Jio IPO થી નવી કંપનીની સ્થાપના સુધી… રિલાયન્સની AGMમાં આ 7 મોટી જાહેરાતો કરવામાં આવી

Reliance Industries AGM: મુકેશ અંબાણીએ રિલાયન્સ ઇન્ડસ્ટ્રીઝની વાર્ષિક બેઠકમાં 7 મોટી અને શક્તિશાળી જાહેરાતો કરી છે. મુકેશ અંબાણીએ Jioના IPO થી લઈને AI ક્ષેત્રમાં નવી કંપની સ્થાપવા સુધીની નવી જાહેરાતો કરી છે. આ ભારતમાં ટેકનોલોજી, ઉર્જા અને ગ્રાહક વ્યવસાયમાં એક નવા યુગની શરૂઆત કરી રહ્યું છે. ચાલો વિગતવાર આ જાહેરોતો વિશે જાણીએ…

રિલાયન્સ Jio IPO

રિલાયન્સ ઇન્ડસ્ટ્રીઝ લિમિટેડના ચેરમેન અને મેનેજિંગ ડિરેક્ટર મુકેશ અંબાણીએ શુક્રવારે જણાવ્યું હતું કે ગ્રુપની ટેલિકોમ કંપની રિલાયન્સ Jio આવતા વર્ષના પહેલા ભાગમાં તેનો IPO લાવશે.

રિલાયન્સ ઇન્ટેલિજન્સની સ્થાપના

રિલાયન્સની એક નવી સંપૂર્ણ માલિકીની પેટાકંપની, 'રિલાયન્સ ઇન્ટેલિજન્સ', શરૂ કરવામાં આવી છે. તેનો ઉદ્દેશ્ય ભારતને AI નવીનતાનું વૈશ્વિક કેન્દ્ર બનાવવાનો છે. તેમાં ચાર મિશનનો સમાવેશ થાય છે: ગીગાવોટ-સ્કેલ AI ડેટા સેન્ટર ડિઝાઇન કરવા, ગ્રીન એનર્જી દ્વારા સંચાલિત, વૈશ્વિક ટેક-ભાગીદારી સાથે, અને બ્રાન્ડેડ AI સેવાઓ.

રિલાયન્સ ગ્રાહક વ્યવસાય પર ધ્યાન કેન્દ્રિત કરશે

રિલાયન્સે તેના FMCG (ફાસ્ટ-મૂવિંગ કન્ઝ્યુમર ગુડ્સ) વ્યવસાય એટલે કે રોજિંદા જીવન જરૂરી વસ્તુઓ જેમ કે લીંબુ પાણી, નાસ્તો, જામ, શેમ્પૂ વગેરેને રિલાયન્સ રિટેલને બદલે તેની સીધી પેટાકંપની બનાવીને અલગ કરી દીધા છે. આ નવા વ્યવસાય એકમનું નામ ન્યૂ રિલાયન્સ કન્ઝ્યુમર પ્રોડક્ટ્સ લિમિટેડ છે.

આ પણ વાંચો: જિયો નો આઈપીઓ આગામી વર્ષે પ્રથમ હાફમાં આવશે

ગુગલ અને મેટા સાથે ડીલ

રિલાયન્સે જામનગરમાં ગુગલ ક્લાઉડ સાથે ક્લાઉડ રિજન બનાવવાની યોજના જાહેર કરી છે - જે ગ્રીન એનર્જી દ્વારા સંચાલિત હશે અને RIL ના તમામ વ્યવસાયોમાં AI ક્રાંતિ લાવશે. મેટા સાથે એક વિશિષ્ટ JV ની પણ જાહેરાત કરવામાં આવી હતી, જે ઓપન સોર્સ AI મોડેલ્સ અને રિલાયન્સના ઉદ્યોગ જ્ઞાનને જોડીને 'સાર્વભૌમ, એન્ટરપ્રાઇઝ-તૈયાર' AI સોલ્યુશન્સ બનાવશે.

'ઇન્ડિયા ફર્સ્ટ' મોડેલ પર ભાર

મુકેશ અંબાણીએ ભારતના અર્થતંત્રના 'અવિરલ ઉદય'માં વિશ્વાસ વ્યક્ત કર્યો. તેમણે "ઇન્ડિયા ફર્સ્ટ ડેવલપમેન્ટ મોડેલ" ની હિમાયત કરી અને કહ્યું કે ભારતને અન્ય દેશોના મોડેલ્સની નકલ કરવાની જરૂર નથી. તે જાહેર અને ખાનગી ક્ષેત્રો દ્વારા વિકાસ માટે એક નવો અભિગમ છે.

ગ્રામીણથી ડિજિટલ સુધી વિસ્તરણ

ગુજરાતના કચ્છમાં વિશ્વના સૌથી મોટા સિંગલ-સાઇટ સોલાર પ્રોજેક્ટનો વિકાસ - જે 5.5 લાખ એકરમાં ફેલાયેલો છે, જે ભારતની કુલ વીજળી માંગના લગભગ 10% ને પૂર્ણ કરી શકે છે. Jio-bp દ્વારા EV ઇન્ફ્રાસ્ટ્રક્ચર, બાયોફ્યુઅલ અને હાઇડ્રોજન જેવા સ્વચ્છ-ઇંધણ વિકલ્પોનો વિસ્તરણ.

રિલાયન્સ ફાઉન્ડેશન હોસ્પિટલ

નીતા અંબાણીએ કહ્યું, "સર એચ.એન. રિલાયન્સ ફાઉન્ડેશન હોસ્પિટલમાં, અમે જીવન નામનું એક નવું એક્સટેન્શન પણ ખોલી રહ્યા છીએ. આ કીમોથેરાપી અને ઇમ્યુનોથેરાપી માટે સમર્પિત એક અત્યાધુનિક પાંખ છે, ખાસ કરીને એડવાન્સ્ડ પીડિયાટ્રિક કીમોથેરાપી પર ધ્યાન કેન્દ્રિત કરે છે."