વર્લ્ડ કપ 2023 : શુભમન ગિલ ચેન્નાઇથી અમદાવાદની ઉડાન ભરશે, મેડિકલ ટીમને જલ્દી સાજો થાય તેવી આશા

IND vs PAK : ભારતીય ક્રિકેટ ટીમ અને તેના ચાહકો માટે એક સારા સમાચાર છે. ટીમનો યુવા સ્ટાર પ્લેયર શુભમન ગિલ હવે ડેન્ગ્યુમાંથી સાજો થઈ રહ્યો છે અને ટૂંક સમયમાં જ એક્શનમાં જોવા મળશે. ભારતે તેની પ્રથમ મેચ ઓસ્ટ્રેલિયા સામે ચેન્નાઈમાં રમી હતી. શુભમન ગિલને ચેન્નાઈની જ હોસ્પિટલમાં દાખલ કરવામાં આવ્યો હતો. બાકીની ટીમ દિલ્હી પહોંચી હતી પરંતુ ગિલ ચેન્નાઈમાં હતો. હવે જો રિપોર્ટ્સનું માનીએ તો ગિલ અમદાવાદથી ચેન્નાઈ જવા રવાના થશે. અફઘાનિસ્તાન બાદ ભારતે તેની આગામી મેચ 14 ઓક્ટોબરે પાકિસ્તાન સામે અમદાવાદમાં રમશે.

શુભમન ગિલ અમદાવાદ જશે

ન્યૂઝ18ના સમાચાર અનુસાર, BCCIની મેડિકલ ટીમના એક સૂત્રએ જણાવ્યું કે ગિલ બુધવારે કોમર્શિયલ ફ્લાઈટમાં ચેન્નાઈથી અમદાવાદથી જવા રવાના થશે. ગિલ બીસીસીઆઈની મેડિકલ ટીમની દેખરેખમાં રહેશે. સૂત્રે વધુમાં કહ્યું કે શુભમન ગિલ રિકવરીના માર્ગ પર છે. તે 70-80 ટકા રિકવર થયો છે. તે ક્યારે પુનરાગમન કરશે તે અત્યારે કહેવું મુશ્કેલ છે પરંતુ હાલ સ્થિતિ સારી દેખાઈ રહી છે.

આ પણ વાંચો - વર્લ્ડ કપ કવર કરવા આવેલી પાકિસ્તાનની એેન્કર ઝૈનબ અબ્બાસને ભારતમાંથી હાંકી કાઢી, જાણો કેમ

શુભમન ગિલ સ્વસ્થ થઈ રહ્યો છે

ટીમ ઈન્ડિયાના બેટિંગ કોચ વિક્રમ રાઠોડે પણ મંગળવારે કહ્યું કે ગિલ સારી રીતે સ્વસ્થ થઈ રહ્યો છે. હા, તેને હોસ્પિટલમાં દાખલ કરવામાં આવ્યો હતો પરંતુ પરિસ્થિતિ બહુ ગંભીર ન હતી. તે હોટલના રૂમમાં પાછો આવ્યો છે. તે ટૂંક સમયમાં ટીમમાં પરત ફરશે.

BCCI શુભમન ગિલને સંપૂર્ણ સમય આપશે

બીસીસીઆઈએ કહ્યું છે કે શુભમન ગિલને તેનો પૂરો સમય આપવામાં આવશે જેથી તે મેચ પહેલા સંપૂર્ણ રીતે ફિટ થઈ શકે. સૂત્રોએ કહ્યું કે તેના સ્થાને બીજા ખેલાડીને વિચારવાનો પ્રશ્ન જ નથી. ગિલની તબિયતમાં સુધારો થઈ રહ્યો છે, તે ટૂંક સમયમાં પુનરાગમન કરી શકે છે. તમે જુઓ કે ઓસ્ટ્રેલિયા ટ્રેવિસ હેડ સાથે શું કરી રહ્યું છે. માથામાં પણ ઈજા થઈ છે, છતાં તેને ટીમમાંથી બહાર કરવામાં આવ્યો નથી. સ્વસ્થ થવા માટે પૂરો સમય આપવામાં આવી રહ્યો છે. ગિલ અમારા માટે મહત્ત્વનો ખેલાડી રહ્યો છે, તે ખૂબ સારું પ્રદર્શન કરી રહ્યો છે.