મહિલા નેતા બની ચર્ચાનો વિષય, દત્તક પુત્ર સાથે બેડ શેર કરતા ઝડપાઈ, પતિએ જ પકડ્યા અને…

થાઈલેન્ડમાં એક મહિલા નેતા ચર્ચાનો વિષય બની રહે છે. તેનું કારણ મહિલાને તેના જ દત્તક પુત્ર સાથેનું પ્રેમસંબંધ હોવાનું કહેવાય છે. મીડિયા રિપોર્ટ્સ અનુસાર, 45 વર્ષીય પ્રપાપોર્ન ચોઇવાડકોહના તેના 24 વર્ષના દત્તક લીધેલા પુત્ર ફ્રા મહા સાથેના સંબંધોનો પર્દાફાશ થયો છે. મહિલા નેતાના પતિને તેમની વચ્ચે ચાલી રહેલા અફેર વિશે સૌપ્રથમ ખબર પડી જ્યારે તેમણે બંનેને એક રૂમમાં પકડી લીધા. બંને વચ્ચેના અફેરની જાણ પતિને પહેલેથી જ હતી.

માહિતી સામે આવી છે કે, પતિ-પત્ની બંનેએ બે વર્ષ પહેલા પુત્ર ફ્રા મહાને દત્તક લીધો હતો. આ સમાચાર સામે આવ્યા બાદ થાઈલેન્ડમાં સોશિયલ મીડિયા પર લોકો પ્રતિક્રિયા આપી રહ્યા છે.

શું છે સમગ્ર મામલો?

પ્રપાપોર્ન ચોઇવાડકોહને થાઇલેન્ડના સુખોથાઇ પ્રાંતના લોકપ્રિય રાજકીય નેતા માનવામાં આવે છે. સાઉથ ચાઇના મોર્નિંગ પોસ્ટ (SCMP) અનુસાર, તેણી તેના દત્તક પુત્ર સાથે પથારીમાં હતી. આ મામલાને લગતો એક વીડિયો પણ સોશિયલ મીડિયા પર ખૂબ વાયરલ થઈ રહ્યો છે. X પર એક યુઝરે લખ્યું, "આ ખૂબ જ ચોંકાવનારા સમાચાર છે, આ અમીરોની દુનિયા છે."

અન્ય એક યુઝરે લખ્યું- “આ મોટી ગડબડ છે. છોકરો દત્તક લેવા કરતાં આ રમકડું રાખવા જેવું વધુ લાગે છે. નાટકોમાં પણ આવું થતું નથી."

આ પણ વાંચો - જર્મની અને બ્રિટનમાં ભારત કરતાં અમીર અને ગરીબ વચ્ચેનું અંતર ઓછું, અમીરોના પૈસાથી ગરીબોને કેટલો ફાયદો થઈ શકે?

જ્યારે રંગે હાથ પકડાયા તો શું થયું?

સોશિયલ મીડિયા પર વાયરલ થયેલા વીડિયોમાં જોઈ શકાય છે કે, પતિ તેના ઘરમાં પહોંચે છે અને તેની પત્નીને તેના દત્તક લીધેલા પુત્ર સાથે પકડે છે. તેણે બંનેને પૂછ્યું, "શું તમે બંને આનાથી ખુશ છો?" જ્યારે પત્નીએ પોતાનો બચાવ કર્યો અને દાવો કર્યો કે, તે આવું કંઈ કરી રહ્યા નથી. મહિલા નેતા વર્તમાનમાં સ્થાનિક ચેમ્બર ઓફ કોમર્સના પ્રમુખ તરીકે સેવા આપે છે અને ગયા વર્ષે માર્ચથી ડેમોક્રેટ પાર્ટીના સભ્ય છે.