નવું ઘર ખરીદવું એ કોઈપણ વ્યક્તિના જીવનમાં એક મહત્વપૂર્ણ નાણાકીય નિર્ણય હોય છે. તે જીવનનું સૌથી મોટું રોકાણ છે અને તેની ઉજવણી થવી જોઈએ. જો કે, ઘણા લોકો ભૂલી જાય છે કે મકાન માલિક બનવાનો ખર્ચ તમે ઘર ખરીદી વખતે ચૂકવેલ કિંમત કરતાં ઘણી વધારે છે. કારણ કે ઘર ખરીદતી વખતે વિવિધ વધારાના ખર્ચાઓની તમારે ચૂકવણી કરવી પડે છે, જેના વિશે તમને જાણકારી હોવી જોઇએ.
અહીં નજર અંદાજ કરાયેલા એવા 10 ખર્ચાઓ છે, જેની ઘર ખરીદવાની સાથે જે ચૂકવણી કરવા તૈયાર રહેવું જોઈએ.
મિલ્કત વેરો (Property Tax)
મિલકત વેરો એ મહત્વપૂર્ણ નાણાકીય જવાબદારી છે જે મકાનમાલિકોએ વાર્ષિક ચૂકવવી જોઈએ. મિલકતના સ્થાન અને આકારણી મૂલ્યના આધારે રકમ બદલાય છે. તમે જે વિસ્તારમાં મકાન ખરીદવાની યોજના ઘડી રહ્યા છો તે વિસ્તારના પ્રોપર્ટી ટેક્સના દરોનું સંશોધન કરવું અને તે મુજબ બજેટ બનાવવું મહત્વપૂર્ણ છે.
ઘર વીમો (Home Insurance)
જો કે આ ફરજિયાત નથી પરંતુ જો તમે જંગી રોકાણ કરી રહ્યાં હોવ, તો અનિશ્ચિતતાઓ સામે તમારા ઘરનો વીમો એટલે કે હોમ ઇન્સ્યોરન્સ લેવો અર્થપૂર્ણ છે. વીમા સાથે તમારા રોકાણને સુરક્ષિત રાખવું જરૂરી છે. આ વીમો તમારી મિલકત અને તેમાં સામેલ વિવિધ જોખમો, જેમ કે આગ, ચોરી અથવા કુદરતી આફતોથી થતા નુકસાનને આવરી લે છે. ઘરની કિંમત, સ્થાન અને કવરેજ ઓપ્શનના આધારે પ્રીમિયમ બદલાય છે. સૌથી યોગ્ય અને પોસાય તેવી પોલિસી મેવવી ઘણી જરૂરી છે.
જાળવણી અને રિપેરિંગ (Maintenance and Repairs)
ઘરની માલિકીનો અર્થ એ છે કે તેની જાળવણી અને રિપેરિંગની જવાબદારી તમારી છે. રેગ્યુલર મેઇન્ટેનન્સ અને અણધાર્યા રિપેરિંગ માટે તમારા બજેટનો એક ભાગ અલગ રાખવો એ એક સમજદારભરી નાણાકીય વ્યૂહરચના છે.
રેસિડેન્ટ વેલ્ફેર એસોસિએશન (RWA) ફી
જો તમે પ્લાનિંગ કરાયેલી કોમ્યુનિટી અથવા સેક્ટર અંદર કોઈ મિલકત વિશે વિચારી રહ્યાં હોવ, તો ત્યાં ફી હોઈ શકે છે. આ ફી મૂળભૂત સુવિધાઓ, સુરક્ષા, મેઇન્ટેનન્સ અને અન્ય સામુહિક ખર્ચાઓને આવરી લે છે. RWA દ્વારા સંચાલિત મિલકતનો ભાગ ખરીદતા પહેલા RWAના નિયમો, પ્રતિબંધો અને સંબંધિત ખર્ચને સમજી લેવા જરૂરી છે.
મંથલી યુટિલિટી બીલ
નવા ઘર માટે બજેટ બનાવતી વખતે વીજળી, ગેસ, પાણી અને ગટર જેવી સુવિધાઓના ઉપયોગ માટેના માસિક બિલોની ઘણીવાર અવગણના કરવામાં આવે છે. મિલકતના કદ, આબોહવા અને ઉપયોગની રીતના આધારે યુટિલિટી ખર્ચ મોટાભાગે બદલાઈ શકે છે. વિક્રેતા પાસેથી જૂના યુટિલિટી બિલની માંગણી કરવી અથવા આ ખર્ચનો સચોટ અંદાજ કાઢવા સ્થાનિક સર્વિસ પ્રોડવાઇડરનો સંપર્ક કરવો.
