દુનિયાનો સૌથી ખતરનાક પાસવર્ડ કયો છે? કોઈ હેક ના કરી શકે તેવો પાસવર્ડ બવાવવા શું કરશો

Most Dangerous Passwords: શું તમે અનુમાન લગાવી શકો છો કે વિશ્વનો સૌથી લોકપ્રિય પાસવર્ડ કયો છે? ખાસ કરીને એવો પાસવર્ડ જે સરળતાથી ક્રેક થઈ જાય છે? એક નવા સાયબર સુરક્ષા અહેવાલમાં જણાવાયું છે કે વપરાશકર્તાઓ મજબૂત પાસવર્ડ સેટ કરવામાં અવગણના કરી રહ્યા છે અને હજુ પણ સરળ અને સામાન્ય કીવર્ડ સિક્વન્સનો ઉપયોગ કરવાનું પસંદ કરે છે.

રિપોર્ટ અનુસાર, ડેટા ભંગ ફોરમ પર લીક થયેલા 2 અબજથી વધુ એકાઉન્ટ્સના વિશ્લેષણમાં જાણવા મળ્યું છે કે વિશ્વભરમાં સૌથી વધુ ઉપયોગમાં લેવાતા પાસવર્ડ હજુ પણ સરળતાથી ક્રેક થઈ શકે છે, જે વિશ્વભરમાં એક મોટી સુરક્ષા ચિંતા ઉભી કરે છે.

રિપોર્ટમાં જણાવાયું છે કે એકાઉન્ટ્સ હેક થવા અથવા ચેડા થવાનું સૌથી મોટું કારણ માનવ આળસ છે. સૌથી વધુ ઉપયોગમાં લેવાતો પાસવર્ડ ‘123456’ હોવાનું જાણવા મળ્યું છે, જેનો ઉપયોગ 7.6 મિલિયનથી વધુ લોકો કરે છે.

આ સિવાય લીક થયેલા પાસવર્ડ્સની યાદીમાં ‘admin’, ‘password’, ‘123’, ‘1234567890’ અને ‘Aa123456’ જેવા સરળતાથી અનુમાન લગાવી શકાય તેવા સામાન્ય પાસવર્ડ્સનો પણ સમાવેશ થાય છે.

અભ્યાસમાં પ્રાદેશિક નબળાઈઓ (regional vulnerabilities) પર પણ પ્રકાશ પાડવામાં આવ્યો હતો. તેમાં જાણવા મળ્યું હતું કે ‘India@123’ જેવા સામાન્ય પાસવર્ડનો ઉપયોગ ભારતમાં મોટી સંખ્યામાં વપરાશકર્તાઓ દ્વારા કરવામાં આવી રહ્યો છે. આ પાસવર્ડ 100 સૌથી સામાન્ય પાસવર્ડ્સની વૈશ્વિક યાદીમાં 53મા ક્રમે છે, જે ભારતીય વપરાશકર્તાઓમાં નબળી સાયબર સુરક્ષા (poor security practice ) પ્રથાઓ દર્શાવે છે.

સૌથી વધુ ઉપયોગમાં લેવાતા પાસવર્ડ્સ

આવા નબળા પાસવર્ડ્સની સતત લોકપ્રિયતાને કારણે સાયબર હુમલાખોરો માટે ABC અથવા 123 કહેવા જેટલું જ પાસવર્ડ અનુમાન લગાવવાનું સરળ બને છે. નબળા સુરક્ષા પગલાં પર આ નિર્ભરતા ક્યારેક ગંભીર પરિણામો તરફ દોરી શકે છે, જેમ કે તાજેતરના કેટલાક હાઇ-પ્રોફાઇલ ડેટા બ્રીચ દ્વારા પુરાવા મળે છે.

બીજા કિસ્સામાં ફ્રાન્સના લૂવર મ્યુઝિયમની મુખ્ય સુરક્ષા પ્રણાલીમાં એક આઘાતજનક લાપરવાહી મળી આવી હતી. એક તપાસમાં જાણવા મળ્યું કે પાસવર્ડ ફક્ત “LOUVRE” હતો, જે સરળતાથી અનુમાન કરી શકાય તેવો પાસવર્ડ હતો જેને મોટી ચોરીની તપાસમાં નબળા બિંદુ તરીકે ઓળખવામાં આવ્યો હતો.

આ પણ વાંચો: iPhone પર તમારી સ્ક્રીન કેવી રીતે શેર કરશો? જાણો આ સુવિધા કેવી રીતે કામ કરે છે, શું છે સ્ટેપ-બાય-સ્ટેપ રીત

ઓનલાઇન સુરક્ષિત રહેવા માટે શું કરવું

વિશ્વભરમાં આ વધતી જતી સાયબર નબળાઈનો સામનો કરવા માટે, સાયબર સુરક્ષા નિષ્ણાતોએ વપરાશકર્તાઓને મજબૂત પાસવર્ડ બનાવવામાં મદદ કરવા માટે કેટલીક સરળ પણ મહત્વપૂર્ણ ટિપ્સ આપી છે:

• પાસવર્ડ ઓછામાં ઓછા 12 અક્ષરો લાંબા હોવા જોઈએ.
• તેમાં મોટા અક્ષરો (Uppercase Letters), નાના અક્ષરો (Lowercase Letters), સંખ્યાઓ (Numbers) અને પ્રતીકો શામેલ હોવા જોઈએ.
• તમારા પાસવર્ડમાં ક્યારેય વ્યક્તિગત માહિતીનો ઉપયોગ કરશો નહીં, જેમ કે પરિવારના સભ્યોના નામ, પાલતુ પ્રાણીઓના નામ, ઉત્પાદનો અથવા કાલ્પનિક પાત્રો.

મોટાભાગની ઓનલાઈન સેવાઓ વપરાશકર્તાઓને જટિલ પાસવર્ડ બનાવવાની સલાહ આપે છે જેમાં ખાસ અક્ષરો અને આલ્ફાન્યૂમેરિક અક્ષરો (અક્ષરો અને સંખ્યાઓ બંને) હોય છે જેથી હેકર્સ માટે તેને ક્રેક કરવાનું મુશ્કેલ બને છે.

વધુમાં તમારી મનપસંદ એપ્લિકેશનો અને ઓનલાઈન સેવાઓમાં લોગ ઇન કરતી વખતે હંમેશા ટુ-ફેક્ટર ઓથેન્ટિકેશન (2FA) સક્રિય કરવાની ભલામણ કરવામાં આવે છે. જો તમારો પાસવર્ડ લીક થઈ ગયો હોય તો પણ આ તમારા એકાઉન્ટને સુરક્ષાનું વધારાનું સ્તર પૂરું પાડે છે.