Muhurat Trading શરૂ, Sensex 634 અને નિફ્ટી એ લગાવી 97 અંકની છલાંગ

Muhurat Trading 2024: દેશ અને દુનિયામાં 31 ઓક્ટોબરે દિવાળીનો તહેવાર ખૂબ જ ધામધૂમથી ઉજવવામાં આવ્યો હતો. દિવાળીના દિવસે શેરબજાર ખુલ્લા રહ્યા અને મોટા ઘટાડા સાથે બંધ થયા હતા. ભારતીય શેરબજારમાં આજે એટલે કે 1લી નવેમ્બરે દિવાળીની રજા છે અને 1 કલાકનું મુહૂર્ત ટ્રેડિંગ સેશન સાંજે 6 વાગ્યાથી 7 વાગ્યા સુધી શરૂ થઈ ગયું છે. મુહૂર્ત ટ્રેડિંગ પર જૂની પેટર્નને અનુસરીને બજાર આજે ફરી એકવાર મોટા ઉછાળા સાથે ખુલ્યું હતું. આજે BSE સેન્સેક્સ 634.69 પોઈન્ટના વધારા સાથે 80,023.75 પોઈન્ટ પર અને નિફ્ટી 97.40 પોઈન્ટના વધારા સાથે 24,302.75 પોઈન્ટ પર ખુલ્યો હતો.

સેન્સેક્સની 30માંથી 28 કંપનીઓના શેર લીલા નિશાનમાં ખુલ્યા

આજે મુહૂર્તના ટ્રેડિંગની શરૂઆતમાં સેન્સેક્સની 30 કંપનીઓમાંથી 28 કંપનીઓના શેર લીલા નિશાનમાં ખુલ્યા હતા જ્યારે 2 કંપનીઓના શેર નુકસાન સાથે લાલ નિશાનમાં ખુલ્યા હતા. એ જ રીતે નિફ્ટી 50ની 50 કંપનીઓમાંથી 45 કંપનીઓના શેર ઉછાળા સાથે લીલા નિશાનમાં ખૂલ્યા હતા અને બાકીની 5 કંપનીઓના શેર લાલ નિશાનમાં ઘટાડા સાથે ખૂલ્યા હતા.

આ પણ વાંચો: સરકારી તિજોરીમાં આવ્યા 1.87 લાખ કરોડ રૂપિયા, ઓક્ટોબરમાં GST કલેક્શન 9% વધ્યું

મહિન્દ્રા એન્ડ મહિન્દ્રાના શેરમાં સૌથી વધુ ઘટાડો નોંધાયો

ટ્રેડિંગની શરૂઆતમાં સેન્સેક્સ કંપનીઓમાં સામેલ મહિન્દ્રા એન્ડ મહિન્દ્રાના શેર આજે સૌથી વધુ 3.22 ટકાના વધારા સાથે ખૂલ્યા હતા. ટાટા મોટર્સના શેર 1.36 ટકા, ઇન્ડસઇન્ડ બેન્ક 1.29 ટકા, એક્સિસ બેન્ક 1.25 ટકા, કોટક મહિન્દ્રા બેન્ક 1.03 ટકા, બજાજ ફિનસર્વ 1.03 ટકા, ટાઇટન 1.01 ટકા, NTPCના શેર 1.00 ટકાના વધારા સાથે ખૂલ્યા હતા.

આ કંપનીઓના શેર પણ નફા સાથે ખુલ્યા

આ ઉપરાંત મારુતિ સુઝુકી, ટાટા સ્ટીલ, અલ્ટ્રાટેક સિમેન્ટ, એશિયન પેઈન્ટ્સ, બજાજ ફાઈનાન્સ, નેસ્લે ઈન્ડિયા, રિલાયન્સ ઈન્ડસ્ટ્રીઝ, આઈટીસી, ભારતી એરટેલ, સ્ટેટ બેંક ઓફ ઈન્ડિયા, અદાણી પોર્ટ્સ, ટીસીએસ, જેએસડબલ્યુ સ્ટીલ, ટેક મહિન્દ્રા, એચસીએલ ટેક, લાર્સન એન્ડ ટુબ્રો, પાવર ગ્રીડ, હિન્દુસ્તાન યુનિલિવર, એચડીએફસી બેંક અને ઇન્ફોસીસના શેરો લીલા રંગમાં ઉછાળા સાથે ખુલ્યા હતા.