આ ટ્રીક ફોલો કરીને જૂના સ્માર્ટફોનને બનાવો CCTV કેમેરો, ઘરના દરેક ખૂણામાં રહેશે તમારી નજર

આજકાલ દરેક ઘર અને ઓફિસ માટે સુરક્ષા એક મહત્વપૂર્ણ જરૂરિયાત બની ગઈ છે. આ હાંસલ કરવા માટે લોકો દરેક જગ્યાએ CCTV કેમેરા લગાવવાનું પસંદ કરે છે. જોકે CCTV કેમેરા લગાવવા ખર્ચાળ હોઈ શકે છે. આલામાં આ લેખ તમને મદદરૂપ થશે.

તમારા જૂના ફોનને ફેંકી દેવાને બદલે તમે તેને CCTV કેમેરા તરીકે ઉપયોગ કરી શકો છો. આ પદ્ધતિ ફક્ત સરળ જ નથી પણ બજેટ-ફ્રેંડલી પણ છે. તમારા જૂના ફોનમાં કેમેરા અને ઇન્ટરનેટ કનેક્શન તમારા ઘર અથવા ઓફિસનું નિરીક્ષણ કરવા માટે ઉપયોગી થઈ શકે છે.

કોઈ ખાસ ટેકનિકલ જ્ઞાનની જરૂર નથી. ફક્ત થોડા સેટઅપ અને યોગ્ય એપ્લિકેશન સાથે તમે 24/7 લાઇવ વીડિયો સ્ટ્રીમિંગ અને ચેતવણીઓ પ્રાપ્ત કરી શકો છો. આ પદ્ધતિ તમારા જૂના ફોનને ઉપયોગી બનાવી શકે છે અને ઘરની સુરક્ષા સુનિશ્ચિત કરી શકે છે.

ગુજરાત નજીક દરિયામાં બનેલી રહસ્યમય રીંગથી દહેશત, શું આ કોઈ મોટા ખતરાની નિશાની છે?

જુના ફોનથી CCTV કેમેરો બનાવવા માટે સામાન

• જુનો સ્માર્ટફોન (Android અથવા iOS)
• ચાર્જર
• સ્ટેબલ Wi-Fi
• CCTV એપ

તેની રીત જાણી લો

• તમારા જૂના ફોનને CCTV કેમેરામાં ફેરવવા માટે પહેલા એક વિશ્વસનીય CCTV એપ ડાઉનલોડ કરો.
• એપ ઇન્સ્ટોલ કર્યા પછી તમારે એક એકાઉન્ટ બનાવવાની જરૂર પડશે.
• લોગિન પ્રક્રિયા પૂર્ણ કર્યા પછી એપ તમારા ફોનના કેમેરા અને માઇક્રોફોનને ઍક્સેસ કરવા માટે પરવાનગી માંગશે જેને તમારે મંજૂરી (Allow) આપવી પડશે.
• આ સ્ટેપ પછી તમારો ફોન તકનીકી રીતે CCTV કેમેરો બનવા માટે તૈયાર છે.
• આગળ ફોનને એવી જગ્યાએ મૂકો જ્યાં તમે સમગ્ર વિસ્તારને આવરી શકો.
• ફોનને સ્થિર સપાટી પર મૂકો, જેમ કે શેલ્ફ, અથવા નાના સ્ટેન્ડ/ટ્રાયપોડ. આ વીડિયો સ્ટ્રીમિંગ દરમિયાન ધ્રુજારી અથવા કંપન અટકાવશે.

• CCTV કેમેરા 24/7 કાર્યરત રહેશે, તેથી તમારા ફોનને હંમેશા ચાર્જર સાથે જોડાયેલ રાખવો મહત્વપૂર્ણ છે.
• ચાર્જિંગની ખાતરી કર્યા પછી એપમાં "Live View" અથવા "Camera On" વિકલ્પ ચાલુ કરો.
• આ સુવિધા તમારા ફોનના કેમેરામાંથી રીઅલ-ટાઇમ વીડિયો સ્ટ્રીમ કરવાનું શરૂ કરે છે.
• હવે તમે કોઈપણ સમયે તમારા ઘરનું નિરીક્ષણ કરી શકો છો, ભલે તમે દૂર હોવ.
• વધુમાં ઘણી એપ્લિકેશનોમાં મોશન ડિટેક્શન અને એલર્ટનું ફિચર શામેલ હોય છે.
• જ્યારે કેમેરો ગતિવિધિ શોધે છે, ત્યારે એપ્લિકેશન તાત્કાલિક ચેતવણી મોકલે છે.
• કેટલીક એપ્લિકેશનો વીડિયો રેકોર્ડિંગ અને ક્લાઉડ સ્ટોરેજ પણ પ્રદાન કરે છે, જે સુરક્ષાને વધુ સ્માર્ટ અને વધુ વિશ્વસનીય બનાવે છે.

27 વર્ષ પછી નાસામાંથી નિવૃત્ત થયા સુનિતા વિલિયમ્સ, ગુજરાત સાથે છે ખાસ સંબંધ

આ છે ફાયદા

• બજેટ ફ્રેંડલી અને ઈકો ફ્રેંડલી
• જૂના ફોનનો થશે ઉપયોગ

આ સાવધાની રાખો

• ફોનને સુરક્ષિત અને સ્થિર જગ્યાએ રાખો.
• Wi-Fi કનેક્શન મજબૂત હોવું જોઈએ.
• કેમેરો સીધો સનલાઈટ અથવા પાણીથી બચેલો હોય તેમ રાખો.