WPL 2026​ Players Auction LIVE : વિમેન્સ પ્રીમિયર લીગ 2026 હરાજી, શ્રી ચરણીને દિલ્હી કેપિટલ્સે 1.30 કરોડમાં ખરીદી

રાધા યાદવને આરસીબીએ 65 લાખ રુપિયામાં ખરીદી. તેની બેઝ પ્રાઇઝ 30 લાખ રુપિયા હતી. હરલીન દેઓલને યૂપી વોરયર્સે 50 લાખ રુપિયાની બેઝ પ્રાઇઝમાં ખરીદી.

દક્ષિણ આફ્રિકાની નાદિન ડી ક્લાર્કને 65 લાખ રુપિયામાં આરસીબીએ પોતાની ટીમમાં સામેલ કરી છે. તેની બેઝ પ્રાઇઝ 30 લાખ રુપિયા હતી. ભારતની સ્નેહ રાણાને દિલ્હી કેપિટલ્સે 50 લાખ રુપિયામાં ખરીદી. તેની બેઝ પ્રાઇઝ 30 લાખ રુપિયા હતી.

ભારતની શ્રી ચરણીને દિલ્હી કેપિટલ્સે 1.30 કરોડ રુપિયામાં ખરીદી છે. યૂપી વોરિયર્સે પણ રસ દાખવ્યો હતો. 30 લાખની બેઝ પ્રાઇઝ હતી.

ઓસ્ટ્રેલિયાની ઓલરાઉન્ડર ગ્રેસ હેરિસ અનસોલ્ડ રહી. વેસ્ટ ઇન્ડીઝની ઓલરાઉન્ડર ચિનેલ હેનરીને દિલ્હી કેપિટલ્સે 1.30 કરોડ રુપિયામાં ખરીદી.

40 લાખની બેઝ પ્રાઇસ વાળી કિરણ નવગીરેને રોયલ ચેલેન્જર્સ બેંગ્લોરે ખરીદી. યૂપી વોરિયર્સે રાઇટ ટુ મેચ કાર્ડનો ઉપયોગ કર્યો. આરસીબીએ બોલી વધારીને 60 લાખ રુપિયા કરી. આ પછી યૂપી વોરિયર્સે 60 લાખમાં ખરીદી.

40 લાખની બેઝ પ્રાઇસ વાળી ઓસ્ટ્રેલિયાની જોર્જિયા વોલને રોયલ ચેલેન્જર્સ બેંગ્લોરે 60 લાખ રુપિયામાં પોતાની સાથે જોડી. યૂપી વોરિયર્સે રાઇટ ટુ મેચ કાર્ડનો ઉપયોગ ના કર્યો.

દક્ષિણ આફ્રિકાની ઓપનર તાજમિન બિટ્સ અનસોલ્ડ રહી. ઓસ્ટ્રેલિયાની ફિબી લિચફિલ્ડને 1.20 કરોડ રુપિયામાં યુપી વોરિયર્સે ખરીદી.

ભારતી ફુલમાલીને ગુજરાત જાયન્ટ્સે રાઇટ ટુ મેચ કાર્ડનો ઉપયોગ કરીને 70 લાખ રુપિયામાં ખરીદી.

ઓસ્ટ્રેલિયાની મેગ લેનિંગને 1.90 કરોડમાં યુપી વોરિયર્સે ખરીદી. તેની બેઝ પ્રાઇઝ 50 લાખ હતી. દક્ષિણ આફ્રિકાની કેપ્ટન લોરા વોલ્વાડર્ટને દિલ્હી કેપિટલ્સે 1.10 કરોડ રુપિયામાં ખરીદી. તેની બેઝ પ્રાઇઝ 30 લાખ હતી.

ભારતીય ફાસ્ટ બોલર રેણુકા સિંહને ગુજરાત જાયન્ટ્સે 60 લાખ રુપિયામાં ખરીદી. તેની બેઝ પ્રાઇઝ 40 લાખ હતી. ઇંગ્લેન્ડની સોફી અક્લેસ્ટોનને 85 લાખ રુપિયામાં યૂપી વોરિયર્સે રાઇટ ટૂ મેચ કાર્ડનો ઉપયોગ કરીને ખરીદી.

ભારતીય ટીમની સ્ટાર ઓલરાઉન્ડર દીપ્તિ શર્માને યુપી વોરિયર્સે 3.20 કરોડ રૂપિયામાં ખરીદી. જ્યારે મુંબઈ ઇન્ડિયન્સે અમેલિયા કેરને 3 કરોડ રૂપિયામાં ટીમ સાથે જોડી.

એલિસા હીલી અનસોલ્ડ રહી છે, જેની બેઝ પ્રાઈસ 50 લાખ રૂપિયા હતી. જ્યારે સોફી ડિવાઈનને ગુજરાત જાયન્ટ્સે 2 કરોડ રૂપિયામાં ખરીદી.

વિમેન્સ પ્રીમિયર લીગ 2026 માટે મેગા હરાજી નવી દિલ્હીમાં યોજાઈ રહી છે. મહિલા પ્રીમિયર લીગ માટે આ મેગા હરાજીમાં 277 ખેલાડીઓ બોલી માટે ઉપલબ્ધ છે. શોર્ટલિસ્ટ કરાયેલા 277 ખેલાડીઓમાંથી 194 ભારતીય અને 93 વિદેશી (4 એસોસિયેટ દેશોના ખેલાડીઓ સહિત) સામેલ છે. હરાજીમાં સામેલ 155 પ્લેયર્સ અનકેપ્ડ છે.