Board of Peace: ડોનાલ્ડ ટ્રમ્પે ભારતને બોર્ડ ઓફ પીસ માટે આપ્યું આમંત્રણ, જાણો શું છે ટ્રમ્પનો ગાઝા શાંતિ પ્લાન

Donald Trump Board of Peace: મધ્ય પૂર્વ (Middle East) માં શાંતિ અને ગાઝાના પુનઃનિર્માણ માટે અમેરિકી રાષ્ટ્રપતિ ડોનાલ્ડ ટ્રમ્પે એક ક્રાંતિકારી ડગલું ભર્યું છે. ટ્રમ્પે ગાઝાના વહીવટ અને સુરક્ષા માટે પ્રસ્તાવિત 'બોર્ડ ઓફ પીસ' માં સામેલ થવા માટે ભારતને આમંત્રણ આપ્યું છે. ભારતમાં અમેરિકી રાજદૂત સર્જિયો ગોરે રવિવારે સોશિયલ મીડિયા પ્લેટફોર્મ X પર આ ઐતિહાસિક સમાચાર શેર કર્યા છે.

શું છે આ 'બોર્ડ ઓફ પીસ'?

સપ્ટેમ્બર 2025 માં ટ્રમ્પે ગાઝા માટે 20 મુદ્દાની શાંતિ યોજના રજૂ કરી હતી. આ યોજના હેઠળ ગાઝામાં હમાસ અને ઇઝરાયેલ વચ્ચેના યુદ્ધનો અંત લાવી ત્યાં બિન-રાજકીય પેલેસ્ટિનિયન સમિતિનું શાસન સ્થાપિત કરવામાં આવશે. આ સમિતિની દેખરેખ 'બોર્ડ ઓફ પીસ' દ્વારા કરવામાં આવશે, જેની અધ્યક્ષતા સ્વયં ડોનાલ્ડ ટ્રમ્પ કરશે.

બોર્ડ ઓફ પીસ સભ્યપદની શરતો

આ બોર્ડમાં જોડાવા માટે વિશ્વના આશરે 60 દેશોને આમંત્રણ અપાયું છે, જેમાં હંગરી, કેનેડા, તુર્કી અને ઈજિપ્ત જેવા દેશો સામેલ છે.

• 3 વર્ષની સભ્યતા: આમંત્રણ સ્વીકારનાર દેશો ત્રણ વર્ષ માટે સભ્ય બનશે.
• કાયમી સભ્યપદ: જો કોઈ દેશ પ્રથમ વર્ષમાં $1 અબજ (આશરે 8300 કરોડ રૂપિયા) રોકડ ચૂકવે છે, તો તેને કાયમી સભ્યપદ મળશે.
• અધ્યક્ષની સત્તા: ડોનાલ્ડ ટ્રમ્પ આ બોર્ડના પ્રથમ અધ્યક્ષ હશે અને તેમને માત્ર રાજીનામા દ્વારા અથવા સર્વસંમતિથી જ હટાવી શકાશે.

શા માટે આ બોર્ડ મહત્વનું છે?

સર્જિયો ગોરના જણાવ્યા મુજબ, આ બોર્ડ માત્ર મધ્ય પૂર્વ પૂરતું મર્યાદિત નહીં રહે, પરંતુ તે વિશ્વભરના સંઘર્ષો ઉકેલવા માટે એક નવા આંતરરાષ્ટ્રીય સંગઠન તરીકે ઉભરી આવશે.

આ પણ વાંચો | ટ્રમ્પે યુરોપના 8 દેશો પર ટેરિફ લાદયો, ગ્રીનલેન્ડ પર અમેરિકાના અંકુશનો વિરોધ

આ બોર્ડના એક્ઝિક્યુટિવ મેમ્બર્સમાં માર્કો રુબિયો, જેરેડ કુશનર અને વર્લ્ડ બેંકના પ્રમુખ અજય બંગા જેવા દિગ્ગજો સામેલ છે.

આ પણ વાંચો | ઈરાન રાષ્ટ્રપતિ પેઝેશકિયને ડોનાલ્ડ ટ્રમ્પને આપી ચેતવણી