યુએસ પ્રમુખપદ ચૂંટણી 2024: કોણ છે ભારતીય મૂળના અજય ભુતોરિયા? અમેરિકન ચૂંટણી પહેલા કેમ તેમનું નામ છે ચર્ચામાં

US Presidential Election 2024: અમેરિકામાં રાષ્ટ્રપતિની ચૂંટણીની આહટ શરૂ થઈ ગઈ છે. બંને વિપક્ષી પાર્ટીઓએ 2024માં યોજાનારી ચૂંટણીની તૈયારીઓ શરૂ કરી દીધી છે. અમેરિકાના વર્તમાન રાષ્ટ્રપતિ જો બિડેને ફરી એકવાર પોતાનો દાવો રજૂ કર્યો છે. ચૂંટણી પહેલા એક નામ ચર્ચામાં આવ્યું છે. ભારતીય મૂળના અમેરિકન બિઝનેસમેન અજય જૈન ભુતોરિયા (ajay jain bhutoria) હાલના દિવસોમાં અમેરિકન મીડિયામાં છવાયેલા છે. એવું કહેવામાં આવી રહ્યું છે કે, જો બિડેનને ફરીથી રાષ્ટ્રપતિ બનવામાં તેઓ મહત્વપૂર્ણ ભૂમિકા ભજવશે. ભુતોરિયાના કદનો અંદાજ એ હકીકત પરથી લગાવી શકાય છે કે, તાજેતરમાં રાષ્ટ્રપતિ જો બિડેન અને વાઇસ પ્રેસિડેન્ટ કમલા હેરિસે અમેરિકાને મળેલા ટોચના 150 દાતાઓમાં ભુટોરિયાનો સમાવેશ કર્યો હતો.

કોણ છે અજય જૈન ભુતોરિયા?

ભારતીય મૂળના અજય જૈન ભુતોરિયા જે બિડેનના નજીકના ગણાય છે. તે સિલિકોન વેલીના મોટા બિઝનેસમેન છે. ભુટોરિયા બિડેનની ડેમોક્રેટિક પાર્ટીના નેશનલ ફાયનાન્સના ઉપાધ્યક્ષ પણ છે. ભુતોરિયાએ છેલ્લી ચૂંટણીમાં બિડેનની તરફેણમાં પ્રચાર કર્યો હતો અને તેમના માટે ભંડોળ પણ જમા કરાવ્યું હતું. ભુતોરિયા રાષ્ટ્રપતિ બિડેનના એશિયન અમેરિકન, નેટિવ હવાઈયન અને પેસિફિક આઈલેન્ડર એડવાઈઝરી કમિશનના સભ્ય પણ છે. ભુટોરિયાને ઘણા અમેરિકન કોંગ્રેસમેન અને સેનેટર અને ધારાસભ્યોની સાથે-સાથે પૂર્વ અમેરિકન રાષ્ટ્રપતિ અને રાજ્યોના ગવર્નરો સમાજ માટે તેમની સેવા માટે તેમને સારી રીતે ઓળખે છે. અજય જૈન ભૂતોરિયાએ બિડેન પ્રસાસનના કેટલાએ કાયદાઓનું સ્વાગત કર્યું છે. જેમાં વિજ્ઞાન અધિનિયમ, વિવાહ અધિનિયમ વગેરેનો સમાવેશ થાય છે.

શા માટે તેમના નામની ચર્ચા થઈ રહી?

અજય જૈન ભુતોરિયાએ છેલ્લી ચૂંટણીમાં જો બિડેનની તરફેણમાં મહત્વની ભૂમિકા ભજવી હતી. હાલમાં જ જો બિડેનની તેમની સાથેની મુલાકાત બાદ માનવામાં આવી રહ્યું છે કે, આ વખતે પણ તેઓ અમેરિકાની ચૂંટણીમાં જો બિડેનના પ્રચારમાં મહત્વની ભૂમિકા ભજવશે. તેમણે છેલ્લી ચૂંટણીમાં પણ એશિયન મૂળના લોકોને ચૂંટણીમાં બિડેનની તરફેણમાં લાવવામાં પણ મહત્વની ભૂમિકા ભજવી છે. આ સિવાય પાર્ટી માટે ફંડ એકત્ર કરવામાં પણ તેમનો મોટો ફાળો હતો. આ વખતે પાર્ટીએ ચૂંટણી માટે $2 બિલિયનનું ફંડ એકત્ર કરવાનું લક્ષ્ય રાખ્યું છે. આવી સ્થિતિમાં બિડેનને ભુતોરિયા પાસેથી ઘણી આશાઓ છે.