US Midterms Election Indian-Americans in US Congress: 8 નવેમ્બર 2022ના રોજ યોજાનારી યુએસ મિડટર્મ ચૂંટણીમાં યુએસ રિપ્રેઝન્ટેટિવ કાઉન્સિલની રેસમાં પાંચ ભારતીય-અમેરિકનો છે. જો રાજકીય પંડિતોના અભિપ્રાય પર વિશ્વાસ કરવામાં આવે તો ભારતીય-અમેરિકનોની જીતની તમામ શક્યતાઓ છે. કાઉન્સિલના ચાર વર્તમાન નેતાઓ – અમી બેરા, રાજા કૃષ્ણમૂર્તિ, રો ખન્ના અને પ્રમિલા જયપાલ – ફરીથી ચૂંટાય તેવી શક્યતા છે. ચારેય ડેમોક્રેટિક પાર્ટીના છે.
પાંચ ભારતીય-અમેરિકનોમાં સૌથી વરિષ્ઠ બેરા જો જીતશે તો, કેલિફોર્નિયાના 7મા કોંગ્રેસનલ ડિસ્ટ્રિક્ટમાંથી હાઉસ ઓફ રિપ્રેઝન્ટેટિવ્સમાં તેમની છઠ્ઠી ટર્મની શરૂઆત કરશે. રો ખન્ના, જે કેલિફોર્નિયાના 17મા કોંગ્રેશનલ ડિસ્ટ્રિક્ટનું પ્રતિનિધિત્વ કરે છે, ઈલિનોઈસના 8મા કૉંગ્રેસનલ ડિસ્ટ્રિક્ટનું પ્રતિનિધિત્વ કરતા કૃષ્ણમૂર્તિ અને વૉશિંગ્ટન સ્ટેટના 7મા કૉંગ્રેસનલ ડિસ્ટ્રિક્ટનું પ્રતિનિધિત્વ કરતા જયપાલ સતત ચોથી ટર્મ માટે ચૂંટણી લડી રહ્યા છે.
જયપાલ એકમાત્ર ભારતીય-અમેરિકન મહિલાઃ રાજકીય નિષ્ણાતોના મતે, ચારેય ભારતીય-અમેરિકનો તેમના રિપબ્લિકન વિરોધીઓ સામે આરામથી ઊભા છે. તો, ઉદ્યોગપતિ શ્રી થાનેદાર મિશિગનના 13મા કોંગ્રેસનલ ડિસ્ટ્રિક્ટમાંથી ચૂંટણી લડી રહ્યા છે. જો ચૂંટાય છે તો તે, બેરા, ખન્ના, કૃષ્ણમૂર્તિ અને જયપાલ સાથે આગામી કોંગ્રેસમાં પાંચમા ભારતીય-અમેરિકન હશે. ચેન્નાઈમાં જન્મેલા 57 વર્ષીય જયપાલ હાઉસ ઓફ રિપ્રેઝન્ટેટિવમાં ચૂંટાયેલા પ્રથમ અને એકમાત્ર ભારતીય-અમેરિકન મહિલા છે.
આ ચૂંટણી ચક્ર દરમિયાન અન્ય એક ભારતીય-અમેરિકન મેરીલેન્ડ રાજ્યમાં ઈતિહાસ રચવા માટે તૈયાર છે. અરુણા મિલર, મેરીલેન્ડ હાઉસ ઓફ ડેલિગેટ્સના ભૂતપૂર્વ સભ્ય, ડેમોક્રેટિક ટિકિટ પર રાજ્યના લેફ્ટનન્ટ ગવર્નર માટે ચૂંટણી લડી રહ્યા છે. રાજકીય પંડિતોનું કહેવું છે કે, જો તેણી જીતશે તો મેરીલેન્ડમાં આ પદ પર ચૂંટાયેલી પ્રથમ ભારતીય-અમેરિકન હશે.
આ દરમિયાન, ડેમોક્રેટ્સ અને રિપબ્લિકન્સે 8 નવેમ્બર, 2022ની મધ્યવર્તી ચૂંટણી પહેલા ભારતીય-અમેરિકનો સુધી પહોંચ વધારવા માટે તેમના પ્રયાસો ઝડપી કર્યા છે. વોશિંગ્ટન પોસ્ટે શુક્રવારે જણાવ્યું હતું કે, ભારતીય-અમેરિકનો કેટલીક કઠિન સ્પર્ધામાં મુખ્ય ભૂમિકા ભજવી શકે છે.
આ પણ વાંચો – Experts Explain: ભારત અને અમેરિકાની દ્રષ્ટીકોણથી ચીનના ઉદેશ્યોને આજે અને ભવિષ્યમાં કેવી રીતે ધ્યાનમાં રાખવા?
દેશનો માર્ગ નક્કી કરવાની તક: ભારતીય-અમેરિકન ઈમ્પેક્ટના એક્ઝિક્યુટિવ ડિરેક્ટર નીલ માખીજાના જણાવ્યા અનુસાર, “પેન્સિલવેનિયાનો નિર્ણય 2016માં 45,000થી ઓછા મતોના નાના માર્જિનથી લેવામાં આવ્યો હતો. તેમણે કહ્યું, “આ નવેમ્બરમાં, અમે જ્યોર્જિયામાં જેટલા મક્કમ છીએ, જ્યારે અમે મતદાન બમણું કર્યું. એકલા પેન્સિલવેનિયામાં 100,000 થી વધુ દક્ષિણ એશિયન અમેરિકન મતદારો સાથે, અમારી પાસે દેશનો માર્ગ નક્કી કરવાની તક છે.”
