રશિયાએ બુધવારે યુક્રેન પર રાષ્ટ્રપતિ વ્લાદિમીર પુતિનની હત્યાના નિષ્ફળ પ્રયાસમાં ક્રેમલિન પર રાતોરાત ડ્રોન હુમલો કરવાનો આરોપ લગાવ્યો હતો.
ક્રેમલિનએ જણાવ્યું હતું કે, ક્રેમલિન ગઢમાં પુતિનના નિવાસસ્થાન પર કથિત હુમલામાં બે ડ્રોનનો ઉપયોગ કરવામાં આવ્યો હતો, પરંતુ ઇલેક્ટ્રોનિક સુરક્ષા દ્વારા નિષ્ક્રિય કરવામાં આવ્યા હતા.
તેમાં કહેવામાં આવ્યું છે કે, રશિયાએ બદલો લેવાનો અધિકાર અનામત રાખ્યો છે – એક ટિપ્પણી જે સૂચવે છે કે, મોસ્કો કથિત ઘટનાનો ઉપયોગ યુક્રેન સાથેના 14 મહિનાના યુદ્ધમાં વધારાને યોગ્ય ઠેરવવા માટે કરી શકે છે.
યુક્રેનિયન અધિકારીઓ તરફથી તાત્કાલિક કોઈ ટિપ્પણી કરવામાં આવી નથી.
“બે માનવરહિત ડ્રોનને ક્રેમલિન તરફ નિશાન બનાવવામાં આવ્યા હતા. ક્રેમલિને એક નિવેદનમાં જણાવ્યું હતું કે, રડાર યુદ્ધ પ્રણાલીના ઉપયોગ સાથે લશ્કરી અને વિશેષ સેવાઓ દ્વારા સમયસર કાર્યવાહીના પરિણામે ઉપકરણોને નિષ્ક્રિય કરી શકાયા હતા.
“અમે આ ક્રિયાઓને વિજય દિવસ, 9 મે પરેડની પૂર્વ સંધ્યાએ આયોજિત આતંકવાદી કૃત્ય અને રાષ્ટ્રપતિની હત્યા કરવના પ્રયાસ તરીકે તરીકે જોઈએ છીએ, જેમાં વિદેશી મહેમાનોની હાજરીનું પણ આયોજન કરવામાં આવ્યું છે .
“રશિયન પક્ષને એ અધિકાર છે કે, જ્યાં અને જ્યારે તેને યોગ્ય લાગે ત્યારે બદલો લેવાનો અધિકાર અનામત રાખે છે.”
આમાં કહેવામાં આવ્યું છે કે, ડ્રોનના ટુકડાઓ ક્રેમલિનની ધરતી પર પથરાયેલા હતા, સદભાગ્યે કોઈ જાનહાનિ કે ભૌતિક નુકસાન થયું ન હતું.
RIA ન્યૂઝ એજન્સીએ જણાવ્યું હતું કે, પુતિન તે સમયે ક્રેમલિનમાં નહોતા, અને બુધવારે મોસ્કોની બહાર તેમના નોવો ઓગાર્યોવો નિવાસસ્થાનમાં કામ કરી રહ્યા હતા.
મિલિટરી ન્યૂઝ આઉટલેટ ઝવેઝદાની ચેનલ સહિત રશિયન સોશિયલ મીડિયા પર ફરતા એક વણચકાસાયેલ વિડિયોમાં, ઘટનાને પગલે દિવાલવાળા કમ્પાઉન્ડમાં મુખ્ય ક્રેમલિન પેલેસની પાછળ ધુમાડાના આછા અંશના ગોટેગોટા ઉછળતા દર્શાવ્યા હતા.
