Who is Jemimah Rodrigues : જેમિમા રોડ્રિગ્ઝની શાનદાર અણનમ 127 રનની મદદથી ભારતે ગુરુવારે ડીવાય પાટિલ સ્ટેડિયમમાં ઓસ્ટ્રેલિયાને 5 વિકેટે હરાવીને મહિલા વન ડે વર્લ્ડ કપની ફાઇનલમાં પ્રવેશ કર્યો હતો. જીતવા માટેના 339 રનના વિશાળ ટાર્ગેટનો પીછો કરવા ઉતરેલી ભારતની શરુઆત ખૂબ જ કંગાળ રહી હતી. આ પછી જેમિમા અને હરમનપ્રીતે બાજી સંભાળી હતી.
જેમિમા રોડ્રિગ્ઝ ઓસ્ટ્રેલિયાની સામે પહાડની જેમ ઊભી રહી
આ પછી કેપ્ટન હરમનપ્રીત કૌરે 88 બોલમાં 89 રન બનાવ્યા હતા અને જેમીમા સાથે 167 રનની ભાગીદારી કરીને ભારતને મજબુત સ્થિતિમાં પહોંચાડ્યું હતું. હરમનના આઉટ થયા બાદ દીપ્તિ શર્માએ 17 બોલમાં 24 અને રિચા ઘોષે 16 બોલમાં 26 રન બનાવ્યા હતા. બંનેની વિકેટ નિર્ણાયક સમયે પડી હતી, પરંતુ એક તરફ જેમિમા ઓસ્ટ્રેલિયા અને ફાઈનલ વચ્ચે પહાડની જેમ ઉભી રહી હતી અને ટીમને જીત અપાવી હતી.
જેમિમા રોડ્રિગ્ઝની શૂન્યથી સદી સુધીની સફર
જેમિમા રોડ્રિગ્ઝે શૂન્ય પર આઉટ થઇને વર્લ્ડ કપની ખરાબ શરૂઆત કરી હતી. લીગ સ્ટેજમાં તેને ઇંગ્લેન્ડ સામેની મેચમાં બેન્ચ પર બેસાડવામાં આવી હતી. પરંતુ જ્યારે તેને વાપસી કરવાની તક મળી ત્યારે તેણે ન્યૂઝીલેન્ડ સામે નંબર 3 પર અડધી સદી ફટકારીને પોતાનું સ્થાન નિશ્ચિત કર્યું હતું. આ પછી ઓસ્ટ્રેલિયા સામે સદી ફટકારીને તેણે ભારતને વનડે ક્રિકેટમાં સૌથી મોટો સ્કોર મેળવવામાં મદદ કરી હતી અને ભારતને ફાઇનલમાં પહોંચાડ્યું છે.
બહુમુખી પ્રતિભા છે જેમિમા
મુંબઈના ભાંડુપમાં જન્મેલી જેમિમા બહુમુખી પ્રતિભાની ધની છે. ક્રિકેટ સિવાય તેણે હોકી, બાસ્કેટબોલ અને ફૂટબોલમાં પણ હાથ અજમાવ્યો છે. તેણે માત્ર 13 વર્ષની ઉંમરે મુંબઈની મહિલા અંડર -19 ક્રિકેટ ટીમમાં સ્થાન મેળવ્યું હતું. તેણે 18 વર્ષની ઉંમરે ભારત માટે ડેબ્યૂ કર્યું હતું. તેણે તેના ટી 20 વર્લ્ડ કપની પ્રથમ જ મેચમાં અડધી સદી ફટકારી હતી.
આ પણ વાંચો – મહિલા વર્લ્ડ કપ, જેમિમાહ રોડ્રિગ્સની લડાયક સદી, ભારતનો ફાઇનલમાં પ્રવેશ
નેશનલ લેવલની હોકી ખેલાડી
રોડ્રિગ્સ 2012-13 સિઝનમાં મુંબઈ અંડર -19 ક્રિકેટમાં ડેબ્યૂ કરતા પહેલા સ્કૂલ લેવલ સુધી બાસ્કેટબોલ અને ફૂટબોલ રમી હતી. ક્રિકેટમાં કારકિર્દી બનાવવાનું નક્કી કરતા પહેલા તે નેશનલ લેવલની હોકી ખેલાડી પણ હતી. 2017માં તે સ્મૃતિ મંધાના પછી ઘરેલું અંડર -19 વનડે ટ્રોફીમાં બેવડી સદી ફટકારનારી બીજી ભારતીય મહિલા બની હતી. તેણે સૌરાષ્ટ્ર સામે અણનમ 202 રન બનાવ્યા હતા.
આ રીતે ભારતીય ટીમે ટીમમાં સ્થાન બનાવ્યું
રોડ્રિગ્સે તે સિઝનમાં શાનદાર પ્રદર્શન કર્યું હતું. તેણે અંડર 19 ક્રિકેટમાં 112.56 ની સરેરાશથી 1000 થી વધુ રન બનાવ્યા હતા અને તેની ઓફ સ્પિનથી 19 વિકેટ ઝડપી હતી. આ સિવાય તેણે ચેલેન્જર ટ્રોફી અને ઈન્ડિયા-એ માટે પણ સારું પ્રદર્શન કર્યું હતું. આ બધાનું પરિણામ એ આવ્યું કે 2018ની શરૂઆતમાં દક્ષિણ આફ્રિકા પ્રવાસ માટે તેની પ્રથમ વખત ભારતની વન ડે ટીમમાં પસંદગી કરવામાં આવી હતી. તે પછી તેણે ટી 20 વર્લ્ડ કપમાં ડેબ્યૂમાં અડધી સદી ફટકારી હતી.
પરિવારના નિર્ણયને યોગ્ય સાબિત કર્યો
2018ની શરૂઆતમાં રોડ્રિગ્ઝે ભારત માટે વન ડે અને ટી 20 ડેબ્યૂએ પરિવાર માટે વધુ સારી રમતગમતની સુવિધાઓ માટે મુંબઈના મધ્યમાં સ્થિત ભાંડુપથી પશ્ચિમમાં સ્થિત બાંદ્રામાં સ્થળાંતર કરવાના નિર્ણયને યોગ્ય સાબિત કર્યો હતો. તેના પિતા ઇવાન ક્રિકેટના પાઠ શીખવે છે.
