ચંદીગઢના રહેવાસી રતન ઢિલ્લોનને પોતાના ઘરની સફાઈ કરતી વખતે કંઈક એવું મળ્યું જે તેમના માટે ખૂબ જ ફાયદાકારક સાબિત થયું. સોશિયલ મીડિયા પર આ વાત સામે આવ્યા બાદ યુઝર્સ તરફથી અલગ-અલગ પ્રતિક્રિયાઓ આવી રહી છે. ઓટોમોબાઈલ ક્ષેત્રમાં રસ ધરાવતા રતન ધિલ્લોનને ઘરની સફાઈ કરતી વખતે તેમના ઘરમાં 37 વર્ષ જૂના રિલાયન્સના શેર મળ્યા.
રતનને અચાનક મળેલા આ ફિજિકલ શેરોની કિંમત આશરે 11 લાખ રૂપિયા હોવાનો અંદાજ છે. જ્યારે રતનને 1987 અને 1992માં ખરીદેલા રિલાયન્સ ઇન્ડસ્ટ્રીઝ લિમિટેડ (RIL) ના શેરની ભૌતિક નકલો મળી, ત્યારે તેણે તેને તેના સોશિયલ મીડિયા X પર પોસ્ટ કરી અને આ અંગે નિષ્ણાતો પાસેથી અભિપ્રાય માંગ્યો.
દસ્તાવેજો અનુસાર, મૂળ શેરધારક જેમનું નિધુ થઈ ગયું છે, તેમણે 37 વર્ષ પહેલાં 10 રૂપિયાના મૂલ્યના 30 ઇક્વિટી શેર ખરીદ્યા હતા. શેરબજારથી અજાણ હોવાથી રતન તેના સોશિયલ મીડિયા ફોલોઅર્સ પાસેથી સલાહ માંગી હતી.
ઘણા ફોલોઅર્સે શેરના વર્તમાન ભાવના મૂલ્યાંકન સાથે તેમની પ્રતિક્રિયાઓ પણ પોસ્ટ કરી. એક યુઝરે ગણતરી કરી અને કહ્યું કે ત્રણ સ્ટોક સ્પ્લિટ અને બે બોનસ પછી, હોલ્ડિંગ વધીને 960 શેર થઈ ગયું છે. તેમની અંદાજિત કિંમત 11 લાખથી 12 લાખ રૂપિયાની વચ્ચે છે. ઘણા યુઝર્સે રમુજી પ્રતિક્રિયાઓ પણ આપી છે.
સ્ટોકની કોપી પર પ્રતિક્રિયા આપતા, એક યુઝર્સ ટાઇગર રમેશે શેરની કિંમતની ગણતરી કરી અને લખ્યું, “મોટી-મોટી ગણતરી: કુલ પ્રારંભિક શેર = 30. 3 સ્પિલિટ અને 2 બોનસ પછી તે આજે 960 શેર હોવા જોઈએ.” આજની કિંમત લગભગ 11.88 લાખ રૂપિયા છે.
આ પણ વાંચો: ભારતીય વિદ્યાર્થીઓમાં આ દેશ માટે વધ્યો ક્રેઝ, અમેરિકા-કેનેડા જવામાં લાગી બ્રેક
જ્યારે બીજા યુઝરે લખ્યું, ‘ઓ ભાઈ, તમોરોને જેકપોટ લાગી ગયો.’ તેને રિમેટ ફોર્મ દ્વારા ડીમેટ કરાવો. જો તમને મદદની જરૂર હોય તો મને મેસેજ કરો.
બીજા એક યુઝરે લખ્યું, ‘રતન ભાઈ, ઘરમાં વધુ સારી રીતે શોધો, કોણ જાણે તમને MRF ના કેટલાક શેર પણ મળી શકે છે…’
રતનનું કોમેન્ટ બોક્સ ઉપયોગી અને રમુજી સૂચનોથી ભરેલું છે. આવી જ એક ટિપ્પણી છે- “હા! તમારે તેમને પુરાવા સાથે ઇમેઇલ મોકલવાના રહેશે, અને તેમની પાસે તમારા ડીમેટમાં આ જમા કરાવવાની પોતાની પ્રક્રિયા હશે. તમારે આને ચકાસણી માટે તેમની ઓફિસમાં લાવવા પડશે, અને પછી તેઓ આ શેર તમારા ડીમેટમાં ડિજિટલી ક્રેડિટ કરશે, વિભાજન પછી કુલ શેર, વગેરે”.
