ભારત કતર સંબંધ : કતરે ઇન્ડિયન નેવીના 8 પૂર્વ નૌસૈનિકોને મૂક્ત કર્યા, ભારતે નિર્ણયનું કર્યું સ્વાગત

India Qatar Relationship, ભારત કતર સંબંધ: જાસૂસીના આરોપમાં કતરમાં જેલમાં બંધ ભારતીય નૌકાદળના આઠ ભૂતપૂર્વ અધિકારીઓને મુક્ત કરવામાં આવ્યા છે. કતરમાં ભારતની કાનૂની લડાઈ બાદ ગયા મહિને ખલાસીઓની મૃત્યુદંડની સજાને જેલમાં ફેરવવામાં આવી હતી. કેન્દ્રીય વિદેશ મંત્રાલયે કતરના ખલાસીઓને નિર્દોષ જાહેર કર્યાની માહિતી આપી છે. તેમજ નિર્ણયને આવકાર્યો છે.

કેન્દ્ર સરકારે કતરની કોર્ટના નિર્ણયને આવકાર્યો છે જેમાં ભારતીય નૌકાદળના અધિકારીઓને મુક્ત કરવામાં આવ્યા છે. વિદેશ મંત્રાલયે કહ્યું કે તેમાંથી સાત ભારત પરત ફર્યા છે અને કતર રાજ્યના અમીરનો નિર્ણય પ્રશંસનીય છે. જેણે ભારતીય નાગરિકોની મુક્તિ અને તેમના વતન પરત જવાનો માર્ગ મોકળો કર્યો.

ભારત કતર સંબંધ : સૌનિકો પર શું હતો આરોપ?

ભારતીય નાગરિકો સહિત દોહા સ્થિત દહરા ગ્લોબલના તમામ કર્મચારીઓની ઓગસ્ટ 2022માં ઈઝરાયેલ માટે જાસૂસી કરવાના આરોપમાં ધરપકડ કરવામાં આવી હતી. આ જૂથમાં ભારતીય નૌકાદળના ભૂતપૂર્વ અધિકારીઓ પણ સામેલ હતા. દુબઈમાં આયોજિત COP 28 સમિટના ભાગરૂપે વડાપ્રધાન નરેન્દ્ર મોદી અને કતરના શાસક શેખ તમીમ બિન હમાદ અલ થાની વચ્ચેની બેઠક થઈ હતી.

ભારત કતર સંબંધ : આ પછી જ ભારતીયોની મુક્તિ શક્ય બની

બેઠક દરમિયાન આ મુદ્દે ચર્ચા થઈ હતી. આ પછી જ ભારતીયોની મુક્તિ શક્ય બની. તે જ સમયે, વિદેશ પ્રધાન એસ જયશંકર થોડા મહિના પહેલા જ ઈન્ડિયન નેવીના પૂર્વ સૌનિકોના પરિવારોને મળ્યા હતા અને તેમને ખાતરી આપી હતી કે સરકાર તેમની મુક્તિ માટે તમામ પ્રયાસો કરી રહી છે.

આ પણ વાંચોઃ-ખેડૂત વિરોધ પ્રદર્શન : સ્વામીનાથન-ચૌધરી સાહેબને ભારત રત્ન આપીને વાત ના બની, મોદી સરકાર માટે ખેડૂતો બન્યા પડકાર?

ભારત કતર સંબંધ : કયા અધિકારીઓની ધરપકડ થઈ હતી?

આ લોકોની ધરપકડ કયા આરોપો પર કરવામાં આવી છે તે હજુ સુધી જાહેર કરવામાં આવ્યું નથી. 9 નવેમ્બર, 2023 ના રોજ, વિદેશ મંત્રાલયે કહ્યું હતું કે તેની કાનૂની ટીમ આરોપો વિશે માહિતી મેળવવાનો પ્રયાસ કરી રહી છે. ધરપકડ કરાયેલા ખલાસીઓમાં પૂર્ણેન્દુ તિવારી, સુગુણાકર પાકલા, અમિત નાગપાલ, સંજીવ ગુપ્તા, નવતેજ સિંહ ગિલ, બિરેન્દ્ર કુમાર વર્મા, સૌરભ વશિષ્ઠ અને તિરુવનંતપુરમના વતની રાગેશ ગોપાકુમારનો સમાવેશ થાય છે.