USA Stabbing: અમેરિકામાં ફરી એકવાર સામાન્ય લોકો પર ચાકુ વડે હુમલો કરવાની ગંભીર ઘટના બની છે. આ ઘટના શનિવારે ઉત્તરી મિશિગનના એક શહેર ટ્રાવર્સ સિટીના વોલમાર્ટ સ્ટોરમાં બની હતી. હુમલાખોરે 11 લોકો પર ચાકુથી હુમલો કર્યો હતો. હુમલાખોરને કસ્ટડીમાં લેવામાં આવ્યો છે. તે માણસ મિશિગનનો છે કે વિદેશી છે તે હાલ જાણી શકાયું નહીં.
ઉત્તરી મિશિગનની એક હોસ્પિટલ મુન્સન મેડિકલ સેન્ટરે જણાવ્યું હતું કે, ચાકુના હુમલાથી ઘાયલ 11 લોકોને સારવાર આપવામાં આવી રહી છે. આ ઘટના બાદ પોલીસ અને અન્ય સરકારી કર્મચારીઓ ટ્રાવર્સ સિટી વોલમાર્ટની બહાર પહોંચી ગયા હતા.
મિશિગન પોલીસે લોકોને આ વિસ્તારથી દૂર રહેવા જણાવ્યું છે.
એસોસિયેટેડ પ્રેસના જણાવ્યા અનુસાર મિશિગનના ગવર્નર ગ્રેચેન વ્હિટમેરે જણાવ્યું હતું કે તેમની ઓફિસ આ ઘટના અંગે સતત પોલીસના સંપર્કમાં છે. આ કેસની તપાસ કરી રહેલા અધિકારીઓના જણાવ્યા અનુસાર ઘાયલોમાંથી છ લોકોની હાલત ગંભીર છે.
<blockquote class=”twitter-tweet”><p lang=”en” dir=”ltr”>Grand Traverse County Sheriff’s Office is investigating a multiple stabbing incident at the Wal-Mart in Traverse City. The suspect is in custody, details are limited at this time.<br>A PIO is in route to the scene and details will be posted <a href=”https://twitter.com/mspnorthernmi?ref_src=twsrc%5Etfw”>@mspnorthernmi</a> and <a href=”https://twitter.com/mspwestmi?ref_src=twsrc%5Etfw”>@MSPWestmi</a> as they… <a href=”https://t.co/5MC2M2YZi4″>pic.twitter.com/5MC2M2YZi4</a></p>— MSP Sixth District (@mspwestmi) <a href=”https://twitter.com/mspwestmi/status/1949230090728169492?ref_src=twsrc%5Etfw”>July 26, 2025</a></blockquote> <script async src=”https://platform.twitter.com/widgets.js” charset=”utf-8″></script>
મિશિગનમાં રાજ્ય પોલીસે જણાવ્યું હતું કે તેઓ ઘણા લોકો પર ચાકુ વડે હુમલો કરવા વિશે માહિતી એકઠી કરી રહ્યા છે. ગ્રાન્ડ ટ્રેવર્સ કાઉન્ટી શેરિફની ઓફિસ આ ઘટનાની તપાસ કરી રહી છે. એસોસિએટેડ પ્રેસના રિપોર્ટ અનુસાર વોલમાર્ટના કોર્પોરેટ પ્રવક્તા જો પેનિંગ્ટને કહ્યું કે, કંપની પોલીસને સહયોગ આપી રહી છે.
