6 ની બધી મેચ સ્ટાર સ્પોર્ટ્સ ખેલ અને સ્ટાર સ્પોર્ટ્સ તમિલ પર ટેલિવિઝન પર પ્રસારિત કરવામાં આવશે અને જિયોહોટસ્ટાર પર ઓનલાઈન સ્ટ્રીમ કરવામાં આવશે. લીગની ટિકિટ ફક્ત BookMyShow પર ઓનલાઈન ઉપલબ્ધ છે.