લેન્ડસ્કેપિંગ અને આઉટડોર જાળવણી
જો તમારું ઘર મોટું છે અને તમારી પાસે બગીચો અથવા બહારનો વિસ્તાર છે, તો તમારે તેની જાળવણી માટે ખર્ચને પણ ધ્યાનમાં લેવો જોઈએ. બગીચાની સારી રીતે જાળવણી કરવા માટે સમય, મહેનત અને પૈસાની જરૂર હોય છે. લેન્ડસ્કેપિંગ, બાગકામ અને આઉટડોર મેઇન્ટેનન્સ સાથે સંકળાયેલા ખર્ચને તમારા બજેટમાં આવરી લેવા જોઈએ. ખર્ચમાં લૉન ઇક્વિપમેન્ટ, પ્રોફેશનલ સર્વિસિસ, ખાતરો અને સિંચાઈ પ્રણાલીઓનો સમાવેશ થાય છે.
ઘરનું ફર્નિચર (Home Furnishings)
નવા મકાનમાં રહેવા માટે તમે તમારી ઇચ્છા અનુસાર ફર્નિચર કરાવો છો અને તેની પાછળ મોટો ખર્ચ પણ થાય છે. તેની માટે બજેટ ફાળવવું આવશ્યક છે, કારણ કે તેની માટે વધારે નાણાંની જરૂર પડે છે. તમારી જરૂરિયાતોને પ્રાધાન્ય આપો અને ખર્ચને અસરકારક રીતે સંચાલિત કરવા માટે ધીમે ધીમે વસ્તુઓ ખરીદવાનું વિચારો.
પેસ્ટ કન્ટ્રોલ
તમારા ઘરને જંતુઓ જેમ કે ઉંદરો, ઉંદરો અથવા જંતુઓથી સુરક્ષિત કરવા માટે પ્રોફેશનલ પેસ્ટ કન્ટ્રોલ સર્વિસ લેવાની જરૂર પડી શકે છે. નિયમિત તપાસ અને નિવારક સારવાર મોંઘા ઉપદ્રવ અને મિલકતના નુકસાનને ટાળવામાં મદદ કરી શકે છે. જંતુ મુક્ત વાતાવરણ જાળવવા માટે તમારા બજેટમાં પેસ્ટ કન્ટ્રોલના ખર્ચનો સમાવેશ કરો.
સુધારો અને રિનોવેશન
ઘણા મકાનમાલિકો તેમની રહેવાની જગ્યા વધારવા અથવા મિલકતની કિંમત વધારવા માટે હોમ સુધારો અથવા રિનોવેશન કરતા હોય છે અને તેની માટે ઘણા રૂપિયાની જરૂર પડે છે. કાળજીપૂર્વક તમારા બજેટની યોજના બનાવો અને તમારી જરૂરિયાતો અને નાણાકીય ક્ષમતાના આધારે રિનોવેશનને પ્રાથમિકતા આપો.
આ પણ વાંચોઃ પગારદાર કરદાતા માટે ઇન્કમ ટેક્સમાં મકાન ભાડા સંબંધિત નિયમો અને કર મુક્તિ વિશે જાણો
મૂવિંગ અને ટ્રાન્સપોર્ટ ખર્ચ
છેલ્લે, તમારા નવા ઘરમાં જવા સાથે સંકળાયેલા ખર્ચને અવગણશો નહીં. પ્રોફેશનલ મૂવર્સ, પેકિંગ સપ્લાય અને ટ્રાન્સપોર્ટેશન જેવા ખર્ચાઓ ઝડપથી વધી શકે છે. ઘણી બધી મૂવિંગ ટ્રાન્સપોર્ટ કંપનીઓ પાસેથી અંદાજો મેળવવાની સલાહ આપવામાં આવે છે.
Disclaimer: આર્ટિકલ ફાઇનાન્સિયલ એક્સપ્રેસ પરથી અનુવાદિત છે. મૂળ આર્ટીકલ તમે અહીં વાંચી શકો છો.
